ငြိမ်ချမ်းရေးဖော်ဆောင်နေချိန်မှာ ဒေသဖွံ့ဖြိုးရေးလုပ်ဆောင်ဖို့ တင်ပြတောင်းဆို

Friday, 27 April 2012 21:59
 
ဧပြီလ ၂၃ ရက်နေ့က KNPP လူထုစည်းရုံးရေးဖွဲ့ ဟာ ကရင်နီပြည် ဒီးမောဆိုမြို့နယ် ဒေါတမကြီးကျေးရွာအုပ်စုမှာ စည်ရုံးရေးဆင်းနေစဉ် ဒေသခံလူထုများက ငြိမ်းချမ်းရေးဖော်နေတဲ့ ကာလအတောအတွင်း ဒေသဖွံ့ဖြိုးရေးကို လုပ်ဆောင်သွားပေးဖို့ တင်ပြတောင်းဆိုခဲ့ကြပါတယ်။ “ကျနော်တို့ ကျေးရွာအုပ်စုဟာ အကြောင်းအမျိုးမျိုးကြောင့် အခြားသော တိုင်းပြည်နယ်တွေနဲ့ နှိုင်းယှဉ်ပါက အစစအရာရာ ဖွံ့ဖြိုးမှု နောက်ကျလျက်ရှိပါတယ်။ ဒါကြောင့် ငြိမ်းချမ်းရေးဖော်ဆောင်သည်နှင့် တပြိုင်နက် ကျနော်တို့ ကျေးရွာအုပ်စုတွေအတွက် အခြေအခံလိုအပ်ချက်များကို ဆောင်ရွက်ပေးပါရန် အောက်ပါအတိုင်းလေးနက်စွာတင်ပါအပ်ပါတယ်” လို့ ဒေါညေးခူရွာမှ (အငြိမ်းစားပညာရေး) ဦးသန်းတင်က ဒေါတမကြီးကျေးရွာအုပ်စု ကိုယ်စား ပြောကြားခဲ့တာဖြစ်ပါတယ်။
ဒေသတွင်း လမ်းတံတားများ ဖောက်လုပ် ပြုပြင်ပေးရန်၊ ပညာရေနဲ့ ပါတ်သက်တဲ့ အဆောက်အုံများ ပြုပြင်ဆောက်လုပ်တိုးမြင့်ပေးရန်၊ ကျန်းမာရေး ပြုစုစောင့်လျောက်မှုရရှိရန်အတွက် ဆေးရုံဆေးခန်းများဖွင့်လစ်ပေးရန်၊ လျှပ်စစ်မီးရရှိရန်နှင့် လူမှုဆက်သွယ်ရေးအထောက်အကူဖြစ်စေမည့် ဆက်သွယ်ရေးကိရိယာများအပြင် အခြား လမ်းပန်းဆက်သွယ်ရေး၊ ပညာရေး၊ ကျန်းမာရေးနှင့်ဆိုင်သော ဖွံ့ဖြိုးရေးလုပ်ငန်းများ လုပ်ဆာင်ပေးဖို့ သူကတောင်းဆိုသွားပါတယ်။
ဒေသခံလူငယ်များကိုယ် စား လူငယ်တဦးမှလည်း KNPPနဲ့တွေ့ဆုံစဉ်မှာ အခုလိုပြောကြားသွားပါတယ်။
“ယခုအခါတွင် ကျေးရွာ လူထုဖွံ့ဖြိုးရေးလုပ်ငန်းများ ရှေ့တိုးဆောင်ရွက်နိုင်ရန်အတွက် လူငယ်ဆိုင်ရာ အသိ ပညာပေးအစီအစဉ်များ ၊ အသက်မွေးဝမ်းကျောင်း ပညာရပ်များ၊ ရိုးရာစာပေး သင်ကြားပေးခြင်း လုပ်ငန်းများနှင့် အလုပ်အကိုင်ရရှိစေရန် အခွင့်အလမ်းဖန်တီးပေးခြင်း လူငယ်ဆိုင်ရာ ရပိုင်ခွင့်လုပ်ငန်းများကိုဖော်ဆောင်ပေးနိုင်ပါရန် ဖော်ထုပ်တင်ပြအကြံပြုရင်  လူငယ်ထုကိုယ်စားပြု တင်ပြခြင်းကို နိဂုံးချုပ်အပ်ပါတယ်။”
အမျိုးသမီးထုကိုယ်စား မော်စူးမယ်က KNPP  ငြိမ်းချမ်းရေးဖော်ဆောင်ရေးအပေါ် အမျိုးသမီးထုရဲ့ မျှော်လင့်ထားတာတွေကို ယခုလို ပြောကြားပါတယ်။
ကရင်နီပြည်တွင်းသို့ ကေအဲန်ပီပီကိုယ်စားလှယ်များ လူထုစည်းရုံးရေး ဆင်းနေစဉ် (ဓါတ်ပုံ-ကေတီ)
“ယခုကဲ့သို့ ငြိမ်းချမ်းခြင်း လုပ်ငန်းများကို ဖော်ဆောင်ပေးခြင်းအားဖြင့် ကယားပြည်နယ် ပြည်သူလူထုများအတွက် များစွာ အကျိုးဖြစ်ထွန်းမှုတွေ ပေါ်ပေါက်လာလိမ့်မည်ဟု ယုံကြည်မိပါတယ်။ ဒါအဲပင် ပျောက်ဆုံးနေသော လူသားချင်းဆိုင်ရာ စာနာထောက်ထားမှုးများ အမျိုးသမီးဆိုင်ရာ အခွင့်အရေးများကို ပွင့်လင်းမြင်သာမှုရှိအောင်ဖော်ဆောင် ပေးနိုင်မယ်ဆိုတာ အကြွင်းမဲ့ယုံကြည်မိပါတယ်။”
KNPPနဲ့ ဒေသခံလူထုတွေ့ဆုံပွဲမှာ ဒေသခံလူထုတွေက ကျေးရွာ တွေရဲ့ အခြေအနေနဲ့လိုအပ်ချက်တွေကို တင်ပြဆွေးနွေးခဲ့ပါတယ်။ ဒေါတမကြီးကျေးရွာအုပ်စုအတွင်းမှာ  ကျေးရွာပေါင်း ၈ ရွာ အိမ်ခြေ ၅၈၀ လူဦးရေပေါင်း ၄၆၆၁ဦး ရှိပါတယ်။

0 comments:

Post a Comment