တိုင်းပြည်ဝင်ငွေ ၁၅ ရာခိုင်နှုန်းကို ကလေးများပညာရေးအတွက် မက်ဆီကို သုံးစွဲမည်

 Tuesday, 03 January 2012 04:12
မြတ်ပန်းရှင်

ကလေးငယ်များနှင့် ဆယ်ကျော်သက်များအတွက် လူမှုဖူလုံရေးနှင့် တရားမျှတမှု အစီအစဉ်အသစ် တစ်ရပ်ကို မက်ဆီကိုအစိုးရက ကြေညာလိုက်သည်။ ကုလသမဂ္ဂကလေးများ ရန်ပုံငွေအဖွဲ့ကြီးက ဤလုပ်ရပ်မှာ တိုင်းပြည်၏ တိုးတက်မှုအတွက် အရေးကြီးသော အပြောင်းအလဲ တစ်ရပ်ဖြစ်ကြောင်း ကြိုဆိုလိုက်သည်။
"မက်ဆီကို စီးပွားရေး တူရူချက်များကလည်း အလားအလာ ကောင်းနေတယ်။ ဒါပေမယ့် ဒီတိုင်းပြည်ရဲ့ အပေါင်းလက္ခဏာဆောင်တဲ့ ပြောင်းလဲ ဖြစ်ထွန်းမှုတွေနဲ့ ကမ္ဘာ့ စီးပွားရေးတိုးတက်မှု GDP ၁၅ နေရာမှာရှိတဲ့ မက်ဆီကိုရဲ့ နောက်ကွယ်က ဆင်းရဲမွဲတေမှုနဲ့ ကလေးငယ်များ ဘေးဖယ်ထားခြင်းခံနေတဲ့ အရေးကိစ္စဟာ တကယ့် ပြဿနာကြီးပါ။" ယူနီဆက် ဌာနေကိုယ်စားလှယ်က ပြောပြခဲ့သည်။
တိုင်းပြည်၏ ဒေသအချို့ဖွံ့ဖြိုးမှုမှာ စကန်ဒီနေးဗီးယားတိုင်းပြည်များ အဆင့်ရှိနေသော်ငြားလည်း အခြားနေရာဒေသများမှာမူ ဆာဟာရ အာဖရိက အလယ်ပိုင်းနိုင်ငံများကဲ့သို့ ချွတ်ခြုံကျနေဆဲဖြစ်ကြောင်းလည်း သူမက ရှင်းပြခဲ့သည်။
မက်ဆီကို ကျေးလက်ဒေသတွင် ၂၇ ရာခိုင်နှုန်းသော ကလေးငယ်များမှာ ဆင်းရဲမွဲတေမှုအောက်တွင် ရှင်သန်နေထိုင်ကြရဆဲဖြစ်သည်။ မြို့ပြတွင်မူ ၈ ရာခိုင်နှုန်းသာရှိသည်။
တိုင်းရင်းသား ကလေးငယ်များမှာ ပိုမိုဆိုးရွားစွာ ကျဉ်ဖယ်ထားခြင်း ခံနေကြရသည်။ ပညာရေးတန်းတူညီမျှမှုအခွင့်အရေး မရှိခြင်းနှင့် အခြားသော လူမှု ၀န်ဆောင်ခြင်းများ မရှိခြင်းတို့ဖြင့် ရင်ဆိုင်နေရသည်။
ယခုအစီအစဉ်အသစ်အတွက် ဒေါ်လာ ၄၁ ဘီလီယံ ချမှတ်ထားပြီး တိုင်းပြည်ဝင်ငွေ၏ ၁၅ ရာခိုင်နှုန်းလည်းဖြစ်သည်။ ကလေးငယ်များ၏ ပညာသင်ကြားခွင့် အခွင့်အရေး တိုးတက်စေရန်၊ ကျန်းမာရေးနှင့် အာဟာရ ပြည့်ဝစေရန်၊ စော်ကားခံရမှုများ၊ အကြမ်းဖက်မှုများမှာ ကာကွယ်တားဆီးရန်တို့အတွက် အသုံးပြုမည်ဖြစ်သည်။
မောက္ခနိုင်ငံတကာ ပညာရေးသတင်း

0 comments:

Post a Comment