ဝဘ်ဆိုဒ် Webby ဆု ရယူချင်တွေအတွက်

16 May 2012 08:40
တင်ညွန့်

ကမ္ဘာကို မြန်မာတွေ ကျော်နိုင်တဲ့ အခွင့်အရေးတွေ ရှိပါတယ်။ ကမ္ဘာကျော်နိုင်တဲ့ လမ်းကြောင်းတွေပေါ်ကို လျှောက်နိုင်ရင်ပေါ့လေ။
ကမ္ဘာကျော်ဆုတွေထဲမှာ သီချင်းအတွက်ဆိုရင် Grammy ဆုတွေ ပေးတယ်။ ရုပ်ရှင်အတွက်ဆိုရင် Oscar ဆုတွေ ချီးမြှင့်တယ်။ အင်တာနက်လောကမှာလည်း Webby ဆိုတဲ့ ဆုရှိပါတယ်။ ၁၉၉၆ ခုနှစ်ကတည်းက နှစ်စဉ်ပေးလာတဲ့ ဆုပါ။ ၀ဘ်ဆိုတ် (website) တွေကို အကောင်းဆုံးဖန်တီးနိုင်တဲ့ တီထွင်မှုအရှိဆုံး ဆုအနေနဲ့ ပေးပါတယ်။ ဆုရွေးချယ်ဖို့အတွက် ၀ဘ်ဆိုတ်တစ်ခုဟာ လှုပ်ရှားသွက်လက် စွမ်းဆောင်ချက်တွေ ကောင်းရမယ်။ မီဒီယာတစ်ခု အနေနဲ့ ရုပ်သံတွေ application တွေ ပေါင်းစပ်ပါဝင်တဲ့ ၀ဘ်ဆိုတ်တစ်ခု ဖြစ်ဖို့လည်း လိုပါတယ်။
၂၀၁၂ ခုနှစ်အတွက် Webby ဆုကို ရွေးချယ်ဖို့ ဆန်ကာတင်စာရင်းဝင် ၀ဘ်ဆိုတ် ပေါင်း ၁၀၀ ကျော် ရှိပါတယ်။ တကယ့်ကို စွမ်းအားကောင်းတဲ့ Pinterest (http://pinterest.com/) လိုမျိုးကနေ လူသိနည်းသေးတဲ့ Draw a Stickman (http://www.drawastickman.com/) အထိ ပါဝင်တယ်။ ၀ဘ်ဆိုတ် တစ်ခုဟာ  သေးသည်ဖြစ်စေ၊ ကြီးသည်ဖြစ်စေ Webby ဆုကို ရရှိမယ့်သူဟာ စွမ်းဆောင်ချက်နှစ်ခုကို လုပ်ပြနိုင်ရတယ်။ အဲဒါတွေကတော့
- အမြင်ပိုင်းဆိုင်ရာ ထူးခြားတဲ့ အသွင်အပြင်တွေနဲ့ ဆင်ယင်ပြနိုင်စွမ်းရှိရမယ်။ အဖွဲ့လိုက်ဖြစ်စေ၊ တစ်ဦးချင်း ဖြစ်စေ စိတ်ကူးတွေ ပေါင်းစပ်ပါဝင်ပြီး တီထွင်ဖန်တီးခွင့် ရှိတယ်။
- ဒုတိယအချက်အနေနဲ့ ကိုယ်ဖန်တီးထားတဲ့ ၀ဘ်ဆိုတ်ကို အွန်လိုင်းပေါ် တင်နိုင်ရမယ်၊ အင်တာနက်ပေါ်မှာ လူကြိုက်များတဲ့ ဆိုတ်တစ်ခု ဖြစ်လာရမယ်။

၂၀၁၂ ခုနှစ်အတွက် Webby ဆုရှင်များ
၂၀၁၂ ခုနှစ် Webby ဆုရှင်တွေထဲမှာ နာမည်ကြီး လူသိများတာတွေပါသလို၊ မျက်နှာသစ်တွေလည်း ပါဝင်တယ်။ ဆုတွေကို ခေါင်းစဉ်အလိုက် အမျိုးမျိုးခွဲခြားသတ်မှတ်ပေးပါတယ်။ ဒီနှစ်အတွက် အွန်လိုင်းပေါ်မှာ လူကြိုက်အများဆုံး  ၀ဘ်ဆိုဒ်တွေထဲက ဆုရရှိသွားတဲ့ အချို့ကို ဖော်ပြရရင်..
-Pinterest (http://pinterest.com/) အကောင်းဆုံး ဆိုရှယ်မီဒီယာ application ဆု
-Manilla (https:www.manilla.com) အကောင်းဆုံးအွန်လိုင်း ဘဏ်နှင့် ငွေပေးစနစ်ဆု
-Mashable (http://mashable.com/) အကောင်းဆုံး ဘလော့ဂ်ဆု (စီးပွားရေးလုပ်ငန်းဆိုင်ရာ)
အခြားဆုရရှိတဲ့ ဆိုတ်တွေ အများကြီး ရှိပါသေးတယ်။ အဲဒီထဲမှာ Clouds 365 Project (http://www.clouds365.com/) ဆိုတဲ့ ဆိုဒ်ကို အကောင်းဆုံး personal blog ဆု ဆိုပြီး ပေးတာလည်း ထူးခြားချက်တစ်ရပ်လို့ ဆိုရမယ်။ အဲဒီ ဘလော့ဂ်ကို ရေးသူက Kelly Delay ဆိုသူ ဖြစ်ပြီး ဆန်းသစ်တဲ့ဒီဇိုင်း အပြင်အဆင်တွေနဲ့ ဖော်ကျူးထားပါတယ်။

Webby ဆုကို ရယူချင်တယ်ဆိုရင်
မည်သူမဆို ပါဝင်ယှဉ်ပြိုင်နိုင်ပါတယ်။ ရုပ်ရှင်ပြကွက်တွေ၊ မိုဘိုင်း application တွေနဲ့ အခြား ၀ဘ်ဆိုတွေထက် ထူးခြားတဲ့ မြင်ကွင်းမျိုးတွေကို ဖော်ဆောင်ပြနိုင်သူတွေ ဖြစ်ရပါလိမ့်မယ်။ အဖွဲ့လိုက် လုပ်နိုင်သလို၊ တစ်ဦးချင်းလည်း အစွမ်းပြလို့ ရပါတယ်။ ပရောဂျက်တစ်ခုအနေနဲ့ လက်စွမ်းပြလို့လည်း ရတယ်။ ဒါပေမဲ့ ပရောဂျက်တိုင်းဟာ လူအများလက်ခံပြီး၊ လက်တွေ့ အသုံးချနိုင်တာမျိုးဆိုရင် ပိုကောင်းပါတယ်။
တကယ်လို့ Webby ဆု ပိုင်ရှင်ဆိုတဲ့ ဂုဏ်ထုးကို ရယူချင်တယ်ဆိုရင် အောက်ဖော်ပြပါ နယ်ပယ်တွေမှာ ကျင်လည်နိုင်သလို ဂုဏ်သိက္ခာရှိရှိ ရပ်တည်နိုင်မှာ ဖြစ်ပါတယ်။
၁။  Software Developers
ဒီနေ့ခေတ်မှ အင်တာနက် service ပေးချင်ရင် mobile application တွေဟာ မပါမဖြစ်ဆိုတာ သဘောပေါက်ရမှာပါ။ မိုဘိုင်းနဲ့ ပတ်သက်တာတွေဟာ ပရောဂျက်တိုင်းလိုလိုရဲ့ နောက်ကွယ်မှာ ထည့်သွင်းပေးရတဲ့ အနေအထးကို ရောက်လာပါပြီ။ ဘာပဲလုပ်လုပ် မိုဘိုင်းအထိ လုပ်ဆောင်နိုင်စွမ်း ရှိတယ်ဆိုတဲ့ ရလဒ်ကို အဖြေထုတ်ပြနိုင်ရင် လူကြိုက်များတယ်။
ဆော့ဖ်ဝဲ developer အများစုဟာ ကွန်ပျူတာဘွဲ့တစ်ခုခုတော့ ပိုင်ဆိုင်ထားကြတာ များတယ်။ ဒါမှမဟုတ် ပတ်သက်ရာ ပတ်သက်ကြောင်း  ဘွဲ့တစ်ခုခု ရရှိထားကြတယ်။ ၂၀၁၀ အလုပ်သမားရေးရာဌာနရဲ့ စာရင်းကောက်ခံချက်အရ software developer တစ်ယောက်ရဲ့ ပျမ်းမျှတစ်နှစ်လစာ ၉၀၅၃၀ ဒေါ်လာ ရှိတယ်လို့ ဆိုတယ်။ ၂၀၁၀ ခုနှစ်ကနေ ၂၀၂၀ ခုနှစ်အတွင်း ဆော့ဖ်ဝဲ developer လိုအပ်ချက်ဟာ ၃၀ ရာခိုင်နှုန်းနဲ့ အထက်မှာ ရှိနေလိမ့်မယ်လို့လည်း ခန့်မှန်းထားတယ်။
၂။ Graphic Designer
ဂရပ်ဖစ်ဒီဇိုင်နာတစ်ယောက်ရဲ့ ဖန်တီးချက်တစ်ခုဟာ ကြည့်လိုက်၊ မြင်လိုက်တာနဲ့ ဟာခနဲ၊ ဟင်ခနဲ ဖြစ်သွားစေလောက်တာမျိုး ဖြစ်သင့်တယ်။ ဂရပ်ဖစ်ဒီဇိုင်းနာတစ်ယောက်ဟာ အမြင်ရှိရမယ်၊ စိတ်ကူး ကောင်းရမယ်၊ ဖန်တီးနိုင်စွမ်း ရှိရမယ်၊ အဖွဲ့လိုက် ပူးပေါင်းလုပ်ဆောင်နိုင်စွမ်းလည်း ရှိရမယ်။ ဂရပ်ဖစ်ဒီဇိုင်းနဲ့ ပတ်သက်တဲ့ ဘွဲ့တစ်ခုခု ရရှိထားပြီး ဖြစ်ရမယ်။ BIs.gov ရဲ့ အစီရင်ခံချက်အရ ဂရပ်ဖစ်ဒီဇိုင်နာတစ်ယောက်ဟာ ၂၀၁၀ ခုနှစ်လောက်ကတည်းက တစ်နှစ်ပျမ်းမျှလစာ ဒေါ်လာ ၄၃၅၀၀ လောက် ရတယ်လို့ ဆိုပါတယ်။
၃။ Writer
စာရေးဆရာတွေလည်း လိုပါတယ်။ စာရေးဆရာရဲ့ စိတ်ကူးကို ဂရပ်ဖစ်ဒီဇိုင်နာက လိုက်ပြီး အကောင်အထည် ဖော်ရတာဖြစ်ပါတယ်။ ၀ဘ်ဆိုတ်တွေထဲမျာ စိတ်ကူးပုံတွေသာမက စိတ်တံခါးကို ဖွင့်ပေးနိုင်တဲ့ စာတွေလည်း လိုပါတယ်။ လူတိုင်း ကိုယ့် site ထဲကို ၀င်လာပြီး တစ်ခုခုရသွားတာမျိုး၊ ကိုယ်လည်းရ သူတစ်ပါးကိုလည်း ညွန်းပြနိုင်တဲ့ site မျိုးဖြစ်ဖို့ အရေးကြီးပါတယ်။
ဥပမာ၊ Webby ဆုရသွားတဲ့ Onion အဖွဲ့ဟာဆိုရင် အကောင်းဆုံးဟာသဆုကို ရရှိသွားသူတွေ ဖြစ်ပါတယ်။ အဲဒီ ဆိုတ်မှာ  ရေးတဲ့ စာေေးဆရာတွေကဘလည်း အကောင်းဆုံး ဟာသစာရေးဆရာတွေ ဖြစ်တယ်။ စာရေးဆရာ ဆိုတာကတော့ ဘွဲ့မရလည်း ဖြစ်ပါတယ်။ အင်္ဂလိပ်လို ကောင်းကောင်းနားလည်ပြီး ရေးသားနိုင်စွမ်းလည်း ရှိရမယ်။ ၂၀၁၀ ခုနှစ် bls.gov ရဲ့ ခန့်မှန်းချက်အရ စာရေးဆရာတစ်ယောက်ရဲ့ တစ်နှစ် ပျမ်းမျှလစာဟာ ဒေါ်လာ ၅၅၄၂၀ လို့ သိရပါတယ်။
၎။ Computer Systems Administrator
Admin တွေရဲ့ တာဝန်ကတော့ site တစ်ခုလုံးအတွက် အရေးပါတဲ့နေရာလို့ ဆိုနိုင်ပါတယ်။ အကောင်းဆုံးနဲ့ အဆင်ပြေဆုံး run နိုင်အောင် တာဝန်ယူရပါတယ်။ ပြဿနာတွေ မတက်အောင် ကြိုတင် တားဆီး၊ ပြဿနာတွေ ဖြစ်လာရင်လည်း ဖြေရှင်းပေးနဲ့ တာဝန်ကြီးပါတယ်။ Admin အလုပ်အကိုင်အခွင့်အလမ်းလည်း များသလို ၂၀၁၀ ကနေ ၂၀၂၀ အတွင်း ၂၈ ရာခိုင်နှုန်းလောက် လိုအပ်နေလိမ့်ဦးမယ်လို့ bls.gov မှာ တွေ့ရတယ်။ တစ်နှစ်လစာကလည်း ဒေါ်လာ ၆၉၁၆၀ လောက် ရရှိတယ်လို့ ဆိုထားတယ်။
၅။ Public Relations Specialist
Webby ဆုအေတွက် စိတ်ဝင်စားစရာကောင်းတာကတော့ PR (Public Relations) ဆု ဖြစ်ပါတယ်။ ကုမ္ပဏီတစ်ခု သို့မဟုတ် customer တစ်ယောက်ဟာ Webby ဆု ရွေးချယ်ရေးအဖွဲ့လို တွေးမှာတော့ မဟုတ်ဘူး။ ဒါပေမဲ့ PR တစ်ယောက်ဟာ ဈေးကွက်ကို ကောင်းကောင်းနားလည်ရမယ်။ ဈေးကွက်ကို ထိုးဖောက်နိုင်စွမ်း၊ ဈေးကွက်ကြိုက်အောင် ဖော်ဆောင်နိုင်စွမ်းတွေ ရှိရမယ်။
ဈေးကွက်နဲ့ ပတ်သက်ပြီး ဘွဲ့တစ်ခုခု ရှိထားဖို့လိုတယ်။ ကြော်ငြာ သို့မဟုတ် PR နဲ့ ပတ်သက်တဲ့ ဘွဲ့တွေလည်း ပိုင်ဆိုင်ထားရင် ပိုကောင်းတယ်။ ၂၀၁၀ ကနေ ၂၀၂၀ အတွင်း PR တွေ ၂၁ ရာခိုင်နငန်းလောက် လိုအပ်နေလိမ့်မယ်။ တစ်နှစ် ပျမ်းမျှလစာ ဒေါ်လာ ၅၇၅၅၀ လောက် ရတယ်လို့ bls.org မှာ ဖော်ပြထားတယ်။
အွန်လိုင်းလောကမှာတော့ Webby ဆုဟာ တန်ဖိုးမဖြတ်နိုင်ပါဘူး။ ပညာအခြေခံလည်းကောင်း၊ တီထွင် ဖန်တီးနိုင်စွမ်းလည်း ကောင်းရင် ဆုရရှိဖို့ မဝေးပါဘူး။ ဒါကြောင့် Webby ဆုအတွက် စမ်းသပ်ကြဖို့ အကြံပြုလိုက်ပါရစေ။

0 comments:

Post a Comment