အိန္ဒိယ၀န်ကြီးချုပ် မန်မိုဟန်ဆင်း မေလ ၂၈ ရက်နေ့တွင် မြန်မာပြည်သို့ လာရောက်လည်ပတ်ရန် စီစဉ်ထား


အိန္ဒိယ၀န်ကြီးချုပ် မန်မိုဟန်ဆင်းသည် မြန်မာနိုင်ငံသို့ မေလ ၂၈ ရက်နေ့တွင် သုံးရက်ကြာ ခရီးစဉ်အဖြစ် လာရောက်လည်ပတ်မည်ဟု India Today သတင်းစာက ဖော်ပြထားသည်။

၎င်း၏ ခရီးစဉ်တွင် နေပြည်တော်နှင့် မြန်မာနိုင်ငံ၏ စီးပွားရေးမြို့တော် ရန်ကုန်သို့ လာရောက်မည်ဖြစ်ပြီး မြန်မာနိုင်ငံ၏ လူ့အရင်းအမြစ် တည်ဆောက်ရေး၊ အခြေခံအဆောက်အအုံ ဖွံ့ဖြိုးရေး၊ စိုက်ပျိုးရေးနှင့် ကာကွယ်ရေးကဏ္ဍ တို့တွင် အကူအညီများ ပေးအပ်သွားမည်ဟု အဆိုပြုရန် စီစဉ်ထားကြောင်း သိရသည်။ ၎င်း၏ ခရီးစဉ်သည် စွမ်းအင်အရင်းအမြစ်များ ကြွယ်ဝသော မြန်မာနိုင်ငံအပေါ် အိန္ဒိယ၏ စိတ်ဝင်စားမှုကို ဖော်ပြရန် အခွင့်အလမ်း ရစေမည်ဟု ဆိုထားသည်။
Sunday, 13 May 2012 23:49
ဝန်ကြီးချုပ် မြန်မာနိုင်ငံသို့ မလာရောက်မီတွင် အိန္ဒိယရှိ လွှတ်တော်ကိုယ်စားလှယ်များနှင့် အဖွဲ့အစည်းများက မြန်မာ့ဒီမိုကရေစီရေး ပြုပြင်ပြောင်းလဲမှုများကို ဆက်လက်လုပ် ဆောင်သွားရေးအတွက် တွန်းအားပေးရန် တောင်းဆိုထားကြသည်။

ထို့ပြင် အိန္ဒိယလူထုအခြေပြု အဖွဲ့အစည်း ၂၇ ခုကလည်း အိန္ဒိယနိုင်ငံက ဆောင်ရွက်နေသည့် မြန်မာနိုင်ငံအတွင်းရှိ ဖွံ့ဖြိုးရေး စီမံကိန်းများနှင့်ဆက်စပ်ပြီး ထောက်ပြပြောဆိုထားသည်။

မြန်မာနိုင်ငံ စစ်ကိုင်းတိုင်း၊ ချင်းတွင်းမြစ်ပေါ်တွင် တည်ဆောက်နေသည့် ထမံသီ ရေအားလျှပ်စစ် စီမံကိန်းကြောင့် လူပေါင်း ၄၅၀၀၀ ကျော် နေရပ် စွန့်ခွာကြရကြောင်း၊ ကုလားတန်မြစ်ကြောင်း ဘက်စုံစီမံကိန်းနှင့် ပတ်သတ်၍လည်း စီမံကိန်းအတွက် သစ်တောဧရိယာ ၁၉၆.၇၅ ဟက်တာ ခုတ်ထွင်ပစ်ရမည်ဖြစ်ကြောင်း ထောက်ပြထားသည်။ အဆိုပါ စီမံကိန်းကြောင့် သဘာဝနှင့် လူမှုပတ်ဝန်းကျင်အပေါ် သက်ရောက်မှုများကို လေ့လာဆန်းစစ်မှုများ မပြုလုပ်ရသေးသလို ဒေသခံများကိုလည်း လုံလောက်သော သတင်းအချက်အလက်များ ပေးခြင်းမရှိ ကြောင်း ထောက်ပြခဲ့ကြသည်။

အိန္ဒိယ၀န်ကြီးချုပ်သည် မြန်မာသမ္မတ ဦးသိန်းစိန်နှင့် ၂၀၁၁ ခုနှစ် အောက်တိုဘာလက အိန္ဒိယနိုင်ငံ နယူးဒေလီမြို့တွင် တွေ့ဆုံခဲ့ဖူးပြီး နှစ်နိုင်ငံအကြား နိုင်ငံရေး၊ စီးပွားရေးနှင့် နယ်စပ်ရေးရာများ ဆွေးနွေးခဲ့ကြသည်။

0 comments:

Post a Comment