အမေရိကန်ရှိ အမျိုးသမီး ငါးဦးတွင် တစ်ဦးနှုန်း လိင်ပိုင်းဆိုင်ရာ စော်ကားခံရ

15 Dec, 2011


လွန်ခဲ့သည့် ဗုဒ္ဓဟူးနေ့က ထုတ်ပြန်လိုက်သည့် လေ့လာချက် တစ်ရပ်အရ အမေရိကန်နိုင်ငံရှိ အမျိုးသမီး ငါးဦးတွင် တစ်ဦးနှုန်းမှာ လိင်ပိုင်းဆိုင်ရာ စော်ကားမှု တစ်မျိုးမဟုတ် တစ်မျိုးကိုခံစားခဲ့ရကြောင်း တွေ့ရှိခဲ့ရပြီ ဖြစ်သည်။ ယင်းလေ့လာမှုကို Centers for Disease Control and Prevention  မှပြုလုပ်ခဲ့ခြင်းဖြစ်ပြီး ယခုလို အဖြေအတွက် ကျွမ်းကျင် သူများမှာ အံ့အားသင့်ခဲ့ရကြောင်းလည်း သိရသည်။ မိမိတို့အနေဖြင့် အမေရိကန် ပြည်သူလူထု အကြားတွင် လိင်ပိုင်းဆိုင်ရာ အစော်ကားခံရမှုများမှာ ယခုလောက်အထိ ကျယ်ကျယ်ပြန့်ပြန့် ဖြစ်နေမည်ဟု ထင်မှတ်မထားခဲ့ကြောင်း အဆိုပါ အဖွဲ့မှအကြီးအကဲဖြစ်သူက ပြောခဲ့သည်။

ယင်းမေးမြန်းမှုတွင် အမျိုးသမီးလေးဦးတွင်တစ်ဦးမှာ ၎င်းတို့၏ အိမ်ထောင်ဖက်၏ ရိုက်နှက်မှုကို ခံခဲ့ရဖူးကြောင်း လည်း ဖြေကြား ခဲ့ကြောင်းသိရသည်။ အမျိုးသမီး ခြောက်ယောက်တွင် တစ်ဦးမှာ နောက်ယောင်ခံလိုက်သူနှင့် ကြုံဖူးခဲ့ကြောင်းလည်း ယင်းဖြေကြားမှုများ အရ သိရသည်။ ထို့အပြင် အမျိုးသမီး ၇ ဦးလျင် တစ်ဦးမှာ သူမတို့၏အမျိုးသားများမှ ပြင်းပြင်းထန်ထန် နှိပ်စက်မှုကို ခံစားခဲ့ဖူးကြောင်း လည်း ဖြေကြားခဲ့သည်။ အလားတူပင် အဆိုပါ အမျိုးသမီးများထဲမှ သုံးပုံတစ်ပုံမှာ မုဒိမ်းမှု ၊ ရိုက်နှက်နှိပ်စက်ခံရမှုနှင့် နောက်ယောက်ခံ လိုက်ခံရမှုများအပြင် အခြားသော စော်ကားမှုများကိုလည်း ခံခဲ့ရဖူးသည့် အတွေ့အကြုံများ ရှိကြောင်းကိုလည်း အဆိုပါစစ်တမ်း တွင်ဖော်ပြ ခဲ့သည်။

source : new york times
 http://www.mrtv4.net.mm/

0 comments:

Post a Comment