တိုင်းရင်းသားဒေသ ပညာရေးဖွံ့ဖြိုးမှုနှင့် အမျိုးသမီးများစွမ်းရည်မြှင့်တင်မှုအတွက် နိုင်ငံတကာသမဂ္ဂအဖွဲ့ချုပ် ၄ ခု တောင်းဆို

Tuesday, 28 February 2012 08:19
မြတ်ပန်းရှင်
 
နိုင်ငံတကာသမဂ္ဂအဖွဲ့ချုပ် ၄ ခု တို့ပါဝင်သော Global Union Federations (GUFs) စီးပွားရေး အကျပ်အတည်းကာလတွင် အမျိုးသမီးများ စွမ်းဆောင်ရည်ကို မြှင့်တင်ရန် တိုက်တွန်းတောင်းဆိုလိုက်သည်။  တိုင်းရင်းသားဒေသ ပညာရေးဖွံ့ဖြိုးမှုနှင့် အမျိုးသမီးများ စွမ်းရည်မြှင့်တင်မှုအတွက် အလွန်အမင်း အရေးကြီးနေပြီဖြစ်ကြောင်းကို ထောက်ပြထားသည်။ ကုလသမဂ္ဂ ၅၆ ကြိမ်မြောက် အမျိုးသမီးအဆင့်အတန်းညီလာခံကို ၂၇ ဖေဖေါ်ဝါရီမှ ၉ ရက် မတ်လ ၂၀၁၂ ခုအထိ ကျင်းပစဉ်ကာလများတွင် နိုင်ငံတကာ အစိုးရများသို့ တိုက်တွန်းလိုက်ခြင်းဖြစ်သည်။

မိန်းကလေးများကို ချန်မထားကြပါနှင့်...
"အမျိုးသားပညာရေး စီမံကိန်းများမှာ ကျေးလက်နေ အမျိုးသမီးများအတွက် ပညာရေးအခွင့်အရေး ရရှိစေဖို့ နည်းဗျူဟာတွေ ပါမှကို ဖြစ်တော့မယ်။" ယူဂန်ဒါအမျိုးသားကျောင်းဆရာသမဂ္ဂ အထွေထွေအတွင်းရေးမှူးချုပ်နှင့် နိုင်ငံတကာပညာရေးသမဂ္ဂများအဖွဲ့ချုပ် EI အမှုဆောင် ကိုယ်စားလှယ်ဖြစ်သူ Teopoista Birungi Mayanja က တင်ပြခဲ့သည်။
"မူကြိုပညာရေး ဖြည့်တည်းပေးဖို့၊ အခမဲ့ လူထု ပညာရေး၊ လမ်းသွယ်လမ်းပြောင်း ပညာရေး၊ သက်မွေးဝမ်းကျောင်းပညာရေး အစရှိတဲ့ ပညာရေးနှင့် သင်တန်းများဟာ ကလေးလုပ်အားခိုင်းစေမှုကို လျော့ချနိုင်ပါတယ်။ ကျောင်းတက်နှုန်း မြင့်စေပြီး မိန်းကလေးငယ်တွေ စာသင်ခန်းမှာ အတန်းဆုံးတဲ့အထိ တည်မြဲနေဖို့လည်း အထောက်အကူဖြစ်စေတယ်။ ပညာရေးအတွက် ရေရှည်တည်တံ့မယ့် ဘတ်ဂျက်ငွေဟာ အလွန်ပဲ အရေးကြီးလှတယ်။ အခုလို အကျပ်အတည်းကာလမှာ ပိုလို့တောင်မှ အရေးကြီးနေပါတယ်။ ပညာရေးသမဂ္ဂများအနေနဲ့ ကျေးလက်နဲ့ တိုင်းရင်းသားဒေသများက မိန်းကလေးငယ်တွေရဲ့ ပညာရေးဟာ နောက်မကျနေဖို့အတွက် အထူးလုပ်ဆောင်ကြရပါလိမ့်မယ်။"
သမဂ္ဂများအဖွဲ့ချုပ် ၄ ခုတို့မှာ the four global organisations - Education International (EI), Public Services International (PSI), the International Trade Union Confederation (ITUC), and the International Union of Food, Agricultural, Hotel, Restaurant, Catering, Tobacco and Allied Workers' Associations (IUF) တို့ဖြစ်ကြပြီး ပညာရေးဘဏ္ဍာငွေ လုံလောက်မှု ရှိစေရန်အတွက် ငွေကြေးထုတ်ယူသုံးစွဲခြင်း FTT တွင် ကမ္ဘာ့အခွန်ကောက်ခံရန် အစိုးရများထံ တောင်းဆိုထားသည်။

0 comments:

Post a Comment