သတင်းအချက်အလက်နှင့် ဆက်သွယ်မှု များကို ကြားဖြတ် ဖမ်းယူနိုင်ကြောင်း ဆက်သွယ်ရေး ဥပဒေကြမ်းတွင် ပါရှိ

19 November 2012  

သတင်းအချက်အလက်နှင့် ဆက်သွယ်မှု များကို ကြားဖြတ် ဖမ်းယူနိုင်ကြောင်း ဆက်သွယ်ရေး ဥပဒေကြမ်းတွင် ပါရှိအများ ပြည်သူများ လေ့လာနိုင်ရန် ပြီးခဲ့သည့် နိုဝင်ဘာလ ပထမပတ် အတွင်းက ထုတ်ပြန် ခဲ့သည့် ဆက်သွယ်ရေး ဥပဒေကြမ်း ပုဒ်မ ၇၃ တွင် ဖော်ပြ ထားချက်များ အရ ပြည်ထောင်စု အစိုးရ အဖွဲ့ အနေဖြင့် နိုင်ငံတော်လုံခြုံရေး၊ တရားဥပဒေ စိုးမိုးရေး သို့မဟုတ် ရပ်ရွာအေး ချမ်းသာယာရေးကို ထိခိုက်စေနိုင် သော မည်သည့် သတင်းအချက် အလက်နှင့် ဆက်သွယ်ရေးကို မဆို ကြားဖြတ် ဖမ်းယူနိုင်ရေး အတွက် သက်ဆိုင်ရာ အဖွဲ့အစည်း များသို့ ညွှန်ကြားနိုင်ကြောင်း ပါရှိပါသည်။
ထို့အပြင်ဝန်ကြီးဌာနသို့ မ ဟုတ် ယင်းကတာဝန်ပေးထား သည့် အဖွဲ့အစည်းသည်နိုင်ငံတော် ကာကွယ်ရေးနှင့် လုံခြုံရေးကိစ္စ များအတွက်သော်လည်းကောင်း၊ အများပြည်သူအကျိုးအတွက် သော်လည်းကောင်း လုပ်ငန်းလိုင်စင်တစ်ဦးဦးက လုပ်ကိုင်လျက်ရှိ သော ဆက်သွယ်ရေးဝန်ဆောင်မှု လုပ်ငန်းတစ်ရပ်အတွင်း ဝန်ဆောင် မှုပြုလုပ်နေမှုကို လိုအပ်ပါက ဝင် ရောက်ကြည့်ရှုစစ်ဆေးခြင်း၊ ကြီး ကြပ်ခြင်းနှင့်စာတမ်းအမှတ်အသား တို့ကို တင်ပြစေခြင်းပြုနိုင်ကြောင်း ပါရှိပါသည်။
ဝန်ကြီးဌာနသည် အများပြည် သူအကျိုးအတွက် ဆောင်ရွက်ရန် အခြေအနေ ပေါ်ပေါက် လာပါက အစိုးရအဖွဲ့ရဲ့ သဘောတူညီချက် ဖြင့် ဆက်သွယ်ရေး ဝန်ဆောင်မှု လုပ်ငန်းအား ယာယီရပ်ဆိုင်းရေး၊ ဆက်သွယ်မှုအမျိုးအစားတစ်ရပ် ရပ်ကို မပြုလုပ်ရေး၊ တားဆီးထိန်း သိမ်းထားရှိရေး၊ ကြားဖြတ် ဖမ်းယူ ရေး၊ ဆက်သွယ်ရေးဝန်ဆောင်မှု လုပ်ငန်းနှင့် ဆက်သွယ်ရေးပစ္စည်း များကို ယာယီထိန်းချုပ်သုံးစွဲရေး တို့အတွက် လုပ်ငန်းလိုင်စင် ရရှိသူ အား ညွှန်ကြားနိုင်ကြောင်းလည်းအဆိုပါ ပုဒ်မ ၇၃ တွင် ပါရှိသည်။
အဆိုပါ ဥပဒေကြမ်း အတွင်း အခန်း (၂၀)ပါဝင်ပြီး အမည်၊ သက် ဆိုင်ခြင်းနှင့် အဓိပ္ပါယ်ဖော်ပြချက် အခန်း၊ ရည်ရွယ်ချက်များအခန်း၊ အပြည်ပြည် ဆိုင်ရာ ဆက်သွယ် ရေး ပင်မဝင်ပေါက်ထွက်ပေါက်သတ် မှတ်ခြင်း၊ ဆက်သွယ်ရေးဝန်ဆောင် မှုလုပ်ငန်းတည်ထောင်လုပ်ကိုင်ခွင့် လုပ်ငန်းကို လိုင်စင် အခန်း၊ ဆက်သွယ်ရေး ပစ္စည်းဆိုင်ရာ လိုင် စင်အခန်း၊ လိုင်စင် ရရှိသူ၏ တာဝန် များ အခန်းကွန်ရက် အထောက်အကူ ပစ္စည်းနှင့် ဆက်သွယ်ရေး ပစ္စည်း များကို ထောက်ခံချက်ဖြင့် ပြည် တွင်းသို့ တင်သွင်းခြင်းနှင့် တင်ပို့ ခြင်းအခန်း၊ လှိုင်းနှုန်းစဉ်နှင့် ဂြိုဟ် တုပတ်လမ်းကြောင်း တည်နေပုံ တို့ကို စီမံခန့်ခွဲခြင်း၊ ဆက်သွယ်ရေး နံပါတ် လျာထား သတ်မှတ်ချက်နှင့် အီလက်ထရောနစ် လိပ်စာ လျာထား သတ်မှတ်ချက် အခန်း၊ နည်းပညာဆိုင်ရာ စံချိန်စံညွှန်းများ အခန်း၊ အသုံးပြုသူကို အကာအကွယ်ပေး ခြင်း၊ ချိတ်ဆက်အသုံးပြုခြင်းနှင့် အပြန်အလှန် ဆက်သွယ်ခြင်း အခန်း၊ ပြိုင်ဆိုင်မှုကို ဆန့်ကျင်သည့်လုပ် ဆောင်ချက်များကို တားမြစ်ခြင်း အခန်း၊ အငြင်းပွားမှု များကို ဖြေရှင်း ပေးခြင်းအခန်း၊ ကွန်ရက် အထောက် အကူပြု ပစ္စည်းများ တပ်ဆင်ခြင်း၊ ထိန်းသိမ်းခြင်းနှင့် ပြုပြင်မွမ်းမံခြင်း အခန်း၊ အများပြည်သူ အကျိုးဌာန နေရာဒေသ မရွေး အခြေခံဆက် သွယ်ရေးလိုအပ်ချက်ကိုဖြည့်ဆည်း ခြင်းအခန်း၊ စစ်ဆေးခြင်းနှင့် ကြီး ကြပ်ကွပ်ကဲခြင်းအခန်း၊ စီမံခန့်ခွဲ ရေးနည်းလမ်းအရ အရေးယူခြင်း အခန်း၊ ပြစ်မှုနှင့် ပြစ်ဒဏ်များ အခန်းနှင့် အထွေထွေဟူပြီး စုစု ပေါင်း အခန်း (၂၀)ပါဝင်ကြောင်း တွေ့ရပါသည်။
ခိုင်ဝေ

0 comments:

Post a Comment