ဝန်ကြီး ဦးကျော်ဆန်းရဲ့ လာဘ်ပေးလာဘ်ယူ ကိစ္စများ

Sunday, May 13, 2012 


ပြန်ကြားရေးဝန်ကြီးဌာန ပြည်ထောင်စုဝန်ကြီး ဖြစ်သူ ဦးကျော်ဆန်းသည် စစ်တက္ကသိုလ်အပတ်စဉ် (၁၁) က ဖြစ်ပြီး လက်ရှိ ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် တပတ်စဉ်တည်း ကျောင်းဆင်းများ ဖြစ်သည်။ ယခင်က တစ်ဦးနှင့်တစ်ဦး အပေးအယူ မျှပြီး ခင်မင် ရင်းနှီးကြသည်။ ယခုအခါတွင်မူ ဦးကျော်ဆန်းသည် သမ္မတဦးသိန်းစိန်နှင့် ပိုမိုနီးစပ်သွားသဖြင့် သူရဦးရွှေမန်းနှင့် သင့်မြတ်ခြင်း မရှိတော့ကြောင်း ကြားသိရသည်။

ပြီးခဲ့သောနှစ် ဇွန်လက ရန်ကုန်မြို့ ပြည်သူ့လွှတ်တော်တွင် သူရဦးရွှေမန်းက ရန်ကုန်တိုင်းဒေသကြီးအစိုးရ အဖွဲ့ဝင်များ၊ အမတ်များ၊ လုပ်ငန်းရှင်ကြီးအား မိန့်ခွန်းပြောကြားခဲ့သော်လည်း သူရဦးရွှေမန်း၏ ပြောကြားချက်များကို ဦးကျော်ဆန်း ချုပ်ကိုင်ထားသည့် မီဒီယာများတွင် ဖော်ပြခြင်း မရှိသည်က လူသိထင်ရှား အဖြစ်ဆုံးသော အကွဲအပြဲ ဖြစ်ခဲ့သည်။

ဦးကျော်ဆန်းသည် တပ်မတော်အစိုးရက နှစ်ပေါင်းများစွာ အချိန်ယူ ပြင်ဆင်ပြီး ၂ဝ၁၁ ခုနှစ်တွင် ဖွဲ့စည်းလိုက်သော အရပ်သားအစိုးရသစ်တွင်လည်း ယခင်အတိုင်း ပြန်ကြားရေးဝန်ကြီးတာဝန်ကို ဆက်လက် ခန့်ထားခံရသူဖြစ်သည်။

ထိုသို့ ဆက်လက် တာဝန်ပေးခံရခြင်းမှာ ကာကွယ်ရေးဦးစီးချုပ်ရာထူးမှ အနားယူသွားသည့် ဦးသန်းရွှေ နှင့် လည်းကောင်း၊ ဦးသန်းရွှေ၏ မိသားစုတို့နှင့် လည်းကောင်း နီးစပ် ဝင်ဆန့်သူ ဖြစ်ခြင်းကြောင့်ဟု သိရသည်။

ဦးကျော်ဆန်းသည် ယခင် နယက အစိုးရ လက်ထက်တွင် စီးပွားရေးနှင့် ကူးသန်း ရောင်းဝယ်ရေး ဒုတိယဝန်ကြီး၊ ပြန်ကြားရေးဝန်ကြီး စသည့် တာဝန်များကို ဆက်တိုက်ထမ်းဆောင်ခဲ့သူဖြစ်သဖြင့် လုပ်ပိုင်ခွင့်များအပေါ် ချယ်လှယ်ခွင့်ရရှိခဲ့၍
အလွန်အကျွံ ကြွယ်ဝ ချမ်းသာနေသူ ဖြစ်သည်။

ဦးကျော်ဆန်း၏ လာဘ်ပေးလာဘ်ယူ ကိစ္စများ အနက် လူသိများပြီး ငွေကြေး အမြောက်အများ ရရှိသည့် လုပ်ငန်းများမှာ အောက်ပါအတိုင်း ဖြစ်သည်။

၁) MRTV 4 ထုတ်လွှင့်ခွင့် ရရှိသူ FOREVER ကုမ္ပဏီပိုင်ရှင် ဦးဝင်းမော်နှင့် အကျိုးတူရှယ်ယာလုပ်ဆောင်လျက်ရှိခြင်း။
FOREVER ကုမ္ပဏီ သည် လစဉ် ကျပ် သိန်းတစ်ထောင်ခန့် အမြတ် ရရှိနေသည်။
ဝန်ကြီး ဦးကျော်ဆန်းက သူ ရှယ်ယာပါဝင်သော ထိုလုပ်ငန်းအတွက် ရုပ်သံ ထုတ်လွှင့်မှု ဆိုင်ရာ အခွင့်အရေးများ ပေးအပ်ထားသည်။
ရှယ်ယာပါဝင်သည် ဆိုသော်လည်း စီးပွားရေးလုပ်ငန်း စီမံခန့်ခွဲဖို့ မလို၊ ငွေအရင်းအနှီး မြှုပ်နှံရန် မလိုအပ်ဘဲ ဝန်ကြီး ဦးကျော်ဆန်း အတွက် ၀င်ငွေ အထူးကောင်းသော လုပ်ငန်း ဖြစ်နေသည်။

၂) MRTV 4 ၏ တိုက်ရိုက်ထုတ်လွှင့်မှုများအတွက် ဆင်ဆာ ဖြတ်တောက်မှု သက်သာခွင့် ပေးထားခြင်း။
လုပ်ငန်းကြီးကြီး လုပ်ကိုင်လိုသူများ တပါးသူထက် နှာတဖျားသာပါက သက်ဆိုင်ရာ ဝန်ကြီး၊ ညွှန်ချုပ်တို့ကို ကိုယ့်အိတ်ထဲ ထည့်ထားလျှင် လုပ်ငန်းအဆင်ပြေသည်ဟူသော ဖော်မြူလာ ဖြစ်သည်။ ဝန်ကြီးဦးကျော်ဆန်းက ရှယ်ယာရ (ဆက်ကြေး ပုံမှန်ရ) သဖြင့် FOREVER အား ရုပ်သံလုပ်ငန်းကြီး လုပ်ပိုင်ခွင့်ကို ပေးထားရုံသာမက FOREVER ၏ မီဒီယာကြီးအား ဆင်ဆာဖြတ်ခြင်းနှင့် ပတ်သက်ပြီး သက်သာခွင့် ပေးထားခြင်း ဖြစ်သည်။

၃) FOREVER ကုမ္ပဏီက ပြန်ကြားရေးဝန်ကြီးဌာနသို့ ပေးသွင်းရမည့် နိုင်ငံခြားငွေ ဒေါ်လာ (၃) သန်းနှင့် မြန်မာကျပ်ငွေ သိန်းသောင်းဂဏန်းကို တောင်းခံခြင်းမပြုဘဲ ကင်းလွတ်ခွင့်ပေးထားခြင်း။

ဤသို့ ကင်းလွတ်ခွင့်အတွက် ကုမ္ပဏီ နှင့် ဝန်ကြီးအား မည်သို့ သဘောတူညီချက် ရထားသည်ကို မသိရပေ။

၎) MOVIE 5 CHANNAL ထုတ်လွှင့်ခွင့်နှင့် ကြော်ငြာလုပ်ငန်းကို ဝန်ကြီး ဦးကျော်ဆန်း၏ သမီးဖြစ်သူက ဦးစီး ဆောင်ရွက်လျက်ရှိပြီး တစ်လလျှင် အမြတ်ငွေ သိန်း ၆ဝဝ ခန့် ရရှိနေခြင်း။
သမီးဖြစ်သူ၏ ရုံးခန်းနှင့် ကြော်ငြာ ရုံးခန်းအား ရန်ကုန်မြို့၊ လှိုင်မြို့နယ်၊ ၆ မိုင်ခွဲရှိ ရှေးဟောင်းသုတေသနရုံး၏ တစ်ဝက်ခန့်ကို နေရာယူ၍ ဆောင်ရွက်လျက်ရှိခြင်း။
ရှေးဟောင်းသုတေသနဌာနသည် ဦးကျော်ဆန်း တာဝန်ယူရသော ယဉ်ကျေးမှုဝန်ကြီးဌာန၏ လက်အောက်ခံ ဖြစ်သည်။ MOVIE 5 သည် FOREVER ကုမ္ပဏီ၏ ရုပ်သံလုပ်ငန်း ဖြစ်သည်။ ထို့ကြောင့် ထိုကုမ္ပဏီသည် ဝန်ကြီး ဦးကျော်ဆန်း၏ မိသားစုလုပ်ငန်းကြီးတခု ဖြစ်လာသည်။
ပြန်ကြားရေးဝန်ကြီးဌာန၊ ယဉ်ကျေးမှုဝန်ကြီးဌာနတို့မှ အရာရှိများ၊ ဝန်ထမ်းများသည်လည်း တခါတရံ ထိုကုမ္ပဏီအရာရှိများ၏ ညွှန်ကြားမှုအောက်သို့ ရောက်နေတတ်သည်။

၅) SKY NET ရုပ်သံ လုပ်ငန်း ထံမှလည်း အမြတ်ငွေ၏ ၂၅% ခန့်ကို ရရှိနေခြင်း။
လုပ်ငန်း အဆင်ပြေရေးအတွက် ဝန်ကြီးကို အိတ်ထဲ ထည့်ခြင်း ဟူသော ဖော်မြူလာကို ရွှေသံလွင် ကုမ္ပဏီကလည်း ကျင့်သုံးလျက်ရှိရာ ဝန်ကြီး ဦးကျော်ဆန်းက အမည်ခံပေးရုံ သက်သက်ဖြင့် SKY NET ၏ ဝင်ငွေ လေးပုံတပုံကို အလိုအလျောက် ရနေသည်။
လုပ်ပိုင်ခွင့်အာဏာကို စနစ်တကျ တလွဲ အသုံးချသည့် ဝန်ကြီးလည်း ဝင်ငွေ အလွန်ကောင်းသော လုပ်ငန်းရှင်ကြီး ဖြစ်လာသည်။

ဤသို့ဖြင့် မြန်မာပြည်၏ အခပေး ရုပ်သံလိုင်း ဈေးကွက်သို့ ဝင်ရောက်လိုသူများအတွက် ဝန်ကြီး ဦးကျော်ဆန်းသည် လုပ်ထုံးလုပ်နည်းအရ မဖြစ်မနေ ညှိနှိုင်းရမည့် အစိုးရခေါင်းဆောင်တဦး ဖြစ်နေပြီး တဘက်တွင်လည်း ရှယ်ယာ တနင့်တပိုး ပေးရမည့် လုပ်ငန်းရှင်ဝန်ကြီး ဖြစ်နေသည်။

၆) ရန်ကုန်နှင့် မန္တလေးမြို့များရှိ အမျိုးသားကဇာတ်ရုံများကို FOREVER ကုမ္ပဏီသို့ နှစ် (၃ဝ) ငှားရမ်းခွင့် ရရှိရေးအား ဝန်ကြီးက ကြပ်မတ် ဆောင်ရွက်ပေးခြင်း။
ယဉ်ကျေးမှု ဝန်ကြီးဌာန နှင့် FOREVER တို့ အသက်သာဆုံးဈေးနှုန်းဖြင့် စာချုပ် ချုပ်နိုင်ရေးအတွက် အရှိန်အဝါသုံး ဆောင်ရွက်ခြင်း။

၇) ဝန်ကြီးအရှိန်အဝါသုံးပြီး သားဖြစ်သူ၏ ဥပဒေမဲ့ ဆောင်ရွက်ချက်များအား အကာအကွယ် ပေးခြင်း။
ဝန်ကြီး၏သားဖြစ်သူသည် ယခင် တပ်မတော်ထောက်လှမ်းရေး ဗိုလ်မှူးချုပ် မြင့်ဇော်၏ သမီးဖြစ်သူနှင့် လက်ထပ်ပေါင်းသင်းခဲ့သည်။ သို့သော်လည်း ဗိုလ်ချုပ်မှူးကြီးသန်းရွှေလက်ထက် ထောက်လှမ်းရေးအဖွဲ့များ ပြဿနာတက်ချိန်တွင် သူ၏သားအား အိမ်ထောင်ဘက်နှင့် အတင်း ကွာရှင်း ခိုင်းခဲ့ပြီး ဗိုလ်ချုပ်မှူးကြီးသန်းရွှေအပေါ် မျက်နှာလုပ်ခဲ့သည်။

ယခုအခါ ဝန်ကြီး၏သားဖြစ်သူသည် စိတ်ကြွဆေး အပါအဝင် မူးယစ်ဆေးဝါးစွဲနေပြီး အရောင်းအဝယ်ပင် ပြုလုပ်နေသည်။ ရဲတပ်ဖွဲ့၏ ဖမ်းဆီးမှု၊ စစ်ဆေးမှုများ မကြာခဏခံရသော်လည်း ဝန်ကြီး၏ အရှိန်အဝါ နှင့် ဖိအားပေးမှုကြောင့် ဥပဒေအရအရေးယူခြင်းမခံရဘဲ စီးပွားရေး လုပ်ငန်းများ ဆက်လက် လုပ်ကိုင်လျက် ရှိနေသည်။

၈) ပြည်ပသွင်းကုန် လုပ်ပိုင်ခွင့်မှ ကော်မရှင်ခ ရယူခြင်း။
ပြန်ကြားရေးဝန်ကြီးဌာန၏ ပြည်ပသွင်းကုန်များအား FOREVER ကုမ္ပဏီမှ အမှုဆောင် အရာရှိချုပ် ဦးဝင်းမော်နှင့်အဖွဲ့ကိုသာ လုပ်ပိုင်ခွင့်ပေးထားသည်။ အကျိုးအမြတ် များပြားသော ထိုလုပ်ငန်းအတွက် FOREVER က ဝန်ကြီး ဦးကျော်ဆန်းအား ကော်မရှင်ခ အများအပြား ရခဲ့သည်ဟု သိရှိရသည်။

ပြည်ထောင်စုဝန်ကြီးတစ်ဦး၏ လာဘ်ပေးလာဘ်ယူ ကိစ္စများကို ဖော်ပြခဲ့ခြင်း ဖြစ်သည်။

http://karencommunityassociation.blogspot.com.au

0 comments:

Post a Comment