လေပြင်းတိုက်ခတ်မှုကြောင့် ကချင်ဒုက္ခသည်စခန်း တဲအိမ် ၂၀ ကျော်ပျက်စီး

01 May 2012 
KNG


 ကချင်လွတ်မြောက်ရေးအဖွဲ့ (KIO) ဗဟိုဌာနချုပ် လိုင်ဇာမြို့ပြင်ရှိ ဂျေယန်ခ (Je Yang Hka) ဒုက္ခသည်စခန်းတွင် ဧပြီ ၂၉ ယမန်နေ့ည လေပြင်း တိုက်ခိုက်မှုကြောင့် ဒုက္ခသည်စခန်း တဲအိမ် ၂၀ ကျော်ပျက်စီးခဲ့သည်။

ည ၁၀ နာရီမှ ၁၂ နာရီထိ မိုးနှင့်အတူ လေပြင်းတိုက်ခိုက်ခဲ့ရာ ဒုက္ခသည်စခန်း တဲအိမ် ၂၀ ကျော်မှာ လုံးလုံးပျက်စီးသွားပြီး အချို့စခန်းများမှာ မိုးကာများဖြုတ်၊ ပြဲသွားသည် ဟု ဂျေယန့်ဒုက္ခသည်စခန်းမှ တာဝန်ရှိသူ KIA အရာရှိ ၀မ်ဒေဆိုင်းဂျတ်ဒူ (Wangde Seng Jat Du) ပြောသည်။

ယခုချိန် ပျက်စီးသွားသောစခန်းမှ ဒုက္ခသည်များသည် မပျက်စီးသော စခန်းများတွင် စုပေါင်းခိုလုံနေကြောင်းနှင့် မိုးကာဖြုတ်ပြီး ပြဲသွားသောစခန်းများကို ဧပြီ ၃၀ ယနေ့ KIO မှအသစ်ပြန်လည်မိုးပေးကြောင်း ထိုနေရာမှ ဒုက္ခသည်တစ်ဦးက ပြောသည်။

“အားလုံးပျက်စီးသွားတဲ့ စခန်းတွေကိုတော့ မနက်ဖြန်ဖြုတ်ပြီး ပြန်ပြင်ဆောက်မယ်။” ဟု ၀မ်ဒေဆိုင်းဂျတ်ဒူ ကပြောသည်။

၎င်းဒုက္ခသည်စခန်းတွင် စခန်း ၆၀၀ ကျော်ရှိပြီး ဒုက္ခသည်ပေါင်း ၆၀၀၀ ကျော်ရှိသည်ဟု သူကဆက်ဆိုသည်။

0 comments:

Post a Comment