ပြည်ပနိုင်ငံရောက် မြန်မာနိုင် ငံသား များ ကိုပါ ပြည်လုံး ကျွတ် သန်းခေါင် စာရင်း ကောက်ယူ သွားရန်ရှိ


(၂၀၁၄)ခုနှစ် ဧပြီလ (၁)ရက်နေ့မှဧပြီလ (၇)ရက်နေ့အထိ လုပ်ဆောင်မယ့် ပြည်လုံးကျွတ် သန်းခေါင်စာရင်း ကောက်ယူရာမှာ
ပြည်တွင်းရှိ လူဦးရေ စာရင်းကိုသာမက ပြည်ပနိုင်ငံတွေမှာ ရောက်ရှိနေတဲ့ မြန်မာနိုင်ငံသားများကိုပါ စာရင်းထည့်သွင်း ကောက်ယူသွားမှာ ဖြစ်တယ်လို့ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန လက်အောက်ရှိ ပြည်သူ့အင်အား ဦးစီးဌာနမှ တာဝန်ရှိသူတစ်ဦးရဲ့ ပြောကြားချက်အရ သိရပါတယ်။ အဲ့ဒီလို စာရင်းကောက်ယူရာမှာ ပြည်ပနိုင်ငံများကို သွားရောက်တဲ့ကာလ (၅)နှစ် ကျော်ရှိပြီး တရားဝင် သွားရောက်ထားတဲ့သူများကို မြန်မာနိုင်ငံမှ မိသားစုများထံမှ စာရင်းကောက်ယူပြီး အဆိုပါနိုင်ငံတွေရှိ သံရုံးများမှ တဆင့်ကောက်ယူသွားမှာ ဖြစ်ပါတယ်။ ဒါ့အပြင် တရားမ၀င် သွားရောက်တဲ့သူများကိုတော့ သက်ဆိုင်ရာနိုင်ငံများရှိ တာဝန်ရှိသူတွေနဲ့ ညှိနှိုင်းကာ စာရင်းကောက်ယူသွားမှာ ဖြစ်တယ်လို့ သိရပါတယ်။ ဒါပေမယ့် ပြည်တွင်းမှ ရွှေ့ပြောင်း နိုင်ငံသားများကိုတော့ ယခုလက်ရှိ နေထိုင်လျက်ရှိတဲ့ အမြဲတမ်းနေရပ်မှာ သာစာရင်သွင်း ကောက်ယူသွားမှာ ဖြစ်တယ်လို့ သိရပါတယ်။ ဒါ့အပြင် ပြည်တွင်းမှာ တစ်နှစ်ကျော် နေထိုင်လျက်ရှိနေတဲ့ နိုင်ငံခြားသားများကိုလည်း စာရင်းကောက်ယူသွားမှာ ဖြစ်ပြီး ပြည်ပသံရုံးတွေမှာ တာဝန်ထမ်းဆောင်နေတဲ့ ၀န်ထမ်းတွေကိုတော့ စာရင်းကောက်ယူမှာ မဟုတ်ဘူးလို့ သိရပါတယ်။ ဒီလို ပြည်လုံးကျွတ် သန်းခေါင်စာရင်း ကောက်ယူဖို့အတွက် ယခုအခါမှာ သက်ဆိုင်ရာ ဒေသအသီးသီးရှိ လူဝန်မှုကြီးကြပ်ရေး ရုံးများရှိ ၀န်ထမ်းများကို မြေပုံဆွဲ သင်တန်းများပေးနေပြီ ဖြစ်တယ်လို့ သတင်းရရှိပါတယ်။

0 comments:

Post a Comment