KNPP နှင့် ကရင်နီငြိမ်းချမ်းရေးအဖွဲ့များ တွေ့ဆုံ

 Friday, 09 March 2012 16:38

KNPP သည် ပြီးခဲ့သည့် ၇ ရက်နေ့က လွိုင်ကော်မြို့တွင် အစိုးရနှင့် အပစ်အခတ်ရပ်စဲရေး ပဏာမ သဘောတူလက်မှတ်ရေးထိုးပြီးနောက် ကရင်နီငြိမ်းချမ်းရေး အဖွဲ့ ၃ ဖွဲ့နှင့် လွိုင်ကော်မြို့နယ်နှင့် ဒီးမော့ဆိုမြို့နယ် အကြားရှိ ပန်ကန်းတွင် တွေ့ဆုံခြင်း ဖြစ်သည်ဟု KNPP အတွင်းရေးမှူး ၂ အောင်ဆန်းမြင့်က ပြောသည်။

KNPP နှင့် ကရင်နီငြိမ်းချမ်းရေး အဖွဲ့များ တွေ့ဆုံကြစဉ် (ဓါတ်ပုံ-ကေတီ)
KNPP နှင့် ကရင်နီငြိမ်းချမ်းရေး အဖွဲ့များ တွေ့ဆုံကြစဉ် (ဓါတ်ပုံ-ကေတီ)၎င်းက “အဓိက ဆွေးနွေးတဲ့ အကြောင်းအရာတွေကတော့ တဖွဲ့နဲ့ တဖွဲ့ စစ်ရေးဆိုင်ရာ မပစ်ကြဖို့ အကြောင်းတွေပေါ့။ လူမှုရေး လုပ်ငန်းတွေမှာ အတူတူ ပူးပေါင်းလုပ်ဖို့တွေ၊ KNPP ပြည်ထောင်စုအဆင့်ကို သွားဆွေးနွေးလို့ရှိရင် သူတို့ အနေနဲ့ ဘာတွေ ထည့်သွင်းပြီး ပြောပြစေချင်တာလဲ ဆိုတာတွေပေါ့ အဲဒါတွေ ဆွေးနွေးတယ်” ဟု ပြောသည်။ ထိုတွေ့ဆုံပွဲတွင် KNPP၊ ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ်ဦး (KNPLF ခေါ် ကလလတ)၊ ကရင်နီအမျိုးသား သွေးစည်းညီညွတ်ရေး (KNSO ခေါ် ကြယ်ဖြူ)နှင့် KNPP ဟိုယာဒေသ (ငြိမ်းချမ်းရေး အဖွဲ့) တို့ တက်ရောက်ခဲ့ကြပြီး ဆုံးဖြတ်ချက် ၃ ခု ချနိုင်ခဲ့ကြသည်ဟု အောင်ဆန်းမြင့်က ဆက်ပြောသည်။
“တပ်ပိုင်းဆိုင်ရာ အချက်အလက် ဆွေးနွေးဖို့ ၊ နောက်ပြီးတော့မှ ကျနော်တို့ ကော်မတီမှာ လူတွေ စေလွတ်ဖို့ ၊ နောက်ပြီးတော့ လူထု နှီးနှောဖလှယ်ပွဲတွေမှာ အတူတူ ပူးပေါင်းပြီး လုပ်ဖို့ အဲလိုမျိုး ဆုံးဖြတ်ချက်တွေ ချသွားတယ်” ဟု ၎င်းက ပြောသည်။
တွေ့ဆုံပွဲသို့ KNPP အတွင်းရေးမှူး ၁ ခူဦးရယ် ဦးဆောင်သော ငြိမ်းချမ်းရေး ကိုယ်စားလှယ် ၁၁ ဦး၊ ကလလတမှ ဒုဥက္ကဌ ဦးထွန်းကျော်၊ အတွင်းရေးမှူး ၁ ဦးရွှေဝါ၊ အတွင်းရေးမှူး ၂ ဦးမန်းသက်ဖောနှင့် အဖွဲ့ဝင် ဦးချစ်ချစ်ထွန်း၊ ကြယ်ဖြူမှ ဥက္ကဌ ဗိုလ်မှူး ရီးချက်လ် (ထူးကာရီ)နှင့် အတွင်းရေးမှူး မူးဒီနှင့် KNPP ဟိုယာဒေသ (ငြိမ်းချမ်းရေး အဖွဲ့)မှ ဥက္ကဌ ဒေးမူနှင့် စီးပွားရေး တာဝန်ခံ ညွန့်မောင်တို့ တက်ရောက်ခဲ့ကြသည်။
ထို့အပြင် ၈ ရက်နေ့ ညနေပိုင်းတွင်က ကေအဲန်ပီပီက ကရင်နီလူငယ်အဖွဲ့နှင့် တွေ့ဆုံခဲ့ပြီး ကေအဲန်ပီပီမှ မိမိသဘောထားနှင့် လူငယ်အဖွဲ့မှ မိမိထင်မြင်ယူဆချက်ကို အချင်းချင်း တင်ပြခဲ့ကြသည်ဟု ကရင်နီလူငယ်အဖွဲ့က ပြောသည်။
ကလလတသည် KNPP မှ ၁၉၇၈ ခုနှစ်တွင် ခွဲထွက်ခဲ့ပြီး ၁၉၉၄ ခုနှစ်တွင် စစ်အစိုးရနှင့် အပစ်အခတ်ရပ်စဲရေး ပြုလုပ်ခဲ့သည်။ KNPP ဟိုယာဒေသ (ငြိမ်းချမ်းရေး အဖွဲ့)သည် KNPP မှ ၁၉၉၉ ခုနှစ်တွင်လည်းကောင်း၊ KNSO သည် KNPP မှ ၂၀၀၂ ခုနှတွင်လည်းကောင်း ခွဲထွက်ခဲ့ပြီး စစ်အစိုးရနှင့် အပစ်အခတ်ရပ်စဲရေး ရယူခဲ့ကြသည်။

0 comments:

Post a Comment