ကန်ပိုင်တီလမ်းမှ တံတား ၁ ခု KIA ဖျက်ဆီး


မြစ်ကြီးနား-ကန်ပိုင်တီလမ်းမှ တံတား ၁ ခုကို ဧပြီ ၂၆၊ ကြာသပတေးနေ့က KIA မှ ဗုံးဖေါက်ခွဲ ဖျက်ဆီးခဲ့သည်။

ယင်းတံတားသည် အရှည် ပေ ၇၀ ကျော်ရှိပြီး ကချင်ပြည်နယ်မြို့တော် မြစ်ကြီးနား၏ အရှေ့ဘက် မိုင် ၂၀ ကျော်၊ ဆဒုံကျေးရွာ အနီးမှာ တည်ရှိသည်။ တံတား ဖျက်ဆီးသွားပြီးနောက် ကုန်တင်ယာဉ် အသွားအလာများ ရပ်သွားသည်ဟု ဒေသခံများဆိုသည်။

မြစ်ကြီးနား-Tengchong ကို ဆက်သွယ်ပေးသော ဒုတိယကမ္ဘာစစ် ကာလက အမေရိကန်အစိုးရမှ ဖောက်လုပ်ခဲ့သည့် Ledo (သို့မဟုတ်) Stilwell လမ်းမခေါ် ကန်ပိုင်တီလမ်းကို ၂၀၀၆ ခုနှစ်က တရုတ်အစိုးရမှ ပြန်လည်ပြုပြင်ခဲ့သည်။

ပြီးခဲ့သည့်နှစ် ဇွန်လမှ မြန်မာအစိုးရနှင့် KIO ကြား စစ် စတင်ဖြစ်လာပြီးနောက် ကမ်ပိုင်တီလမ်းမသည် တခုတည်းသော ကချင်ပြည်နယ်၏ နယ်စပ်ကုန်သွယ်ရေးလမ်းမဖြစ်လာသည်။

0 comments:

Post a Comment