KAREN NEW YEAR SONGS
















Continue Reading...

ဒုတိယအကြိမ် တိုင်းရင်းသားလက်နက်ကိုင်အဖွဲ့များ ညီလာခံကို ဇန်န၀ါရီ တတိယပတ်၌ ကျင်းပမည်

DSC_0206

ဒီဇင်ဘာ ၂၆ရက်၊ ၂၀၁၃ခုနှစ်။ စောခါးစူးညား

ဒုတိယအကြိမ် တိုင်းရင်းသားလက်နက်ကိုင်အဖွဲ့များ ညီလာခံကို ကရင်အမျိုးသားအစည်းအရုံး(KNU)ထိန်းချုပ်နယ်မြေ ဖားအံခရိုင်၊ တပ်မဟာ(၇) လေးဝါးစခန်း၌ ဇန်န၀ါရီလ တတိယပတ်အတွင်း ကျင်းပသွားမည်ဟု သိရှိရသည်။
၎င်းညီလာခံကို သုံးရက်ကြာ ပြုလုပ်သွားရန် လျာထားပြီး ညီလာခံပြီးသည်နှင့် တပြိုင်နက် မြန်မာအစိုးရနှင့် ကရင်ပြည်နယ်၊ ဖား အံ မြို့တွင် ဆက်လက်တွေ့ဆုံသွားရန် ယာယီအားဖြင့် စီစဉ်ထားသည်ဟု တစ်နုိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေး အဖွဲ့(NCCT)၏ ဒုတိယအဖွဲ့ခေါင်းဆောင်ဖြစ်သူ ကေအဲန်ယူ အထွေထွေအတွင်းရေးမှူး ပဒိုစောကွယ်ထူးဝင်းက ပြောသည်။
“ကျနော်တို့ ဇန်န၀ါရီလလယ် ရက် ၂၀ ၀န်းကျင်လောက်မှာ ဒီညီလာခံ ပြုလုပ်သွားဖို့ ယာယီအနေနဲ့ ဆုံးဖြတ်ထားတာ ရှိပါ တယ်။ ဒီထက် ပိုသေချာအောင်တော့ အစိုးရနဲ့ ဆွေးနွေးရဦးမယ်။ ဘာဖြစ်လဲဆိုရင် ညီလာခံပြီးတာနဲ့ အစိုးရနဲ့ ဖားအံမှာ ဆက် တွေ့ဖို့ ရှိတယ်လေ။”ဟု ကေအိုင်စီသို့ ပြောဆိုသည်။
ဒုတိယအကြိမ် တိုင်းရင်းသားလက်နက်ကိုင်အဖွဲ့များ ညီလာခံကို ကေအဲန်ယူ ထိန်းချုပ်နယ်မြေတွင် ဒီဇင်ဘာလ ၁၈ရက်မှ ၂၀ ရက်နေ့အထိ ပြုလုပ်ရန် မူလက စီစဉ်ထားသော်လည်း ပြင်ဆင်ဆောင်ရွက်မည့် အချိန်ပိုရစေရန်အတွက် ဒီဇင်ဘာလ ၁၁ရက် နေ့တွင် ရက်ရွှေ့ဆိုင်းခဲ့ကြောင်းလည်း ညီလာခံဖြစ်မြောက်ရေးကော်မတီဥက္ကဌ ပဒိုစောသောသီဘွဲက ကေအိုင်စီသို့ ပြောဆိုခဲ့ သေးသည်။
ထို့အပြင် လက်ရှိအချိန်တွင် ညီလာခံအတွက် ဖြစ်မြောက်ရေးကော်မတီမှ စီစဉ်ဆောင်ရွက်လျှက်ရှိပြီး ညီလာခံ တက်ရောက် လာမည့် တိုင်းရင်းသားလက်နက်ကိုင်အဖွဲ့များကို ကျင်းပမည့်ရက် နီးသည့်အခါမှသာ ဖိတ်ကြားသွားမည်ဖြစ်ပြီး ဖိတ်ကြားခံထား ရသည့် အဖွဲ့အားလုံး တက်ရောက်ရန်လည်း မျှော်လင့်ကြောင်း ကေအဲန်ယူက ဆိုသည်။
ပဒိုစောကွယ်ထူးဝင်းက “ကျနော်တို့ကတော့ ဖိတ်ကြားသွားမဲ့ အဖွဲ့တွေအားလုံး ညီလာခံကို လာတက်စေချင်တယ်။ လိုင်ဇာမှာ ပထမအကြိမ် ညီလာခံကျင်းပတုန်းက မလာတက်ဖြစ်တဲ့ ၀နဲ့ ကိုးကန့်အဖွဲ့တို့လည်း ဒီဒုတိယအကြိမ် ညီလာခံကို လာတက် ရောက်ဖို့ မျှော်လင့်ပါတယ်။”ဟု ဆက်ပြောသည်။
ဒုတိယအကြိမ် တိုင်းရင်းသားလက်နက်ကိုင်အဖွဲ့များ ညီလာခံကို ကျင်းပနိုင်ရန် ဒီဇင်ဘာ ၂ရက်မှ ၇ရက်နေ့အထိ လေးဝါး၌ ပြု လုပ်သည့် ကေအဲန်ယူ၏ ဒုတိယအကြိမ်မြောက် ဗဟိုအမြဲတမ်းကော်မတီ အစည်းအဝေးတွင် အဖွဲ့ဝင် (၉)ဦး ပါဝင်သည့် တိုင်း ရင်းသားညီလာခံဖြစ်မြောက်ရေး ကော်မတီတစ်ရပ်ကို ဖွဲ့စည်းခဲ့သည်။
ယင်းဖြစ်မြောက်ရေးကော်မတီတွင် ပဒိုသောသီဘွဲ(ဥက္ကဌ)၊ ပဒိုမန်းမန်းမန်း(ဒုဥက္ကဌ)၊ ပဒိုစောလှထွန်း(အတွင်းရေးမှူး)နှင့် အဖွဲ့ ၀င်များအဖြစ် ပဒိုအောင်မော်အေး၊ ဗိုလ်မှူးချုပ်မန်းရှာထုဝေါ်၊ ဗိုလ်မှူးစောတာမလာသော၊ ပဒိုမန်းဘထွန်း၊ ပဒိုကော်ကဆာနေစိုး၊ ပဒိုနော်မြိုင်ဖိုးတို့အပြင် ကျင်းပရေးဆပ်ကော်မတီအဖွဲ့များလည်း ပါဝင်သည်။

Continue Reading...

နိုင်ငံခြားသား ၃ဦး မဲဆောက်-မြ၀တီဂိတ်ကို စက်ဘီးဖြင့်ဖြတ်၍ မြန်မာနိုင်ငံသို့ လည်ပတ်


(မြန်မာပြည်သို့ စက်ဘီးဖြင့်သွားလာရန် ၀င်ရောက်လာသူသုံးဦး)
(မြန်မာပြည်သို့ စက်ဘီးဖြင့်သွားလာရန် ၀င်ရောက်လာသူသုံးဦး)
နိုဝင်ဘာ ၂၉ရက်၊ ၂၀၁၃ခုနှစ်။ (ကေအိုင်စီ)

ဘယ်လ်ဂျီယံနိုင်ငံသားနှစ်ဦးနှင့် နယ်လ်သာလန်နိုင်ငံသားတစ်ဦးတို့သည် မြန်မာနိုင်ငံအတွင်း လည်ပတ်သွားလာရန် ထိုင်း-မြန် မာနယ်စပ် မဲဆောက်-မြဝတီဂိတ်ကို စက်ဘီးဖြင့်ဖြတ်၍ နိုဝင်ဘာ ၂၇ရက်နေ့က ကရင်ပြည်နယ်မှတဆင့် မော်လမြိုင်သို့ ရောက် ရှိလာခဲ့သည်။
၎င်းတို့သုံးဦးမှာ ဘယ်လ်ဂျီယံနိုင်ငံသား Mr. Ard Duits, Ms. Stephanie Swinkels နှင့် နယ်လ်သာလန်နိုင်ငံသား Mr. Timo Duits တို့ဖြစ်ကြပြီး ကရင်ပြည်နယ်၊ မွန်ပြည်နယ်၊ ပဲခူး၊ မန္တလေး၊ ပုဂံဒေသများသို့ စက်ဘီးဖြင့် လှည့်လည်သွားမည်ပြီး အပြန် ခရီးကို ရှမ်းပြည်နယ်၊ တာချီလိတ် နယ်စပ်ဂိတ်မှတဆင့် ထိုင်းနိုင်ငံသို့ ပြန်ဝင်ရောက်မည်ဟု Mr. Ard Duits က ပြောသည်။
“ကျနော်တို့က လေးပတ် အချိန်ရပါတယ်။ မြန်မာပြည်မှာတော့ သုံးပတ်နေမယ်။ ပြီးရင် ထိုင်းမှာ တစ်ပတ်နေဖို့ အစီအစဉ်ရှိပါ တယ်။ မဲဆောက်ကနေ မြဝတီ၊ ဖားအံ၊ မော်လမြိုင်မှာ အိပ်တယ်။ ကျနော်တို့ နယ်စပ်ကနေ ဖြတ်ပြီးသွားမယ်ဆိုရင် အခက်အခဲ ရှိမယ်လို့ တွေးထားပေမယ့် တကယ်တမ်းကျတော့ အဆင်ပြေပါတယ်။”ဟု သူက ပြောဆိုသည်။
လက်ရှိ မော်လမြိုင်တွင် ရောက်ရှိနေသည့် ၎င်းတို့သည် မြန်မာပြည်တွင်းသို့ မ၀င်မီ နယ်စပ်ဂိတ်ဖြတ်သန်းရာ၌ နိုင်ငံကူးလက် မှတ်၊ ဖီဇာတို့ကို လေယာဉ်လမ်းကြောင်း ခရီးစဉ်ကဲ့သို့ပင် စီစဉ်ရခြင်းဖြစ်ကြောင်း သိရသည်။
ဘယ်လ်ဂျီယံအမျိုးသမီး Stephanie Swinkels ကလည်း “ကျမတို့က စက်ဘီးနဲ့ လည်ပတ်ရတဲ့ ရည်ရွယ်ချက်ကတော့ မြန်မာ နိုင်ငံက သာယာလှပတဲ့ ရှုခင်းတွေကို သွားရောက်နိုင်တဲ့ နေရာအားလုံး ရှုမြင်သွားချင်လို့ ဖြစ်ပါတယ်။”ဟု ကေအိုင်စီသို့ ပြော သည်။
ထိုင်းခရီးသွားများအပြင် ကမ္ဘာ့နိုင်ငံအသီးသီးမှ ကမ္ဘာလှည့် ခရီးသွားများ မြန်မာနိုင်ငံသို့ လာရောက်လည်ပတ်နိုင်ရန် လူဝင်မှု ကြီးကြပ်ရေးဌာနက ထိုင်း-မြန်မာနယ်စပ်ဂိတ်များဖြစ်ကြသော မြဝတီ-မဲဆောက်၊ တာချီလိတ်-မယ်ဆိုင်၊ ကော့သောင်း-ရနောင်း ဂိတ်နှင့် ထီးခီး-ပူနာရွန်ဂိတ်တို့ကို ၂၀၁၃ခုနှစ်၊ သြဂုတ်လကုန်ပိုင်းက ဖွင့်လှစ်ခဲ့သည်။
ထို့အပြင် ထိုင်းနယ်စပ်ဂိတ်များမှ မြန်မာနိုင်ငံသို့ ဝင်ရောက်လာသော ပြည်ပခရီးသည်များသည် နိုင်ငံကူးလက်မှတ်နှင့် ဗီဇာပါရှိရ မည်ဖြစ်ပြီး ပြန်ထွက်ခွါသည့်အခါ မည်သည့်ထွက်ပေါက်ဂိတ်မဆို ပြန်ထွက်နိုင်ကြောင်း နယ်စပ်ဂိတ်များတွင် တာဝန်ကျသူ မြန်မာဝန်ထမ်းများက ပြောသည်။
မြ၀တီဘက်တွင် နယ်စပ်ဖြတ် တံတားထိပ်၌ တာဝန်ကျသူ မြန်မာရဲအရာရှိတစ်ဦးက “သူတို့က တရားဝင် နိုင်ငံကူး လည်ပတ် ဗီဇာနဲ့ လာတာလေ။ မြ၀တီအထိပဲ လာတာရှိသလို အဲသလို ဗမာပြည်ရဲ့ အခြားနေရာအထိ သူတို့ဖာသာ သွားကြတယ်ဆို လည်း လုံခြုံမှုရှိအောင် ကျနော်တို့က ထပ်ပြီး လှမ်းသတင်းပေးရတာပေါ့။”ဟု ကေအိုင်စီသို့ ပြောသည်။
ယခုလို မြန်မာနိုင်ငံအတွင်းသို့ လေယာဉ်လမ်းများဖြင့်သာမက နယ်စပ်ဂိတ်ပေါက်ဝများမှလည်း ကမ္ဘာလှည့်ခရီးသွားများ လာ ရောက်လည်ပတ်နိုင်သည့်အတွက် လတ်တလော နယ်ဒေသများတွင် ခရီးသွားဧည့်သည်များ လာရောက်မှု ပိုများလာမည်ဟု မော်လမြိုင်ခရီးသွားလုပ်ငန်းရှင်များက ခန့်မှန်းပြောဆိုနေကြသည်။

Continue Reading...

နောင်လုံအောင်သာယာကွင်းကို ကျေးရွာအုပ်ချုပ်ရေးမှူးအဖွဲ့ ရောင်းချမှု ဒေသခံများ တိုင်ကြား


(အိန္ဒဲကျေးရွာ၌ နိုဝင်ဘာ ၂၈ရက်က ပြုလုပ်သည့် ဆွေးနွေးပွဲ)
(အိန္ဒဲကျေးရွာ၌ နိုဝင်ဘာ ၂၈ရက်က ပြုလုပ်သည့် ဆွေးနွေးပွဲ)
နိုဝင်ဘာ ၂၉ရက်၊ ၂၀၁၃ခုနှစ်၊ စောညွန့်သောင်း

ကရင်ပြည်နယ် ဖားအံမြို့နယ်၊ အိန္ဒဲကျေးရွာအုပ်စု အုပ်ချုပ်ရေးမှူးအဖွဲ့က ဒေသခံကျေးရွာသူရွာသားများအား အသိမပေးဘဲ အများပိုင် နောင်လုံ ‘အောင်သာယာဘောလုံးကွင်း’ကို ရောင်းချခဲ့သည့်အပေါ် အိန္ဒဲကျေးရွာအုပ်စု ဒေသခံများက ယမန်နေ့ နိုဝင်ဘာ(၂၈)ရက်နေ့တွင် လက်မှတ်ရေးထိုး တိုင်ကြားလိုက်သည်။
၎ဧကကျော် ကျယ်ဝန်းသည့် အဆိုပါဘောလုံးကွင်းကို ကျေးရွာအုပ်ချုပ်ရေးမှူးအဖွဲ့က ရပ်ရွာဖွံ့ဖြိုးရေးအတွက် မြေကွက် ၁၁ ကွက်ချကာ ကျပ်ငွေသိန်း ၃၀၀ကျော်ဖြင့် ၀ယ်လိုသူ ဒေသခံများထံ ပြီးခဲ့သည့် ၂၀၁၁ခုနှစ်က ရောင်းချခဲ့ခြင်းနှင့် ပတ်သက်၍ အိန္ဒဲကျေးရွာအုပ်စု၊ နောင်လုံဌာန်ပတိုင်ဘုန်းကြီးကျောင်း၌ ဆွေးနွေးပွဲ ကျင်းပပြီး တက်ရောက်လာသူ ဒေသခံ ၄၈၂ဦးက ၎င်းတို့ လက်မှတ်ထိုး တိုင်ကြားထားသောစာကို ပြည်သူ့လွှတ်တော်အမတ် နန်းစေးအွာထံသို့ ပေးအပ်လိုက်ခြင်းဖြစ်သည်။
ဆွေးနွေးပွဲ တက်ရောက်သူ သပြေကုန်းရွာသား စောကြည်လင်းက “အုပ်ချုပ်ရေးမှူးအဖွဲ့က ကွင်းရောင်းဖို့ ရွာသားဘက်က ဘာ တစ်ခုမှ မသိဘူး။ ၀ယ်လိုက်တဲ့သူတွေ ခြံစည်းရိုးလာခတ်မှသာ အခြေအနေသိရတယ်။ အခုကွင်းကို အရင် မိရိုးဖလာအတိုင်း ပြန်ထားဖို့နဲ့ နောင်မျိုးဆက်တွေ ကစားနိုင်အောင် တရားဝင်ကွင်းဖြစ်ဖို့ ဖြေရှင်းသွားချင်လို့ တင်ပြတာပါ။”ဟု ကေအိုင်စီသို့ ပြော သည်။
သို့သော် ကျေးရွာပိုင် ဘောလုံးကွင်းရောင်းခဲ့ရသည့် အကြောင်းရင်းမှာ ကိုယ်ထူကိုယ်ထစနှစ်ဖြင့် ကျေးရွာမီးလင်းရေးအတွက် လုပ်ဆောင်ခဲ့စဉ်တွင် ငွေကြေးမလုံလောက်သဖြင့် ရောင်းရခြင်းဖြစ်ကြောင်း အိန္ဒဲကျေးရွာအုပ်စု အုပ်ချုပ်ရေးမှူး စောထွန်းအောင် က ကေအိုင်စီသို့ ယခုလို ရှင်းလင်းပြောဆိုသည်။
“ကျနော်တို့ မီးလင်းရေးလုပ်ဆောင်ခဲ့တုန်းက ငွေမလောက်ဘူး။ ငွေကျပ်သိန်းသုံးဆယ်ကျော် လိုအပ်တယ်။ အတိုးနှုန်း ၅ကျပ်နဲ့ သွားချေးယူတယ်။ ဒါကြောင့် ဒီကွင်းကို ရောင်းရတာဖြစ်တယ်။ ဒီကိစ္စနဲ့ပတ်သက်ပြီး ရွာသားတွေကို အစည်းအဝေးခေါ်တယ်။ သူတို့မလာဘူး။”ဟု အုပ်ချုပ်ရေးမှူး စောထွန်းအောင်က ပြောသည်။
ပြည်သူ့လွှတ်တော်အမတ် နန်းစေအွာက နောင်လုံ အောင်သာယာ ဘောလုံးကွင်းကိစ္စနှင့် ပတ်သက်၍ အကောင်းဆုံးအဖြေပေါ် လာအောင် ချက်ချင်း မဆုံးဖြတ်နိုင်သေးကြောင်း၊ နောက်ထပ် ဆွေးနွေးပွဲများ ထပ်မံ ပြုလုပ်သွားရန် လိုအပ်ကြောင်း၊ အုပ်ချုပ် ရေးမှူးနှင့် ဒေသခံများအကြား အချင်းချင်း တိုင်ပင်၍ ဖြေရှင်းနိုင်လျှင် အကောင်းဆုံးဖြစ်သည်ဟု ဆွေးနွေးပွဲတွင် ပြောကြားခဲ့ သည်။
ယင်းဆွေးနွေးပွဲတွင် အမျိုးသားလွှတ်တော်အမတ် စောသိန်းအောင်နှင့် စောအောင်ကျော်နိုင်၊ ပြည်နယ် လျှပ်စစ်ဝန်ကြီးဌာန၀န် ကြီးစောကြည်လင်းနှင့် ဒေသခံ စုစုပေါင်း (၂၀၀)ကျော် တက်ရောက်ခဲ့ကြသည်။
ဖားအံမြို့နယ်၊ အိန္ဒဲကျေးရွာအုပ်စုအတွင်း၌ တမိုင်၊ ကော့ခမိတ်၊ ကော့ဝမ်း၊ သပြေကုန်း၊ လိုင်ကားချောင်းနားရွာနှင့် ပြေလယ်ဦး အပါအ၀င် ရွာ ၁၃ရွာရှိကြောင်း သိရသည်။


Continue Reading...

ထန်းတပင်မြို့နယ်တွင် ရဲဝန်ထမ်း ပစ်ခတ်၍ လယ်သမားတစ်ဦး ဆေးရုံတင်ထားရ


K.14-11

နိုဝင်ဘာ ၁၄ရက်၊ ၂၀၁၃ခုနှစ်။ စောခါးစူးညား

ပဲခူးတိုင်းဒေသကြီး၊ တောင်ငူခရိုင် ထန်းတပင်မြို့နယ်ရှိ လယ်ကွင်းတစ်ခုတွင် အလုပ်လုပ်နေသည့် တပြေးရွာသား လယ်သမား တစ်ဦးကို ရဲဝန်ထမ်း ဆယ်ဦးခန့်က ပိုင်နက်ကျူးလွန်မှုဖြင့် နိုဝင်ဘာ ၁၃ရက်၊ နံနက်၁၁နာရီ၌ လက်ထိပ်ခတ် သွားရောက်ဖမ်း ဆီးလာခဲ့ပြီး သေနတ်ဖြင့် ပစ်ခတ်မှုကြောင့် လက်ရှိ တောင်ငူဆေးရုံတွင် တင်ထားရသည်။
အပစ်ခံရသူသည် အသက် ၃၀နှစ်အရွယ် ကိုငယ်ဆိုသူဖြစ်ပြီး ၎င်းအား ပိုင်နက်ကျူးကျော်မှု၊ သူတပါးအကျိုး ပျက်စီးစေမှု ပုဒ်မ ၄၄၇၊ ၄၂၇ တို့ဖြင့် ထန်းတပင် မြို့မရဲစခန်းမှူး ဒုရဲမှူး ဦးဆောင်သည့်အဖွဲ့က ဆိုင်ကယ်များဖြင့် သွားရောက်၍ လက်ထိပ်နှစ်ဆင့် ခတ်ကာ ထုထောင်းထိုးကြိတ် အတင်းဆွဲခေါ်ရင်း လယ်ကွင်းတစ်နေရာတွင် ၎င်း၏ခြေထောက်ကို ပစ်ခတ်ခဲ့ရာမှ ထိုသို့ အခင်း ဖြစ်ပွားခဲ့ဖြစ်သည်။
ကိုငယ် ဆေးရုံတက်ရာတွင် လိုက်လံကူညီပေးသူ ဒေသခံ စောဒို့ထူးက “လောလောဆယ် သူ့ကို တောင်ငူဆေးရုံမှာပဲ ဆေးကု ပေးတယ်။ ညက သူ့ခြေထောက်ကိုက်လို့ တစ်ညလုံး သူအိပ်မရဘူး။ အပစ်ခံရတာတော့ သူ့ညာဘက်ခြေသလုံးပေါ့နော်။ အရိုး ထိထားလို့ ဖြတ်ရမယ့် အခြေအနေရှိတယ်။”ဟု ပြောသည်။
မည်သည့်သေနတ်အမျိုးအစားဖြင့် ပစ်သည်ကို မသိသော်လည်း ပစ်ခတ်ခဲ့သည့်နေရာတွင် ကျည်ခွံ ၅ခု တွေ့ရှိကြောင်း၊ အပစ် ခံရပြီးနောက် ရဲများက ထိုနေရာမှ ထွက်ခွာသွားသဖြင့် အနီးအနားရှိ မိတ်ဆွေများက တောင်ငူဆေးရုံသို့ ပို့ဆောင်ခဲ့ရကြောင်း ၎င်းက ဆက်ပြောသည်။
ကိုငယ် သေနတ်အပစ်ခံရမှုနှင့် ပတ်သက်၍ အကြောင်းအရာ အသေးစိတ်သိရန် ထန်းတပင်မြို့နယ်၊ မြို့မ ရဲစခန်းသို့ ကေအိုင်စီမှ ဖုန်းဆက်မေးမြန်းခဲ့သော်လည်း ဖုန်းပိတ်ထားသဖြင့် ဆက်သွယ်၍ မရခဲ့ပေ။
ပစ်ခတ်မှုဒဏ်ကြောင့် ညာဖက်ခြေသလုံးကျိုးသွားသည့် ကိုငယ်အား လိုအပ်ပါက ယနေ့ညနေတွင် နေပြည်တော် ဆေးရုံကြီးသို့ ဆက်လက် ပို့ဆောင်သွားမည်ဟု တောင်ငူဆေးရုံရှိ ဆရာဝန်များကပြောကြောင်း စောဒို့ထူးက ဖြည့်စွက်ပြောဆိုသည်။
ထန်းတပင်မြို့နယ်ရှိ တပြေးကျေးရွာသား သေနတ်အပစ်ခံရမှုမှာ လယ်ယာမြေ ပိုင်ဆိုင်ခြင်း အငြင်းပွားမှုကြောင့်ဖြစ်ပြီး ပစ်ခတ် သွားသည့် ရဲများအား တောင်ငူရဲစခန်းတွင် ထိန်းသိမ်းထားသည်ဟု သိရသည်။


Continue Reading...

သမ္မတ၏ ခွဲမထွက်ရေးနှင့် အချုပ်အခြာအာဏာ မထိပါးရေး ညွှန်ကြားချက် စိုးရိမ်မှုသာဖြစ်ဟု KNU ဆို

DSC09490

နိုဝင်ဘာ ၁၁ရက်၊ ၂၀၁၃ခုနှစ်။ စောခါးစူးညား

တိုင်းရင်းသားအဖွဲ့များနှင့် နိုင်ငံရေးဆွေးနွေးပွဲတွင် နိုင်ငံတော်မှ ခွဲမထွက်ရေးနှင့် နိုင်ငံ၏ အချုပ်အခြာအာဏာကို ထိပါးစေသည့် အရာများ မလုပ်ဆောင်ရေးဆိုသည့် အချက် ၂ချက်ကို မဆွေးနွေးရန် သမ္မတဦးသိန်းစိန်၏ ညွှန်ကြားထားချက်မှာ စိုးရိမ်မှုတစ်ခု သာဖြစ်ကြောင်း ကရင်အမျိုးသားအစည်းအရုံး(KNU)က ပြောကြားလိုက်သည်။
ယမန်နေ့ နိုဝင်ဘာ ၁၀ရက်နေ့က ရန်ကုန်မြို့ရှိ မြန်မာငြိမ်းချမ်းရေးစင်တာ၌ အစိုးရပြည်ထောင်စုဝန်ကြီးများနှင့် နိုင်ငံရေးပါတီ များ တွေ့ဆုံခဲ့ရာ၌ ပြည်ထောင်စု ငြိမ်းချမ်းရေးဖော်ဆောင်မှု လုပ်ငန်းကော်မတီ ဒုတိယဥက္ကဋ္ဌ သမ္မတရုံး ပြည်ထောင်စုဝန်ကြီး ဦးအောင်မင်းက ပြောဆိုခဲ့သည့် သမ္မတ၏ ညွှန်ကြားထားချက်နှင့် ပတ်သက်၍ KNU တွဲဘက်အတွင်းရေးမှူး(၂) ပဒိုမန်းမန်းမန်း က ထိုသို့ ပြောဆိုလိုက်ခြင်း ဖြစ်သည်။
ပဒိုမန်းမန်းမန်းက “မြန်မာနိုင်ငံမှာ တိုင်းရင်းသားအဖွဲ့တွေက ဖက်ဒရယ်ပြည်ထောင်စုတည်ဆောက်ဖို့ ဆုံးဖြတ်ထားတယ်။ ဒါကို အစိုးရအဆက်ဆက်က ခွဲထွက်ရေးပဲလို့ နားလည်ထားတဲ့အပေါ် အခုလို ထုတ်ဖော်ပြောလိုက်တာဟာ သူတို့(လက်ရှိအစိုးရ)ရဲ့ စိုးရိမ်ကြောင့်ကြမှုအပိုင်းလည်း ဖြစ်ပါလိမ့်မယ်။”ဟု ကေအိုင်စီသို့ ပြောသည်။
KNU အပါအ၀င် အခြားတိုင်းရင်းသားလက်နက်ကိုင် အဖွဲ့အစည်းများ၏ မျှော်မှန်းချက်ဖြစ်သည့် ဖက်ဒရယ်သည် ခွဲထွက်ရေး မဟုတ်သလို အချုပ်အခြာအာဏာဟူသည်လည်း နိုင်ငံသားတိုင်းနှင့် သက်ဆိုင်ပြီး အားလုံးကာကွယ်ကြရန် တာဝန်ရှိသော သမ္မတ၏ ညွှန်ကြားပြောဆိုထားချက်ကို အထူးမှတ်ချက်ပေးရန် မရှိကြောင်းလည်း ပဒိုမန်းမန်းမန်းက ဆက်ပြောသည်။
ယမန်နေ့က နိုင်ငံရေးပါတီများနှင့် မြန်မာငြိမ်းချမ်းရေးစင်တာတွင် တွေ့ဆုံခဲ့စဉ် ဦးအောင်မင်းက “နိုင်ငံတော်သမ္မတကြီးရဲ့ မူက တော့ လက်နက်ကိုင် ပဋိပက္ခတွေဟာ နိုင်ငံရေးနည်းအရ မဖြေရှင်းနိုင်ခဲ့တဲ့အတွက် ဒီလို ဖြစ်လာတယ်ဖြစ်တယ်။ ဒါကြောင့် နိုင်ငံရေးအရ ဖြေရှင်းမယ်ဆိုတဲ့မူကို နိုင်ငံတော်သမ္မတကြီးက ဆုပ်ကိုင်ပြီးသားဖြစ်ပါတယ်”ဟု ပြောဆိုခဲ့ကြောင်း RFA မြန်မာ ပိုင်းသတင်းတွင် ဖော်ပြထားသည်။
အလားတူ ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ(UNFC)၏ နံပါတ်(၂) တွဲဘက်အတွင်းရေးမှူးခွန်ဥက္ကာက လည်း နိုဝင်ဘာ ၄ရက်နှင့် ၅ရက်နေ့ ကချင်ပြည်နယ်၊ မြစ်ကြီးနားမြို့တွင် တနိုင်ငံလုံး အပစ်အခတ်ရပ်စဲရေး သဘောတူလက် မှတ်ထိုးနိုင်ရန် ဆွေးနွေးသည့်ပွဲတွင် သမ္မတ၏ အဆိုပါ ညွှန်ကြားချက်နှစ်ချက်ကို ထည့်သွင်းပြောဆိုခဲ့သေးကြောင်း ပြောသည်။
သူက “ဒီနှစ်ချက်က မြစ်ကြီးနားဆွေးနွေးပွဲမှာ ကျနော်တို့နဲ့ အစိုးရ ပြောခဲ့ပေမဲ့ တရားဝင် ဆုံးဖြတ်တာတွေတော့ မရှိဘူး။ ဖက်ဒ ရယ်တည်ဆောက်ရေးမူကိုက အတူတကွ ပေါင်းစည်းနေထိုင်ရေးဖြစ်နေတော့ သမ္မတပြောတဲ့အချက်တွေဟာ တွေ့ဆုံဆွေးနွေး ပွဲမှာ မပါလည်းဖြစ်တယ်။ ဒါပေမယ့် ဒီပြောဆိုချက်ဟာ တကယ်ဖြစ်လာ၊ မဖြစ်လာဆိုတာပဲ စောင့်ကြည့်မှာပေါ့။”ဟု ပြောသည်။
ထို့အပြင် လာမည့် ဒီဇင်ဘာလအတွင်း မြန်မာအစိုးရနှင့် တစ်နိုင်ငံလုံး အပစ်အခတ်ရပ်စဲရေး လက်မှတ်ထိုးနိုင်ရေး ဆွေးနွေးအ ဖြေရှာရန် တိုင်းရင်းသားလက်နက်ကိုင်အဖွဲ့များ ပါဝင်သည့် ဒုတိယအကြိမ် တိုင်းရင်းသားညီလာခံကို KNU ထိန်းချုပ်နယ်မြေတ နေရာတွင် ကျင်းပသွားမည်ဟုလည်း သိရသည်။
ပြီးခဲ့သည့် အောက်တိုဘာ ၃၀ရက်မှ နိုဝင်ဘာ ၁ရက်နေ့အထိ ကချင်ပြည်နယ်၊ ကချင်လွတ်မြောက်ရေးအဖွဲ့(KIO)ဌာနချုပ် လိုင်ဇာ၌ ပြုလုပ်ခဲ့သည့် ပထမအကြိမ် တိုင်းရင်းသားညီလာခံတွင် တိုင်းရင်းသားလက်နက်ကိုင်အဖွဲ့အစည်းများ၏ တစ်နိုင်ငံလုံး အပစ်အခတ်ရပ်စဲရေးဆိုင်ရာ ဘုံသဘောတူညီချက် ၁၁ချက် ရရှိခဲ့သည်။

Continue Reading...

သင်ရိုးညွှန်းတမ်း မထိခိုက်ဘဲ ကရင်စာသင်ရန် တနင်္သာရီတိုင်းအစိုးရ သဘောတူ


knu dawei leaders meeting with local govt

နိုဝင်ဘာ ၁၁ရက်၊ ၂၀၁၃ ခုနှစ်။ စဖန်းရှောင်း

ကရင်အမျိုးသားအစည်းအရုံး(ကေအဲန်ယူ) ဘိတ်-ထားဝယ်ခရိုင် ထိန်းချုပ်နယ်မြေရှိ ကရင်ကျေးရွာများမှ အစိုးရစာသင်ကျောင်း များတွင် အစိုးရ၏ ကျောင်းသင်ရိုးညွှန်းတမ်းကို ထိခိုက်မှု မရှိပါက ကရင်စာပေသင်ကြားနိုင်ပြီဟု ကေအဲန်ယူနှင့် ဆွေးနွေးရာ၌ တနင်္သာရီတိုင်းဒေသကြီးအစိုးရတို့က သဘောတူလိုက်ကြောင်း သိရသည်။
ကေအဲန်ယူ ဘိတ်-ထားဝယ်ခရိုင် ဥက္ကဌ ပဒိုစောဘီးလယ် ဦးဆောင်သောအဖွဲ့နှင့် တနင်္သာရီတိုင်းဒေသကြီး ၀န်ကြီးချုပ် ဦးမြတ် ကို အပါအ၀င် အစိုးရ တာဝန်ရှိသူအချို့သည် ယခုလ နိုဝင်ဘာ ၈ရက်နေ့က ထားဝယ်မြို့တွင် တွေ့ဆုံဆွေးနွေးခဲ့ရာတွင် ထိုသို့ နှစ်ဖက် သဘောတူညီမှု ရရှိခဲ့ခြင်းဖြစ်သည်။
“တနင်္သာရီတိုင်းမှူး ဝန်ကြီးချုပ်နဲ့ အခြားဝန်ကြီးတို့က ပုံမှန် ကျောင်းသင်ရိုးညွှန်းတမ်းကို မထိခိုက်ဘူးဆိုရင် ကရင်ရွာတွေမှာ ကရင်စာသင်ဖို့ နားလည်ခွင့်ပြုပေးတယ်။”ဟု ပဒိုစောဘီးလယ်က ပြောကြားကြောင်း ကွယ်ကလူသတင်းဝက်ဘ်ဆိုဒ်တွင် ဖော် ပြထားသည်။
အဆိုပါ အစိုးရနှင့် သဘောတူညီမှုတွင် တနင်္သာရီတိုင်း၊ ကရင်ကျေးရွာများရှိ စာသင်ကျောင်းများမှ ကျောင်းသားကျောင်းသူများ ကျောင်းတက်သည့်အခါ ကရင်ဝတ်စုံ ၀တ်ဆင်နိုင်ကြောင်း သဘောတူညီမှု ရရှိခဲ့သော်လည်း ယင်းစာသင်ကျောင်းများတွင် ကရင်အမျိုးသားအလံတော် လွှင့်ထူရန်ကိုမူ တိုင်းအစိုးရဘက်မှ ဆုံးဖြတ်ချက်မပေးနိုင်ခဲ့ကြောင်း သူက ဆက်ပြောသည်။
ရန်ကုန်အခြေစိုက် လူ့အခွင့်အရေးတက်ကြွလှုပ်ရှားသူ မန်းသိုက်ထွန်းက “အခု တနင်္သာရီဒေသအချို့ ခွင့်ပြုပြီး တခြားကရင် ဒေသတွေ ဘာလို့ခွင့်မပြုလဲ မေးစရာဖြစ်လာမယ်။ တကယ်တော့ ကိုယ့်တိုင်းရင်းသား ဘာသာစကား ယဉ်ကျေးမှုဆို တာ ဘာခွင့်ပြုမိန့်မှ တောင်းစရာမလိုဘူး။ ကိုယ့်တိုင်းရင်းသားစာပေ၊ ကိုယ့်ဝတ်စုံ၊ ကိုယ့်ယဉ်ကျေးမှုကို လွတ်လွတ်လပ်လပ် လုပ်ခွင့်ရှိတယ်။”ဟု သူ၏အမြင်ကို ပြောသည်။
ယခုသဘောတူညီထားမှုတွင် ကရင်စာကို တစ်ပတ်လျှင်တစ်ကြိမ်သင်ကြားရန်နှင့် ကရင်ဝတ်စုံကို တစ်ပတ်တစ်ကြိမ် ၀တ်ဆင် ရန် သဘောတူခဲ့ကြသော်လည်း အကောင်အထည်ဖော်နိုင်ရေးကို ထိုဒေသအတွင်းရှိ စာသင်ကျောင်းများနှင့် ဆက်လက် ဆွေး နွေးညှိနှိုင်းကာ အကောင်းဆုံးနည်းလမ်းများဖြင့် လုပ်ဆောင်သွားမည်ဖြစ်ကြောင်း ကေအဲန်ယူ ဘိတ်-ထားဝယ်ခရိုင်ဘက်က ပြောဆိုသည်။
၂၀၁၂ခုနှစ်က အစိုးရနှင့် အပစ်အခတ်ရပ်စဲရေး တွေ့ဆုံဆွေးနွေးပွဲတွင် ကေအဲန်ယူဘက်က ပါဝင်ခဲ့သူ နော်မေဦးက “ဒီသဘော တူညီချက်အတိုင်းဆိုရင် ကရင်တွေ နေထိုင်တဲ့ နေရာတစ်ခုက ကရင်အတွက်သာ ဖြစ်နေတယ်။ တကယ်လို့ တနင်္သာရီဒေသ အတွက်ဆိုရင် ကရင်အတွက်သာမဟုတ်ဘဲ အားလုံးအတွက် ဖြစ်ရမယ်။ ခု သဘောတူညီချက်ကတော့ ကရင်အားလုံးနဲ့ ကျန် တိုင်းရင်းသားလူမျိုးစုတွေကိုလည်း ခွဲခြားတာပဲ။”ဟု ကေအိုင်စီသို့ ပြောသည်။
ကရင်အမျိုးသားအစည်းအရုံးနှင့် မြန်မာအစိုးရတို့အကြား အပစ်အခတ်ရပ်စဲရေး တွေ့ဆုံဆွေးနွေးပြီးနောက်ပိုင်း ကေအဲန်ယူ ဘိတ်-ထားဝယ်ခရိုင် ခေါင်းဆောင်များနှင့် တိုင်းဒေသကြီး အစိုးရအဖွဲ့ဝင်တို့ တွေ့ဆုံမှုမှာ ယခုတကြိမ်သည် ပထမဆုံး ဖြစ်သည်။

Continue Reading...

KNU ကော့ကရိတ်မြို့နယ် ကွန်ဂရက်အပြီး ခေါင်းဆောင်ပြောင်းလဲမှု သိပ်မရှိ


Pado Maw Htoo

နိုဝင်ဘာ ၈ရက်၊ ၂၀၁၃ခုနှစ်။ စဖန်းရှောင်း

ကရင်အမျိုးသားအစည်းအရုံး(KNU)၏ ဒူးပလာယာခရိုင်၊ ကော့ကရိတ်မြို့နယ်အဆင့် ကွန်ဂရက်(ညီလာခံ) တစ်ရပ်ကို နိုဝင်ဘာ ၄ရက်နေ့မှ ၆ရက်နေ့အထိ ကော့ကရိတ်မြို့နယ်၊ စကားဝှက်ကျေးရွာအုပ်စုရှိ ကတိုးထာ့ရွာတွင် ပြုလုပ်ကျင်းပခဲ့ရာ မြို့နယ်အဆင့် ခေါင်းဆောင်အပြောင်းအလဲ သိပ်မရှိကြောင်း ပြန်လည်ရွေးကောက်ခံရသူတစ်ဦးက ပြောသည်။
KNU ကော့ကရိတ်မြို့နယ် အတွင်းရေးမှူးအဖြစ် ထပ်မံ ရွေးကောက်ခံရသူစောအယ်ကော်သောက “ဒီကွန်ဂရက်နေ့ ထိပ်ပိုင်း ကော်မတီဝင် ငါးဦးကိုရွေးတာ တွဲဘက်အတွင်းရေးမှူးတစ်ယောက်ပဲ ပြောင်းလဲမှုရှိတယ်။ တခြားလည်း သိပ်အပြောင်းအလဲ မရှိ ဘူး။”ဟု ကေအိုင်စီသို့ ပြောသည်။
၎င်းကွန်ဂရက်သို့ တက်ရောက်လာသော ကိုယ်စားလှယ်များက ကော့ကရိတ်မြို့နယ် အမြဲတမ်းကော်မတီဝင် (၂၁)ဦးနှင့် အလုပ် အမှုဆောင် ကော်မတီများကို လျှိ့ဝှက်မဲစနစ်ဖြင့် ဥက္ကဌ စောမောထူး၊ ဒုဥက္ကဌ စောကို့ထူး၊ အတွင်းရေးမှူး စောအယ်ကော်သော၊ တွဲဘက်အတွင်းရေးမှူး စောနေထူးနှင့် တရားသူကြီးအဖြစ် မန်းထွန်းလွင်တို့ကို ရွေးကောက်တင်မြှောက်ခဲ့ကြသည်။
အဆိုပါကွန်ဂရက်သို့ KNU ဗဟိုမှ ပဒိုစောလှထွန်း၊ ပဒိုစောသမိန်ထွန်းအပြင် ကော့ကရိတ်မြို့နယ်အတွင်းရှိ အရပ်ဖက်၊ စစ်ဖက် ကိုယ်စားလှယ်များ၊ ဒေသခံကျေးရွာ (၁၁၃)ရွာမှ လူထုကိုယ်စားလှယ်များ စုစုပေါင်း ၃၄၉ဦး တက်ရောက်ခဲ့ကြသည်။
KNU kawkareik congress (Nov_2013)
ထို့အပြင် ကွန်ဂရက်တွင် စစ်ရေး၊ နိုင်ငံရေး၊ အုပ်ချုပ်ရေး၊ စီးပွားရေး၊ ဖွံ့ဖြိုးရေး၊ ကျန်းမာရေး၊ လူမှုရေး စသည်တို့ကို တက် ရောက်လာသော ကိုယ်စားလှယ်များက အစီရင်ခံစာတင်သွင်းခြင်း၊ အတည်ပြုခြင်းနှင့် ရှေ့ဆက်လုပ်ဆောင်မည့် လုပ်ငန်းစဉ်များ နှင့် ပတ်သက်၍ ဆွေးနွေးခဲ့ကြသည်ဟု နိုဝင်ဘာ ၆ရက်နေ့၌ ထုတ်ပြန်သည့် KNU ကော့ကရိတ်မြို့နယ်၏ ကွန်ဂရက်ကြေညာ ချက်တွင် ဖော်ပြထားသည်။
ကွန်ဂရက်သို့ တက်ရောက်ခဲ့သူ ဒေသခံ စောခူထီးက “အရင်က မငြိမ်းချမ်းလို့ ဒုက္ခရောက်တာ၊ အခုလည်း သိပ်ပြီး ထွေထွေထူး ထူး ပြောင်းလဲတာ မရှိသေးဘူး။ အခုကော့ကရိတ်မြို့နယ်အတွင်းမှာ ဖွံ့ဖြိုးရေးကြောင့် ပြည်သူတွေခံနေရတုန်းပဲ။ ဒါတွေကို အခု အရွေးခံရတဲ့ ခေါင်းဆောင်တွေအနေနဲ့ ပြေလည်အောင် အတတ်နိုင်ဆုံး ဖြေရှင်းပေးဖို့ တောင်းဆိုချင်တယ်။”ဟု ကေအိုင်စီသို့ ပြောသည်။
စောအယ်ကော်သောက ယခုတက်လာသည့် ကော့ကရိတ်မြို့နယ် ခေါင်းဆောင်များအနေဖြင့် ၎င်းမြို့နယ်အတွင်းရှိ ပြည်သူလူထု ၏ အကျိုးစီးပွားကိုကြည့်ပြီး KNU ဗဟို၏ ချမှတ်ထားသည့် လမ်းစဉ်အတိုင်း ရှေ့ဆက် လုပ်ဆောင်သွားမည်ဟု ဖြည့်စွက်ပြောဆို သည်။
KNU ကော့ကရိတ်မြို့နယ် ကွန်ဂရက်ကို ၂နှစ်တစ်ကြိမ် ကျင်းပလာခဲ့ရာ ၂၀၀၈တွင် နယ်မြေမတည်ငြိမ်မှုများကြောင့် ၄နှစ် ရပ် နားခဲ့ရပြီးမှ ယခု ပြန်လည်ကျင်းပလာနိုင်ခြင်းဖြစ်သည်။

Continue Reading...

ကရင်ပြည်နယ်နေ့ ပွဲတော်တွင် ကရင့်ယဉ်ကျေးမှုဖော်ပြခြင်း အားနည်းလာ


16

နိုဝင်ဘာ ၉ရက်၊ ၂၀၁၃ခုနှစ်။ စောညွှန့်သောင်း

ကရင်ပြည်နယ်အစိုးရမှ ဦးစီးပြီး ဖားအံမြို့ရှိ သီရိကွင်း(ပြည်နယ်ကွင်း)အတွင်း ယမန်နေ့ နိုဝင်ဘာ ၇ရက်နေ့က ကျင်းပသော (၅၈)ကြိမ်မြောက် ကရင်ပြည်နယ်နေ့ပွဲတွင် ကရင်ရိုးရာယဉ်ကျေးမှုများ၊ ဓလေ့ထုံးတမ်းများ ဖော်ပြမှုများ အားနည်းလာသည်ဟု မြို့ခံကရင်လူထုက ပြောဆိုနေကြသည်။
ယခုနှစ် ကရင်ပြည်နယ်နေ့တွင် ကရင်ယဉ်ကျေးမှု ရိုးရာဓလေ့များကို ပြသထားခြင်း မရှိသလောက်ဖြစ်ပြီး ယာဉ်ထိန်းရဲဌာန ပြခန်း၊ အမျိုးသမီးရေးရာ၊ မိခင်နှင့်ကလေးစောင့်ရှောက်ရေးပြခန်း၊ စိုက်ပျိုးရေးနှင့် ဆည်မြောင်းဌာနပြခန်း၊ စက်မှုပြခန်း၊ သစ် တောဌာနပြခန်း စသည့် အစိုးရဌာနဆိုင်ရာ ပြခန်းများနှင့် Save the Children, World Vision – Myanmar ပြခန်းများသာရှိနေ ပြီး ရိုးရာယဉ်ကျေးမှုပြခန်းမှာ နေရာအကျယ်နှင့် သရုပ်ပြ ဖော်ပြမှုအားနည်းကြောင်း အမျိုးသားလွှတ်တော်အမတ် စောအောင် ကျော်နိုင်က ပြောသည်။
၎င်းက “ဒီနှစ် ကရင်ရိုးရာယဉ်ကျေးမှုပြခန်းက ကျဉ်းကျဉ်းလေးပဲ နေရာပေးထားတယ်။ ပိုက်ဆံပိုရတဲ့ ဈေးဆိုင်တွေကိုတော့ နေရာများများပေးတယ်လေ။ ဈေးဆိုင်လေးတစ်ဆိုင်ဟာ သောင်းဂဏန်းအထိ အခွန်ပေးဆောင်ရတော့ အကျိုးအမြတ်ပိုရ တယ်။ အရက်ဆိုင်၊ ဘီယာဆိုင်တို့ဆို အားလုံး ၈၀ရာခိုင်နှုန်းလောက် ရှိမယ်။”ဟု ကေအိုင်စီသို့ ပြောသည်။
ယခုနှစ် ကရင်ပြည်နယ်ပွဲတွင် ငွေကြေးထောက်ပံ့မှုများ မရှိသဖြင့် ဒုံးအဖွဲ့ ၁၂ဖွဲ့သာ ၀င်ရောက်ယှဉ်ပြိုင်ခွင့်ရသည်ဟု ပြည်နယ် အစိုးရက ပြောဆိုသော်လည်း ပြည်နယ်ပွဲနှင့်အတူ အလှကုန်၊ လူသုံးကုန်နှင့် စားသောက်ကုန်ပစ္စည်းများ ရောင်းချသည့် ကုန်စည်ပြပွဲကိုပါ ပူးတွဲကျင်းပ ပြုလုပ်ခဲ့ကြသည်။
ဖားအံမြို့ခံ စဘီကျင်ဦးက “ဒီနှစ် ကရင်ပြည်နယ်နေ့ဟာ ကရင်ပြည်နယ်နေ့နဲ့ မတူတော့ဘဲ ကုန်စည်ကြော်ငြာနဲ့ အစိုးရဌာနဆိုင် ရာ ကြော်ငြာတဲ့ပွဲတော်နေ့ ဖြစ်နေတယ်လေ။ ပြည်နယ်နေ့အတွက် ကောက်ခံရရှိတာတွေက ကျပ်သိန်းထောင်ချီတယ်။ အဲဒါ တွေ ဘယ်ကိုရောက်သွားလဲ မေးစရာဖြစ်တယ်။”ဟု ပြောသည်။
ကရင်ပြည်နယ်နေ့ပွဲတော်သည် အစဉ်အလာအားဖြင့် ပြည်နယ်အစိုးရက ဦးစီးကျင်းပသည်ထက် ကရင်အမျိုးသားများ၊ အပစ် ရပ်ကရင်အဖွဲ့များ၊ ပြည်နယ်သူပြည်နယ်သားများနှင့် ပြည်နယ်အစိုးရများက စုပေါင်းကျင်းပသင့်ပြီး ပြည်နယ်အစိုးရအနေဖြင့် လမ်းညွှန်မှုပေးရန်သာ ဖြစ်သင့်ရာ ယခုလို ရိုးရာယဉ်ကျေးမှု ဖော်ပြမှုများ အားနည်းလာသည့်အပေါ် စိတ်မကောင်းဖြစ်မိကြောင်း ပြည်သူ့လွှတ်တော်အမတ် နန်းစေးအွာက ပြောသည်။
ပုံမှန်အားဖြင့် ကရင်ပြည်နယ်နေ့တွင် ကရင့်ဘ၀သမိုင်းအကြောင်း၊ ဓလေ့ရိုးရာအကြောင်း၊ ကရင်ကောက်သစ်စားပွဲ၊ ကရင်နှစ် သစ်ကူးပွဲ၊ ကရင်လက်ချည်ပွဲနှင့် ကရင့်ဒုံးအက ဖြစ်ပေါ်လာပုံ၊ ကရင့်စာပေအကြောင်း၊ ကရင့်ရိုးရာအ၀တ်အစား၊ ထိမ်းမြားလက် ထပ်ခြင်း၊ နတ်စားခြင်းများနှင့် ကရင်အောပွဲအကြောင်းများ စသည်တို့ကို ဖော်ထုတ်ပြသလေ့ရှိခဲ့သော်လည်း ယခုနှစ် ယဉ်ကျေး မှုပြခန်းနှင့်ပတ်သက်၍ ပြည်နယ် ကရင်စာပေနှင့် ယဉ်ကျေးမှုကော်မတီ ဥက္ကဌ စောအေးမြက ယခုလို ပြောသည်။
“ပြခန်းမှာတော့ ကရင်စာပေ အမျိုးအစားတွေ၊ ယဉ်ကျေးမှုတွေဖြစ်တဲ့ ကရင်တူရိယာအမျိုးမျိုး နဲ့ ရိုးရာဂျက်ခုပ်လုပ်ငန်းတွေကို ပြသထားပါတယ်။ ကရင်စာပေ၊ ယဉ်ကျေးမှုပြခန်း ဖြစ်မြောက်ဖို့ ဒီနှစ်မှာက ကရင်ပြည်နယ်နေ့ ပွဲဖြစ်မြောက်ရေးကော်မတီဆီက ပွဲရန်ပုံငွေ ၄သိန်းခွဲ အကူအညီတောင်းခံခဲ့ပါတယ်။”ဟု စောအေးမြက ပြောသည်။
ကရင်ပြည်နယ်နေ့ပွဲတော်ကို ကရင်ပြည်နယ်အစိုးရက နှစ်စဉ် ဦးစီးကျင်းပလေ့ရှိရာ ယခု (၅၈)ကြိမ်မြောက် ကရင်ပြည်နယ်နေ့ တွင် ပွဲဖြစ်မြောက်ရေးအတွက် ကော်မတီအဖွဲ့ပေါင်း ၂၀ကျော်ဖြင့် ဖွဲ့စည်းလုပ်ဆောင်နေခြင်းဖြစ်ပြီး ယခုနှစ် ဖွင့်ပွဲအခမ်းအနားသို့ အပစ်ရပ်တိုင်းရင်းသားများနှင့် နိုင်ငံရေးပါတီများမှ ကိုယ်စားလှယ်များ တက်ရောက်လာခြင်း မရှိကြောင်း သိရသည်။

Continue Reading...

မြောက်ပိုင်းအိုင်ယာလန်နှင့် မြန်မာနိုင် ငံ၏ ငြိမ်းချမ်းရေးဖြစ်စဉ် ကွာခြားကြောင်း KNU ပြောဆို


KNU delegation in  UK, London 29 October
နိုဝင်ဘာ ၅ရက်၊ ၂၀၁၃ခုနှစ်။ စောသိန်းမြင့် မြောက်ပိုင်းအိုင်ယာလန်၏ ငြိမ်းချမ်းဖော်ဆောင်မှုဖြစ်စဉ်နှင့် လက်ရှိ မြန်မာနိုင်ငံ၏ ငြိမ်းချမ်းရေးဖော်ဆောင်မှု ဖြစ်စဉ်သည် အလွန်ကွာခြားကြောင်း မြောက်ပိုင်း အိုင်ယာလန်နိုင်ငံရေးဖော်ဆောင်မှုကို သွားရောက်လေ့လာခဲ့ သည့် ကရင်အမျိုးသားအစည်းအရုံး(KNU) ကိုယ်စားလှယ်အဖွဲ့က ပြောသည်။
Inter Mediate အဖွဲ့အစည်း၏ ဖိတ်ကြားချက်ဖြင့် အောက်တိုဘာ ၂၇ရက်နေ့က မြောက်ပိုင်းအိုင်ယာလန်သို့ သွားရောက်ခဲ့သည့် KNU တွဲဘက်အတွင်းရေးမှူး(၂) ပဒိုမန်းမန်းမန်း ဦးဆောင်သော ကိုယ်စားလှယ်(၇)ဦးသည် ခရီးစဉ်အတွင်း မြောက်ပိုင်းအိုင်ယာလန်၏ ငြိမ်းချမ်းရေးဖော်ဆောင်ခဲ့မှုနှင့် ပတ်သက်၍ လေ့လာတွေ့ရှိခဲ့မှုများကို နိုဝင်ဘာ ၂ရက်နေ့က ထိုင်း-မြန်မာနယ်စပ်သို့ ပြန်လည်ရောက်ရှိပြီးနောက် ထိုသို့ ပြောကြားခဲ့ခြင်းဖြစ်သည်။
၎င်း KNU ကိုယ်စားလှယ်အဖွဲ့မှ ပြောခွင့်ရသူ နော်ဘလူးမင်းနိုက်ဇန်က “မြောက်အိုင်ယာလန်မှာ လုပ်ခဲ့တဲ့ ငြိမ်းချမ်းရေး ပြန်လည်ဆက်စပ်ဆွေးနွေးတယ်ဆိုတာ ကျမတို့ တိုင်းပြည်မှာ အခု စလုပ်နေတာပဲ။ သူတို့မှာက အားလုံးက သဘောထားရှိတယ်။ Transparacy (ပွင့်လင်းမြင်သာမှု)လည်း ရှိတာကြောင့် ဆက်သွားလို့ရတယ်။ ဒီဘက်က အစိုးရကျတော့ ကျမတို့ တိုင်းရင်းသားတွေအပေါ် ပွင့်လင်းမှု မရှိဘူး။ တချိန်လုံး လက်မှတ်ပဲ ထိုးထိုးပြီး အကောင်အထည်ဖော် တဲ့နေရာမှာ တော်တော် အားနည်းတယ်”ဟု ကေအိုင်စီသို့ ပြောသည်။
ငြိမ်းချမ်းရေးဖော်ဆောင်နေသည့်နေရာတွင် နိုင်ငံတော်အစိုးရ၊ တိုင်းရင်းသားလက်နက်ကိုင်များနှင့် နိုင်ငံရေး ပါတီတို့က စစ်မှန်သည့် သဘောထားဖြင့် အားလုံးပါဝင်မှသာလျှင် ငြိမ်းချမ်းရေးဖော်ဆောင်မှုသည် ဖြစ်နိုင်မည် ဆိုသည့်အကြောင်းကို လေ့လာသင်ယူခဲ့ရသည်ဟုလည်း နော်ဘလူးမင်းနိုက်ဇန်က ဖြည့်စွက်ပြောဆိုသည်။
ခရီးစဉ်တွင် Inter Mediate အဖွဲ့အစည်း၏ အကြီးအကဲ၊ မြောက်ပိုင်းအိုင်ယာလန်မှ ရဲအရာရှိများ၊ နိုင်ငံရေး ပါတီခေါင်းဆောင်များနှင့် နိုင်ငံရေးပညာရှင်များစသည့် အရေးပါသော ပုဂ္ဂိုလ်များအား တွေ့ဆုံခဲ့ကြပြီး မြောက် ပိုင်းအိုင်ယာလန်၏ နိုင်ငံရေးအပြောင်းအလဲအပေါ် တွေ့ဆုံညှိနှိုင်းအဖြေရှာခဲ့ပုံနှင့် ငြိမ်းချမ်းရေးဖော်ဆောင်မှု တွင် အစိုးရဖြစ်စေ၊ အဖွဲ့အစည်းဖြစ်စေ၊ တစ်ဦးတစ်ယောက်ဖြစ်စေ အားလုံး၏ စုပေါင်းပါဝင်မှုကို အသိအမှတ်ပြု သည့် အကြောင်းအရာများကိုလည်း လေ့လာခဲ့ရကြောင်း KNU ကိုယ်စားလှယ်အဖွဲ့က ဆိုသည်။
ဆက်လက်၍ လက်ရှိ မြန်မာအစိုးရနှင့် တိုင်းရင်းသားအဖွဲ့အစည်းတို့ ပြုလုပ်နေသည့် ငြိမ်းချမ်းရေးဖော်ဆောင်မှု နှင့် ပတ်သက်၍ မြောက်ပိုင်းအိုင်ယာလန်တာဝန်ရှိပုဂ္ဂိုလ်များက အထင်အမြင်ယူဆချက်နှင့် မှတ်ချက်များပေး ရန်ထက် ၎င်းတို့၏ နိုင်ငံရေးဖော်ဆောင်မှုအခြေအနေကို အဓိကထား တင်ပြခဲ့ကြသည်ဟု နော်ဘလူးမင်းနိုက် ဇန်က ပြောသည်။
KNU ၏ လေ့လာရေးခရီးစဉ်နှင့်ပတ်သက်၍ ဒီမိုကရေစီ ကရင်အကျိူးပြုတပ်မတော်(DKBA)မှ ဒုတိယတန်း စစ်ဦးစီးမှူး ဗိုလ်မှူးထွန်းထွန်းက “အပြည်ပြည်ဆိုင်ရာ အတွေ့အကြုံနဲ့ ယှဉ်ပြီး ကြည့်တာကတော့ ကောင်းပါ တယ်။ ဘာဖြစ်လဲဆိုရင် ကျနော်တို့ မသိသေးတဲ့အချက်တွေ သိလာရမှာပေါ့။ အနာဂါတ် ကျနော်တို့ နိုင်ငံရဲ့ ပြည်တွင်းငြိမ်းချမ်းရေးလုပ်ငန်းအတွက် ကောင်းတဲ့အချက်တွေ အသုံးပြုရနိုင်တဲ့အချက်တွေ ရလာမယ်လို့ မျှော်လင့်ပါတယ်”ဟု ကေအိုင်စီသို့ ပြောသည်။
မြောက်ပိုင်းအိုင်ယာလန်၏ ငြိမ်းချမ်းရေးဖော်ဆောင်မှု လေ့လာရေး ခရီးစဉ်တွင် ပဒို မန်းမန်းမန်း၊ နိုင်ငံခြားရေး ဌာနတာဝန်ခံ ပဒိုစောအောင်ဝင်းရွှေ၊ စောဆဲပွယ်၊ စောအော်ဘောမူ၊ နော်ဘလူး မင်းနိုက်ဇန်၊ နော်စူစဲန်နာလှလှ စိုးနှင့် နော်ကညောဖောတို့ ပါဝင်သည်။
မြောက်ပိုင်းအိုင်ယာလန်သည် အင်္ဂလန်နိုင်ငံ၏ အစိတ်အပိုင်း နယ်မြေတစ်ခုဖြစ်ပြီး ၁၉၉၈ခုနှစ်တွင် ဗြိတိန်အစိုး ရမှ ကိုယ်ပိုင်အုပ်ချုပ်ခွင့်ပေး လိုက်သော နိုင်ငံတစ်နိုင်ငံဖြစ်သည်။

Continue Reading...

နှစ် ၃၀ ကြာ ထုတ်ဝေမှုရပ်နား ထားသည့် တက္ကသိုလ် ကရင်မဂ္ဂဇင်း ပြန်လည်ထုတ်ဝေ


Karen Magazine

နိုဝင်ဘာ ၅ ရက်၊ ၂၀၁၃ ခုနှစ်။ နန်းချောင်ဖော့

နှစ်ပေါင်း ၃၀ ကြာ ထုတ်ဝေမှုရပ်နားထားသည့် တက္ကသိုလ် ကရင်မဂ္ဂဇင်းကို ကရင်စာပေနှင့် ယဉ်ကျေးမှု ကော်မတီ(တက္ကသိုလ်များရန်ကုန်)မှ ဦးဆောင်ကာ ယခု နိုဝင်ဘာလတွင် ပြန်လည်ထုတ်ဝေလိုက်ပြီး ဖြစ်ကြောင်း သိရသည်။
လက်ရှိတွင် မဂ္ဂဇင်းကို ပုံနှိပ်ပြီးလုနီးပါးဖြစ်နေပြီး နိုဝင်ဘာလဒုတိယအပတ်တွင် ထွက်ရှိနိုင်မည်ဟု မဂ္ဂဇင်း ဖြစ်မြောက်ရေးအတွက် ကူညီဆောင်ရွက်ပေးသူတစ်ဦးဖြစ်သည့် ရန်ကုန်ကရင်နှစ်သစ်ကူးပွဲတော် ကျင်းပရေး ဗဟိုကော်မတီ အတွင်းရေးမှူး စောလှထွန်းက ကေအိုင်စီသို့ ပြောသည်။
“ဟိုအရင်ကတော့ စာပေနဲ့ယဉ်ကျေးမှု ကိုယ့်ရိုးရာဓလေ့တွေနဲ့ အဓိကထားပြီး ထုတ်တယ်ပေါ့နော်။ ဒီဘက်နှစ် တွေမှာတော့ နည်းနည်းပွင့်လင်းလာတဲ့အတွက် နိုင်ငံရေး၊ စီးပွားရေး၊ ကျန်းမာရေး၊ ပညာရေး၊ ယဉ်ကျေးမှု အကုန်လုံး ကိုယ့်အမျိုးသားရေးနဲ့ ဆိုင်တဲ့ကိစ္စအားလုံးကို နည်းနည်းကဏ္ဍစုံအောင် ထည်းသွင်းဖော်ပြထား တယ်” ဟု စောလှထွန်းက ပြောဆိုသည်။
ယင်းမဂ္ဂဇင်းကို နောင်တော်ကရင်ကျောင်းသားကြီးများ၏ အစဉ်အလာကို ထိန်းသိမ်းရန်၊ ကရင်ကျောင်း သားကျောင်းသူ လှုပ်ရှားမှုတွေကို ဖော်ပြရန်နှင့် စည်းစည်းလုံးလုံးဖြင့် လုပ်ကိုင်တတ်စေရန် ရည်ရွယ်ပြီး ထုတ်ဝေခြင်းဖြစ်ကြောင်း ယင်းကော်မတီ တွဲဖက်ဘဏ္ဍာရေးမှုးတစ်ဦးဖြစ်သူ လက်ရှိ ရန်ကုန်တက္ကသိုလ်၊ ဇီဝဗေဒဌာန လက်ထောက်ကထိက ဒေါက်တာ နန့်သင်းသင်းကြွယ်က ဆိုသည်။
စာမျက်နှာ ၂၀၀ ကျော်ရှိသည့် ထိုမဂ္ဂဇင်းထဲတွင် လက်ရှိ တက္ကသိုလ် ကရင်ကျောင်းသားကျောင်းသူများ၊ ကျောင်းသားဟောင်းများ၊ တက္ကသိုလ် ဆရာ၊ ဆရာမများ စသည့်တို့ ရေးသားထားသည့် စာပေယဉ်ကျေးမှု၊ ပညာရပ်ဆိုင်ရာ ဆောင်းပါး၊ ကဗျာ၊ ၀ထ္ထု၊ ကာတွန်း ကဏ္ဍစုံ ထည့်သွင်းပါဝင်ထားကြောင်း သိရသည်။
ထို့အပြင် မဂ္ဂဇင်းတွင် အရှေ့ ပိုးကရင်၊ အနောက်ပိုးကရင်၊ စကောကရင်၊ မြန်မာစာ၊ အင်္ဂလိပ်တို့ဖြင့် ရေးသား ထားပြီး ဧရာဝတီတိုင်း၊ တနင်္သာရီတိုင်း၊ ပဲခူးတိုင်း၊ မွန်ပြည်နယ်နှင့် ကရင်ပြည်နယ် စသည့် ကရင်တိုင်းရင်းသား များရှိသည့် တက္ကသိုလ်များတွင် အဓိကထား ဖြန့်ချိသွားမည်ဖြစ်သည်ဟု ကရင်စာပေနှင့် ယဉ်ကျေးမှု ကော်မတီ (တက္ကသိုလ်များရန်ကုန်)က ဆိုသည်။
ရန်ုကုန် အနောက်ပိုင်းတက္ကသိုလ် ရုက္ခဗေဒ ဘွဲ့ရကျောင်းသူ တစ်ဦးဖြစ်သည့် နော်ငြိမ်းငြိမ်းမော်က “အခုလို တက္ကသိုလ် ကရင်မဂ္ဂဇင်း ထုတ်ဝေမယ်လို့ ကြားသိရတဲ့အတွက် ၀မ်းသာတယ်။ ၀ယ်ယူဖတ်ရှုရန်လည်း ဆန္ဒရှိတယ်။ ဒီမဂ္ဂဇင်း စာအုပ်ထဲမှာ ကိုယ့်လူမျိုးအကြောင်းတွေ ကိုယ်မမီလိုက်တဲ့ အကြောင်းအရာကိုလည်း သိရမယ်”ဟု ကေအိုင်စီသို့ ပြောသည်။
တက္ကသိုလ် ကရင်မဂ္ဂဇင်းကို ၁၉၇၀ခုနှစ်မှ ၁၉၈၁-၈၂ ခုနှစ်အထိ ထုတ်ဝေခဲ့ပြီးနောက် အခြေအနေအမျိုးမျိုး ကြောင့် နှစ်ပေါင်း ၃၀ ကျော် ထုတ်ဝေမှုရပ်နားထားသော်လည်း ကရင်စာပေနှင့် ယဉ်ကျေးမှုကော်မတီ (တက္ကသိုလ်များရန်ကုန်)က ဦးဆောင်၍ ယခုပညာသင်နှစ်မှစတင်ကာ တဖန်ပြန်ပြီး နှစ်စဉ်ပြန်လည်ထုတ်ဝေ သွားမည်ဟု သိရသည်။

Continue Reading...

အသက်ကြီးသူတို့တွင် အတွေ့ရများသော ကျန်းမာရေး အခက်အခဲများ

05 November 2013 
By Good Health
အသက်ကြီးသူတို့တွင် အတွေ့ရများသော ကျန်းမာရေး အခက်အခဲများအစာခြေခြင်း
အသက်ကြီးလာတဲ့အခါမှာ အစာ ခြေစနစ်ရဲ့ လုပ်ငန်းဆောင် တာတွေက နှေးလာတာကြောင့် တံတွေးနဲ့ အစာ အိမ်အက်စစ် အထွက်နည်းကာ ဗီတာမင် B12, B6 ၊ ဖောလစ် အက်စစ်လို တချို့ ဗီ တာမင်နဲ့ သတ္တုဓာတ် တွေကို ရယူတည် ဆောင်နိုင်ဖို့ ပိုခက်ခဲ လာပါတယ်။ ဒီဗီတာ မင်နဲ့ သတåုဓာတ်တွေက စိတ်တက်ကြွ တာ၊ မှတ်Óဏ်ကောင်းတာနဲ့ သွေးလှည့် ပတ်မှု ကောင်းမွန်တာစတဲ့ ကောင်းကျိုး တွေကို ရရှိစေပါတယ်။
ခံတွင်းခြောက်ခြင်း အာခြောက်ခြင်း
အသက်ကြီးလာချိန်မှာ တံတွေးအ ထွက် နည်းပြီး အာခြောက်လာနိုင်ပါ တယ်။ ဒီလို မဖြစ်စေဖို့ ရေ ရှစ်- ၁ဝခွက် ခန့် သောက်ပေးပါ။ အစာတစ်လုပ်စားပြီး တိုင်း ရေသောက်ပေးရင် အစာကို စိုစွတ် စေပြီး အစာကြေညက်အောင် ကူညီပေး နိုင်ပါတယ်။
နာမကျန်းမှု
နာမကျန်းမှုဖြစ်ရင် အသက်ကြီးသူ တွေမှာ အစာစားချင်စိတ်ကို လျော့ကျ စေသလို နာမကျန်းမှုအတွက် ဆေးကုသ မှုခံယူရင်လည်း ဆေးဝါးတွေရဲ့ ဘေးထွက် ဆိုးကျိုးအနေနဲ့ အစာစားချင်စိတ် လျော့ နည်းရတတ်ပါတယ်။ အသက်ကြီးသူတွေ အနေနဲ့ အရသာခံအာရုံက မကောင်းတာ ကြောင့် သူတို့စားတဲ့ အစားအသောက် ထဲကို ဆား၊ သကြားတွေ များများ ထည့် တတ်ပါတယ်။ ဒါက ကျန်းမာရေးအ တွက် သင့်တော်မှုမရှိတာကြောင့် ဆေး ကုသမှု ခံယူနေရရင် ဆေးဝါးတွေရဲ့ ဘေး ထွက်ဆိုးကျိုးကို ဘယ်လိုကျော်လွှားအ နိုင်ယူမလဲဆိုတာကို ဖြေရှင်းသင့်ပါတယ်။
အာဟာရ ချို့တဲ့မှု
အသက်ကြီးသူအများစုက သွား မကောင်းတာ၊ အရသာခံနိုင်စွမ်း လျော့ နည်းတာ၊ အစာခြေစနစ် အားနည်းတာ တို့ကြောင့် အာဟာရချို့တဲ့မှု ဖြစ်တတ်ပါ တယ်။ အသက်ကြီးသူတွေအနေနဲ့ အာ ဟာရချို့တဲ့မှုမဖြစ်စေဖို့ အောက်ပါအ ချက်တွေကို လိုက်နာသင့်ပါတယ်။
- အာဟာရပြည့်ဝတဲ့ အစားအသောက် စားပါ။
- အရသာရှိတဲ့ အစားအသောက်တွေ ပြင်ဆင်ပါ။ - ထမင်းစားချိန်တစ်ချိန်နဲ့ တစ်ချိန်ကြား သရေစာ စားပါ။
- ဖြစ်နိုင်ရင် မိသားစုဝင်တွေနဲ့အတူ စား ပါ။
အိပ်စက်မှု
အသက်ကြီး သူတွေ အနေနဲ့ တစ်နေ့ မှာ အနည်းဆုံး အချိန် ၁ဝနာရီပေးပြီး အိပ် စက် အနားယူသင့် ပါတယ်။ ညဘက်မှာ တစ်ခါတည်း ၁ဝနာရီ ဆက်တိုက် အိပ်မ ပျော်ရင် နေ့ခင်း ဘက်မှာ တစ်ရေးအိပ် ပေးပါ။
ဇွန်
Continue Reading...

ကရင်လူ့အခွင့်အရေးအဖွဲ့ အာရှဒီမိုကရေစီနှင့် လူ့အခွင့်အရေးဆု ချီးမြှင့်ခံရ

2011-06-1mid

နိုဝင်ဘာ ၄ရက်၊ ၂၀၁၃ခုနှစ်။ စဖန်းရှောင်း

ထိုင်ဝမ်နိုင်ငံတွင် အခြေစိုက်သော ထိုင်ဝမ်ဒီမိုကရေစီဖောင်ဒေးရှင်း (Taiwam Foundation For Democracy)က နှစ်စဉ် ချီး မြှင့်နေကျဖြစ်သော ၂၀၁၃ အာရှဒီမိုကရေစီနှင့် လူ့အခွင့်အရေး(Asia Democracy and Human Right Award 2013)ဆုအ တွက် ကရင်လူအခွင့်အရေးရေးအဖွဲ့(KHRG)ကို ရွေးချယ်ချီးမြှင့်လိုက်သည်။
ထိုင်ဝမ်ဒီမိုကရေစီဖောင်ဒေးရှင်းက ယနေ့ နိုဝင်ဘာလ ၄ရက်နေ့တွင် အဆိုပါဆုကို ချီးမြှင့်ကြောင်း ၎င်းတို့၏ ၀က်ဘ်ဆိုက် အွန် လိုင်းစာမျက်နှာတွင် တရားဝင် ကြေငြာလိုက်ခြင်းဖြစ်ပြီး ထိုသို့ဆုချီးမြှင့်ခံရခြင်းနှင့် ပတ်သက်၍ KHRG မှ Program Manager နော်ခူးခူးဂျူးက ကေအိုင်စီသို့ ယခုလို ပြောသည်။
“ကျမတို့ KHRG အနေနဲ့ လူ့အခွင့်အရေးနဲ့ပတ်သက်ပြီး လှုပ်ရှားဆောင်ရွက်နေတာတွေကို ဖောင်ဒေးရှင်းကနေပြီး အခုလို အသိ အမှတ်ပြုပေးတာပါ။ အဲဒီအတွက် ၀မ်းသာဂုဏ်ယူမိပါတယ်။ ရှေ့ဆက်လုပ်ဆောင်မယ့် လုပ်ငန်းတွေမှာလည်း များစွာ အထောက်အကူ ဖြစ်စေပါတယ်။ နောက် လူ့အခွင့်အရေးချိုးဖောက်ခံနေရမှုတွေကို ဆက်လက် ဖော်ထုတ်တင်ပြသွားမယ်။”ဟု နော်ခူးခူးဂျူးက ပြောသည်။
ထို့အပြင် ထိုင်ဝမ်ဒီမိုကရေစီဖောင်ဒေးရှင်း၏ ၀က်ဘ်ဆိုက်စာမျက်နှာတွင်၎င်းတို့အဖွဲ့အနေဖြင့် အာဆီယံဒေသအတွင်း လူ့အခွင့် အရေးလှုပ်ရှားနေသူများ၊ အဖွဲ့အစည်းများအတွက် ယခင်နှစ်များက အာရှဒီမိုကရေစီနှင့် လူ့အခွင့်အရေးဆုကို ရွေးချယ်ချီးမြှင့် လာခဲ့ရာယခု ၂၀၁၃ခုနှစ်အတွက် KHRG က ရွေးချယ်ခံရခြင်းဖြစ်သည်ဟု ဖော်ပြထားသည်။
၎င်းဆုချီးမြှင့်ခံရမှုနှင့် ပတ်သက်၍ ဖားအံခရိုင်၏ ကရင်လူငယ်အစည်းအရုံး(KYO) ဥက္ကဌ စောအယ်ထီးကော်က “KHRG အခုလို ဆုရတာ သူတို့ ရှေ့ဆက်လုပ်ဆောင်ဖို့အတွက် အများကြီး အထောက်အကူဖြစ်ပါတယ်။ အပစ်အခတ် ရပ်စဲရေးနောက်ပိုင်းမှာ လူ့အခွင့်အရေး ချိုးဖောက်မှုရှိနေဆဲမို့ ရှေ့ဆက်လည်း လူမှုအဖွဲ့အစည်းတွေ ပူးပေါင်းလုပ်ဆောင်သွားရမှာပါ။”ဟု ကေအိုင်စီသို့ ပြောသည်။
အဆိုပါဆုကို လာမည့် ဒီဇင်ဘာလ ၁၀ရက်နေ့တွင် ကျရောက်သော အပြည်ပြည်ဆိုင်ရာ လူ့အခွင့်အရေးနေ့တွင် ထိုင်ဝမ်နိုင်ငံ၊ တိုင်ပေမြို့တော် Shangri-La’s Far Eastern Plaza Hotel တွင် ချီးမြှင့်မည်ဖြစ်ပြီး အမေရိကန်ဒေါ်လာ တစ်သိန်းကိုလည်း ဆုကြေးငွေအဖြစ် ချီးမြှင့်မည်ဖြစ်ကြောင်း သိရသည်။
KHRG သည် ၁၉၉၅ ခုနှစ်တွင် ကနေဒါနိုင်ငံက ချီးမြှင့်သော The Peace Fund Canada Honor Award ဆု၊ ၂၀၀၁ခုနှစ်တွင် The Canada-based Science for Peace Award နှင့် ယခုဆု အပါအ၀င် လူ့အခွင့်အရေးလှုပ်ရှားမှုအတွက် နိုင်ငံတကာ အဖွဲ့ အစည်းများမှ ချီးမြှင့်သောဆုများကို သုံးကြိမ် ချီးမြှင့်ခံရပြီး ဖြစ်သည်။
ထိုင်း-မြန်မာနယ်စပ် အခြေစိုက်သည့် KHRG ကို အစိုးရမဟုတ်သော အဖွဲ့အစည်းအနေဖြင့် ၁၉၉၂ခုနှစ်က စတင်ဖွဲ့စည်းခဲ့ပြီး မြန်မာပြည်တွင်းနှင့် နယ်စပ်တစ်လျှောက်ရှိ မြို့နယ်များ၊ ကျေးရွာများအတွင်း နေထိုင်သော ဒေသခံပြည်သူများ၏ လူ့အခွင့်အ ရေး ချိုးဖောက်ခံရမှုများကို သတင်းအချက်အလက်၊ အစီရင်ခံစာများအဖြစ် ဖော်ထုတ်တင်ပြပေးနေသော အဖွဲ့အစည်းတစ်ခု ဖြစ်သည်။

Continue Reading...

တိုင်းရင်းသားလူငယ် အများ အပြားပါဝင်သည့် KNLA ၏ စစ်ဖက်အခြေခံဆေးသင်တန်းပြီးစီး


DSC03889

အောက်တိုဘာ ၃၀ ရက်၊ ၂၀၁၃ ခုနှစ်။ စဖန်းရှောင်း

ကရင်အမျိုးသားလွတ်မြောက်ရေးတပ်မတော်(KNLA) ဗဟိုစစ်ဖက်ဆေးဌာနမှ ဦးစီးဖွင့်လှစ်သော တိုင်းရင်းသား လူငယ် အများအပြားပါဝင်သည့် အချိန်ခြောက်လကြာ အပတ်စဉ် (၂၇)စစ်ဖက်အခြေခံဆေးသင်တန်းကို အောက်တိုဘာ ၂၉ ရက်နေ့က သင်တန်းဆင်းပွဲအခမ်းအနားအတူ ကျင်းပပြီးစီးခဲ့သည်ဟု သိရသည်။
ကရင်ပြည်နယ်အတွင်း ကရင်အမျိုးသားအစည်းအရုံး(KNU)၏ ဖားအံခရိုင်၊ တပ်မဟာ(၇)နယ်မြေရှိ သေ့ဘေ့ ထာ့နေရာတွင် KNLA ဗဟိုစစ်ဖက်ဆေးဌာနက ကရင်အပါအ၀င် ကချင်၊ ကယန်း၊ သျှမ်း၊ ရခိုင်၊ ပလောင်၊ နာဂ စသည့် တိုင်းရင်းသားလူငယ်မောင်မယ် စုစုပေါင်း ၉၅ ဦးအား အဆိုပါ အခြေခံဆေးသင်တန်းကို ဖွင့်လှစ်သင် ကြားပေးခဲ့ခြင်းဖြစ်သည်။
ယခုဖွင့်လှစ်သင်ကြားပေးခဲ့သော စစ်ဖက်အခြေခံ ဆေးသင်တန်းတွင် အခြေခံစစ်သင်တန်း၊ ရှေးဦးသူနာပြု၊ ခန္ဓာဗေဒဆိုင်ရာ အခြေခံသိမှတ်ဖွယ်ရာများ၊ အခြေခံခွဲစိတ်၊ သားဖွားနှင့် အခြေခံဆေးကုသမှုဆိုင်ရာများစသည့် အခြေခံဆေးပညာဘာသာရပ် ၆ မျိုးကို အဓိက သင်ကြားပေးခဲ့သည်ဟု သိရသည်။
KNLA စစ်ဖက် ဆိုင်ရာဗဟိုဆေးဌာနမှ ဌာနမှူး ဗိုလ်မှူးကြီး နော်စေးဒေးကဲက ယခုဆေးသင်တန်းကို တစ်နှစ် လျှင် တစ်ကြိမ်နှုန်းဖြင့် ဖွင့်လှစ်သင်ကြားပေးပြီး ယခုနှစ်အတွက် မေလမှ စတင်၍ လက်ရှိ သင်တန်းပြီးစီးသည် အထိဖြစ်ကာ သင်တန်းဖွင့်လှစ်ရခြင်းနှင့်ပတ်သက်၍ ကေအိုင်စီသို့ ယခုလို ပြောသည်။
“သင်တန်းဖွင့်လှစ်ရတာကတော့ ကျမတို့ကရင်လူမျိုးအတွက်ဆိုရင် စစ်ဖက်ရော၊ အရပ်သားရော ခွဲခြားထား မျိုးမဟုတ်ပဲနဲ့ အထောက်အကူပြုနိုင်အောင် ကိုယ့်ကရင်လူမျိုးတွေမှာ ကျန်းမာရေးနဲ့ ပတ်သက်ပြီး အသိဗဟုသု တတွေ ပြန့်ပွားလာအောင် စတဲ့ရည်ရွယ်ချက်တွေနဲ့ ဖွင့်လှစ်တာပါ။ နောက် ဒီနှစ်ထူးခြားတာက ကိုယ့်နဲ့ ဘ၀တူ တိုင်းရင်းသားတွေ သင်တန်းမှာ ပါဝင်လာနိုင်တာ ၀မ်းသာစရာပါ”ဟု ကေအိုင်စီသို့ပြောသည်။
ထို့အပြင် သင်တန်းတလျှောက်တွင် KNLA ဗဟိုစစ်ဖက်ဆေးဌာနအပြင် နယ်လှည့်ကျောပိုးအိတ်ကျန်းမာရေး လုပ်သားအဖွဲ့(BPHWT)၊ မယ်တော်ဆေးခန်း(MTC)၊ မြန်မာနိုင်ငံဆေးပညာရှင်များအသင်း(BMA)၊ ကရင်ကျန်း မာရေး နှင့်ကယ်ဆယ်ရေးဌာန(KDHW)တို့မှလည်း သင်တန်းတက်ရောက်သူ လူငယ်မောင်မယ်များအား ဆေးပညာနှင့်ပတ်သက်၍ လေ့ကျင့်သင်ကြားပေးခဲ့သည်ဟု သိရသည်။
ယင်းအခြေခံဆေးသင်တန်းတက်ရောက်ခဲ့သူ နော်အေးသီတာက “ခုလိုသင်တန်းမှာ ဆေးပညာအကြောင်း၊ ရောဂါအကြောင်း ဗဟုသုတတွေ ပိုများလာတယ်။ ပြီးတော့ သင်ကြားခဲ့ရသမျှတွေကိုလည်း ကိုယ့်ရပ်ကိုယ် ရွာတွေမှာ တတ်စွမ်းသမျှပြန်လည်အသိပညာပေးဖို့ ရှိပါတယ်”ဟု ကေအိုင်စီသို့ ပြောသည်။
ယမန်နေ့က ပြုလုပ်သော ၎င်းသင်တန်းဆင်းပွဲတွင် ဖားအံခရိုင် ဥက္ကဌ ပဒိုအောင်မော်အေး၊ ဗဟိုစစ်ဌာနချုပ် တွဲဖက်စစ်ရေးချုပ် ဗိုလ်မှူးချုပ်ရှာထုဝေါ်အပါအ၀င် KNU ခရိုင်၊ တပ်မဟာ အသီးသီးမှ စစ်ဖက်အရပ်ဖက်ဆိုင်ရာ ခေါင်းဆောင်များ၊ သင်တန်းသားများနှင့် ဒေသခံများ စုစုပေါင်း ၂၅၀ ကျော် တက်ရောက်ခဲ့ကြသည်။
KNLA ဗဟိုစစ်ဖက်ဆေးဌာနမှ ဦးစီးဖွင့်လှစ်သော အခြေခံဆေးသင်တန်းအပတ်စဉ် (၂၆)ကို ၂၀၁၂ခုနှစ်က KNU ဖာပွန်ခရိုင်၊ တပ်မဟာ (၅) ဟိုကေဒေသတွင် ပြုလုပ်ခဲ့ပြီး လာမည့်အပတ်စဉ်အတွက် ၂၀၁၄ ခုနှစ်၊ မတ်လတွင် ထပ်မံဖွင့်လှစ်သွားမည်ဖြစ်ကြောင်း သိရသည်။

Continue Reading...

အားလုံးအတွက် ငြိမ်းချမ်းရေး လိုလားဟု KNLA ဒုစစ်ဦးစီးချုပ် ထုတ်ဖော်ပြောဆို


DSC02688

အောက်တိုဘာ ၃၀ရက်၊ ၂၀၁၃ခုနှစ်။

မြန်မာနိုင်ငံရှိ တိုင်းရင်းသားအားလုံးအတွက် ငြိမ်းချမ်းရေးနှင့် တန်းတူအခွင့်အရေးရရှိရန် အခြားတိုင်းရင်းသား များနှင့် ရှေ့ဆက်လက်တွဲသွားလိုကြောင်း ကရင်အမျိုးသားအစည်းအရုံး(KNU)၏ ကရင်အမျိုးသားလွတ် မြောက်ရေးတပ်မတော်(KNLA)မှ ဒု-စစ်ဦးစီးချုပ် ဒု-ဗိုလ်ချုပ်ကြီး စောဘောကျော်ဟဲက ထုတ်ဖော်ပြောကြား လိုက်သည်။
ကချင်ပြည်နယ်အတွင်း ကချင်လွတ်မြောက်ရေးအဖွဲ့(KIO)၏ လိုင်ဇာဌာနချုပ်ရှိ ယနေ့ အောက်တိုဘာ ၃၀ ရက်နေ့၊ တိုင်းရင်းသားလူမျိုးများညီလာခံ စတင်ကျင်းပနေချိန်၌ KNLA ဒု-စစ်ဦးစီးချုပ် ဒု-ဗိုလ်ချုပ်ကြီး စောဘောကျော်ဟဲက လက်ရှိ၎င်းနေထိုင်ရာ ကရင်ပြည်နယ်၊ ဖာပွန်ဒေသ KNU တပ်မဟာ(၅)တွင် ယခုလို ပြောကြားလိုက်ခြင်းဖြစ်သည်။
“ဒီညီလာခံကနေ အပေါင်းလက္ခဏာဆောင်မယ့် ရလဒ်တခုခုရရှိလိမ့်မယ်လို့ ကျနော်မျှော်လင့်ပါတယ်။ တိုင်း ရင်းသားလူမျိုးများအားလုံးအနေနဲ့ တူညီတဲ့အသံတစ်သံတည်းထွက်ဖို့ လိုပါတယ်။ ဘာကြောင့်လဲဆိုရင် ကျနော်တို့အားလုံးက တိုင်းပြည်တပြည်ထဲမှာ တန်းတူညီမျှစွာ နေထိုင်သွားကြရမှာ ဖြစ်ပါတယ်”ဟု ဒု-ဗိုလ်ချုပ်ကြီး စောဘောကျော်ဟဲက ပြောသည်။
မြန်မာနိုင်ငံ၏ ငြိမ်းချမ်းရေးဖြစ်စဉ်တစ်ခုလုံးသည် တပြည်လုံးရှိ တိုင်းရင်းသားလူမျိုးများအတွက် မျှတမှုရှိရန် လိုကြောင်းနှင့် ငြိမ်းချမ်းရေးသည် လူတစ်စု၊ နှစ်စုစာမဟုတ်ဘဲ မြန်မာပြည်သူလူထုအားလုံးအတွက် ဖြစ်ကြောင်းလည်း ၎င်းက ဆက်လက်ပြောကြားသည်။
တိုင်းရင်းသားစည်းလုံးညီညွှတ်ရေးအတွက် ရည်ရွယ်၍ KIO လိုင်ဇာဌာနချုပ်၌ ယနေ့ အောက်တိုဘာ ၃၀ရက်မှ နိုဝင်ဘာ ၁ရက်နေ့အထိ သုံးရက်ကြာ ကျင်းပမည့် ၎င်းတိုင်းရင်းသားလူမျိုးများညီလာခံတွင် UNFC အပါအဝင် လက်နက်ကိုင်အဖွဲ့အစည်း ၁၈ဖွဲ့ တက်ရောက်လျှက်ရှိပြီး KNU ကိုယ်အစားလှယ်အဖြစ် ဥက္ကဌ ဗိုလ်ချုပ်ကြီး စောမူတူးစေးဖိုးနှင့် အထွေထွေအတွင်းအရေးမှူး ပဒို စောကွယ်ထူးဝင်းတို့ တက်ရောက်ခဲ့ကြသည်။
KNU ဥက္ကဌ ဗိုလ်ချုပ်ကြီး စောမူတူးစေးဖိုးက “တိုင်းရင်းသားတွေအနေနဲ့ လက်နက်ကိုင်တိုက်ပွဲတွေ တိုက်ခဲ့ပေ မယ့် အဖြေမထွက်ခဲ့ဘူး။ နိုင်ငံရေးပြဿနာဖြစ်လို့ နိုင်ငံရေးနည်းအရပဲ ဖြေရှင်းမှဖြစ်မယ်။ မတူညီတာတွေ ရှိကောင်းရှိနိုင်ပေမယ့် ညီညွတ်ဖို့ အရေးကြီးတယ်။ Unity and diversity ဖြစ်အောင် လုပ်ရမယ်။ အဲဒီလို မဖြစ်လို့ကတော့ အောင်မြင်မှာ မဟုတ်ဘူး”ဟု လိုင်ဇာဌာနချုပ်၌ ယနေ့စတင်ပြုလုပ်သည့် ယင်းညီလာခံတွင် ပြောကြားခဲ့သည်ဟု ဧရာဝတီသတင်းဌာန ၀က်ဘ်ဆိုက်စာမျက်နှာတွင် ဖော်ပြထားသည်။
သို့သော် ယင်းတိုင်းရင်းသားလူမျိုးများညီလာခံတွင် ‘ဝ’ ပြည် သွေးစည်းညီညွှတ်ရေး တပ်မတော်(UWSA)နှင့် ၎င်း၏ မဟာမိတ်အဖွဲ့ဖြစ်သည့် အမျိုးသားဒီမိုကရေစီ မဟာမိတ်တပ်မတော်(NDAA)တို့ တက်ရောက်နိုင်ခြင်း မရှိကြောင်း သိရသည်။
ဆက်လက်၍ ဒု-ဗိုလ်ချုပ်ကြီး စောဘောကျော်ဟဲက ယခုလို သမိုင်းဝင် တိုင်းရင်းသားလူမျိုးများညီလာခံသို့ တက်ရောက်သွားသူ တိုင်းရင်းသားခေါင်းဆောင်အားလုံးအတွက် ၀မ်းသာကြောင်းနှင့် ညီလာခံတွင် အကောင်းဆုံး ဆွေးနွေးသွားကြမည်ဟု မျှော်လင့်ကြောင်း ဖြည့်စွက်ပြောဆိုသည်။
KNLA ဒု-စစ်ဦးစီးချုပ် ဒု-ဗိုလ်ချုပ်ကြီး စောဘောကျော်ဟဲသည် ယခင်က ကရင်ပြည်နယ်၊ ဖာပွန်ဒေသရှိ KNU တပ်မဟာ(၅)၏ တပ်မဟာမှူးဖြစ်ခဲ့ပြီး လက်ရှိ အပစ်အခတ်ရပ်စဲရေးကာလတွင် စည်းရုံးပြောဆိုရန် ခက်ခဲသူတစ်ဦးဟု မြန်မာအစိုးရက ယူဆကြောင်း သတင်းထွက်ပေါ်လျှက်ရှိသည်။

Continue Reading...

စစ်တောင်းမြစ်ရေလျှံ၍ တောင်ငူမြို့ ၀န်းကျင်တွင် ရေကြီး


Thauk Ye Khat Dam

အောက်တိုဘာ ၃၀ ရက်၊ ၂၀၁၃ခုနှစ်။ စောခါးစူးညား

ပဲခူးတိုင်းအတွင်း ကရင်တိုင်းရင်းသားအများဆုံးနေထိုင်ရာဒေသ တောင်ငူ မြို့ အရှေ့ဘက်ခြမ်းဝန်းကျင်၌ စစ်တောင်းမြစ်ရေလျှံသောကြောင့် ယမန်နေ့ အောက်တိုဘာ ၂၉ရက်နေ့က ကမ်းနံဘေးရှိ မြို့နေရပ်ကွက် အချို့နှင့် ရွာအချို့တွင် ရေများတက်လာလျှက်ရှိသည်။
ထိုဒေသအတွင်းရှိ စစ်တောင်းမြစ်ရေလျှံမှု မဖြစ်ပွားမီ ရက်ပိုင်းအတွင်း၌ မိုးရွာသွန်းမှုများရှိခဲ့သော်လည်း မိုးမရွာဘဲ မြစ်ရေလျှံမှုဖြစ်ပွားသည့် ယမန်နေ့နှင့် ယနေ့တွင် ရေများတဖြည်းဖြည်းတက်လာကာ တောင်ငူမြို့၏ ရပ်ကွက် (၁၉)၊ (၂၀)နှင့် စစ်တောင်းမြစ် အရှေ့ဘက်ကမ်းရှိ မိုးကောင်း၊ အင်းဝိုင်း၊ သာယာကုန်း၊ အစ္စတု၊ ကသဲစု အပါအ၀င် အခြားကျေးရွာအချို့ ရေကြီးမှုဖြစ်ပွားနေခြင်းဖြစ်သည်။
တောင်ငူမြို့ ရပ်ကွက်(၁၉)မှ ကျောင်းဆရာတစ်ဦးဖြစ်သူ စောဒို့ထူးက “စစ်တောင်းမြစ်ရေလျှံတာဟာ အထက် က ဆည်တွေရေဖောက်ချလို့ ကျနော်တို့ ကြားတယ်။ ကျနော်တို့နေတဲ့ ရပ်ကွက်က မြစ်နဲ့ နီးတော့ အခုမြစ်ရေ လျှံလို့ ရပ်ကွက်ထဲ ရေ၀င်တာ မြေအနိမ့်အမြင့်ပေါ်မူတည်ပြီး တစ်တောင်ကနေ သုံးတောင်ကျော်အထိ ရှိတယ်” ဟု ကေအိုင်စီသို့ ပြောသည်။
တောင်ငူမြို့အနီးရှိ စစ်တောင်းမြစ်အထက်တွင် မြန်မာအစိုးရနှင့် စီးပွားရေးကုမ္ပဏီများပူးပေါင်း၍ ဒေသဖွံ့ဖြိုး ရေးအတွက် လျှပ်စစ်မီးရရှိရန်ရည်ရွယ်၍ သောက်ရေခပ်၊ ပေါင်းလောင်း၊ ဆွာချောင်းနှင့် ပတိ စသည့် ဆည်များ တည်ဆောက်ထားလျှက်ရှိသည်။
လက်ရှိ တောင်ငူမြို့ဝန်းကျင် ရေကြီးသည့်နေရာများတွင် နေထိုင်သည့် ဒေသခံများသည် နေအိမ်စွန့်၍ တိမ်းရှောင်နေရသည့် အခြေအနေထိ မရှိသော်လည်း ၎င်းတို့မွေးမြူသည့် ကျွဲ၊ နွား၊ ၀က်၊ ကြက်၊ ဘဲ စသည့် တိရစ္ဆာန်များကို ကုန်းမြင့်ပိုင်းသို့ သယ်ယူခေါ်ဆောင်နေကြရသည်ဟု သိရသည်။
တောင်ငူမြို့ရှိ ရပ်မိရပ်ဖတစ်ဦးဖြစ်သူ စောဆဲဆဲက “ဒီမိုးရာသီအကုန်မှာ ပြီးခဲ့တဲ့ရက်ပိုင်းအတွင်း အခါလွန် မိုးရွာတာရှိတယ်။ မြစ်ရေလျှံလို့ မနေ့က စတက်လာတဲ့ရေတွေဟာ ကနေ့အထိ တဖြည်းဖြည်းနဲ့ ထပ်တက်လာ တုန်းပဲ။ ရေက မြန်မြန်တက်လာတာ မဟုတ်တော့ လူတွေက မပြောင်းရွှေ့ကြသေးဘဲ အခြေအနေစောင့်ကြည့် နေကြတယ်”ဟု ကေအိုင်စီသို့ ပြောဆိုသည်။
စစ်တောင်းမြစ်ရေလျှံ၍ ရွာအချို့နှင့် တောင်ငူမြို့နေရပ်ကွက်အချို့အတွင်းသို့ ရေတက်လာခြင်းအခြေအနေနှင့် ပတ်သက်၍ တောင်ငူမြို့ရှိ အစိုးရအာဏာပိုင်များက တစုံတရာထုတ်ဖော်ပြောဆိုမှုများ မရှိသေးကြောင်း သိရသည်။
ယခုနှစ် မိုးရာသီအတွင်း တောင်ငူမြို့တွင် ရေကြီးမှုများမရှိဘဲ ယခုလို မိုးရာသီကုန်ပိုင်းမှသာ စစ်တောင်းမြစ်ရေ လျှံ၍ ရေကြီးမှုဖြစ်ပေါ်နေခြင်းဖြစ်သည်။ ပြီးခဲ့သည့် ၂၀၁၂ခုနှစ်၊ ဇူလိုင်လနှင့် သြဂုတ်လ မိုးရာသီအတွင်း၌ လည်း တောင်ငူမြို့နှင့် အနီးအနားဝန်းကျင်ရွာများတွင် စစ်တောင်းမြစ်ရေလျှံ၍ ယခုထက် ကြီးမားသည့် ရေကြီး မှုဖြစ်ပေါ်ခဲ့သေးသည်။

Continue Reading...

KUPC ၏ ငြိမ်းချမ်းရေးဆိုင်ရာ လူထုတွေ့ဆုံပွဲ ကရင်အဖွဲ့အစည်းပေါင်းစုံ တက်ရောက်


IMG_1640

အောက်တိုဘာ ၂၆ရက်။ ၂၀၁၃ခုနှစ်။ စောသိန်းမြင့်

ကရင်အမျိုးသား စည်းလုံးညီညွတ်ရေးနှင့် ငြိမ်းချမ်းရေး ကော်မတီ(KUPC)မှ ကြီးမှူးပြီး ကရင်အမျိုးသား စည်းလုံးညီညွတ်ရေးနှင့် ငြိမ်းချမ်းရေးဆိုင်ရာလူထုတွေ့ဆုံပွဲတစ်ရပ်ကို ယနေ့၌ ကရင်ပြည်နယ်၊ မြ၀တီမြို့၊ သောင်ရင်းခန်းမတွင် ကျင်းပကာ ကရင်အမျိုးသားအဖွဲ့အစည်း ပေါင်းစုံတက်ရောက်ခဲ့ကြသည်။
တွေ့ဆုံပွဲတွင် ကရင်လက်နက်ကိုင်တပ်ဖွဲ့များမှ ကိုယ်စားလှယ်ခေါင်းဆောင်များ၊ ဘာသာရေးဆိုင်ရာ ပုဂ္ဂိုလ် များ၊ ကရင်လွှတ်တော်အမတ်များ၊ ကရင်တိုင်းရင်းသားရေးရာ ၀န်ကြီးများ၊ ကရင်ပြည်နယ်အစိုးရမှ ကရင်ဝန် ကြီးများ၊ ကော့ကရိတ်၊ ကြားအင်းဆိပ်ကြီး၊ လှိုင်းဘွဲ၊ မြ၀တီ၊ သံတောင် ကျောက်ကြီး စသည့်မြို့နယ်များမှ ဒေသခံ ကိုယ်စားလှယ်များနှင့် ထိုင်းနိုင်ငံရောက် ကရင်အမျိုးသား ကိုယ်စားလှယ်များအပါအ၀င် စုစုပေါင်း ၅၀၀ကျော် တက်ရောက်ခဲ့ကြခြင်းဖြစ်သည်။
၎င်းတွေ့ဆုံပွဲသို့ တက်ရောက်သည့် ကရင်အမျိုးသားအစည်းအရုံး(KNU) ပြည်ထဲရေးနှင့် သာသနာရေး တာဝန် ခံ ပဒိုစောအားတိုးက “အမျိုးသားပြန်လည်ရင်ကြားစေ့ရေး၊ ညီလုံးညီညွတ်ရေးဆိုတာ သဘောထားမှန်ဖို့လို တယ်။ တစ်ဦးနဲ့တစ်ဦး၊ တစ်ဖွဲ့နဲ့တစ်ဖွဲ့သီးခံခွင့်လွတ်ကြဖို့ လိုတယ်။ အပေါ်ယံ အထင်မှားပြီး စည်းလုံးညီညွတ်ဖို့ မဖြစ်နိုင်ဘူး။ ဒီကနေ့ကစပြီး ကရင်တစ်မျိုးသားလုံး စည်းလုံးညီညွတ်မှုကို ဦးတည်ပြီးတော့ လုပ်ကြပါလို့ ကျနော်ပြောလိုပါတယ်”ဟု ပြောသည်။
နံနက် ၉ နာရီမှ ညနေ ၃နာရီခွဲအထိ ပြုလုပ်သည့် ယင်းတွေ့ဆုံပွဲတွင် ကရင်တော်လှန်ရေးသမိုင်း၊ ကရင် လက်နက်ကိုင်အဖွဲ့များ၏ အခြေအနေနှင့် ကရင်ငြိမ်းချမ်းရေးဖော်ဆောင်မှု ဖြစ်စဉ်နှင့် ရှေ့လုပ်ငန်းစဉ်များကို ရှင်းလင်းတင်ပြသကဲ့သို့ လက်ရှိမြန်မာ့နိုင်ငံရေးအခြေအနေ၊ ကရင်နိုင်ငံရေးပါတီ၏ အခြေအနေနှင့် ကရင်စည်းလုံးရေးနှင့် ငြိမ်းချမ်းရေးအတွက် (KUPC)၏ ကြိုးပမ်းမှုများကို တင်ပြခဲ့ကြသည်။
ထို့အပြင် တွေ့ဆုံပွဲသို့ တက်ရောက်လာသည့် ကိုယ်စားလှယ်များ၏ အမြင်သဘောထား ဆန္ဒနှင့် အကြံပြုချက် များကို တင်ပြဆွေးနွေး၊ မေးမြန်းမှုများကို သက်ဆိုင်ရာအဖွဲ့အစည်း၊ ပါတီခေါင်းဆောင်များမှ ရှင်းလင်းဖြေ ကြားခဲ့ကြသည်။
ကရင်နယ်ခြားစောင့်တပ်၏ အကြံပေးအရာရှိ တစ်ဦးဖြစ်သူ ဒေါက်တာစောဌေးမြင့်က“ KUPC ကို ဖွဲ့စည်း ကတည်းက ကျနော်တို့ BGF က သုံးဦးပါဝင်တယ်။ အဲဒီတော့ နိုင်ငံတော်က ချမှတ်ထားတဲ့ အခြေခံ ဥပဒေ နဲ့အညီ ကိုယ်ပြည်သူတွေကို စောင့်ရှောက်နိုင်သလောက်၊ ငြိမ်းချမ်းရေးအတွက် ပံ့ပိုးနိုင်သလောက် ပါဝင်တာဖြစ်တယ်။ ကျနော်တို့သည် ကရင်အမျိုးသားများဖြစ်တယ်။ ကရင်အမျိုးသားများ၏ ငြိမ်းချမ်းမှု ၊ တိုးတက်မှုဟာ ကျနော်တို့ တာဝန်ဖြစ်တယ်။ ဒါကြောင့်မို့လို့ ပါဝင်တာဖြစ်တယ်”ဟု ကေအိုင်စီသို့ ပြောသည်။
တဆက်တည်းမှာပင် ယနေ့တွေ့ဆုံပွဲတွင် ကရင်အမျိုးသားစည်းလုံးညီညွတ်ရေးအတွက် တစ်ခုတည်းသော ကရင့်အလံတော်အောက်တွင် ကရင်ဟူသော မျိုးချစ်စိတ်ဓာတ်ဖြင့် မျိုးနွယ်စုအရ၊ ကိုးကွယ်မှုအရ၊ ကျား မကွဲ ပြားမှုအရ ဘာသာစကား၊ စာပေ ယဉ်ကျေးမှုထုံးတမ်းအရ ခွဲခြားဆက်ဆံမှု၊ ဖိနှိပ်မှု မရှိစေရန် လုံးဝလိုအပ် ကြောင်းနှင့် ကရင့်လက်နက်ကိုင်များ ညီညွတ်ရေးအတွက် ကရင်အမျိုးသားအကျိုးစီးပွားရှေ့ ရှုကာကွယ်သော စောဘဦးကြီး မူလေးချက်ကို လက်ကိုင်ပြုသော ကရင့်အမျိုးသားတပ်မတော် ဖြစ်ရန် တည်ဆောက်ရမည် အပါအ၀င် သဘောထား ၅ချက်ကို ရယူနိုင်ခဲ့သည်ဟု သိရသည်။
ဒီကေဘီအေကိုယ်စားလှယ်အဖြစ်တက်ရောက်လာသူ ဗိုလ်မှူး စောဝိထူးက“ကျနော်တို့ ကရင်လူမျိုး အားလုံးရဲ့ ရည်မှန်းချက်ပန်းတိုင်ဟာ အတူတူပါပဲ။ ကျနော်တို့တွေ အဖွဲ့တွေကွဲနေကြပေမယ့်လည်း ကျနော်တို့ လျှောက် နေတဲ့လမ်းဟာ တစ်လမ်းတည်းဖြစ်သလို ရည်ရွယ်ချက်လည်း အတူတူပါပဲ။ ကျနော်တို့ ကိုယ့်ကိုယ်ကို ကရင်မှန်းသိရင် သူ့အလိုလို အဆင်ပြေသွားမှာပါ”ဟု ပြောသည်။
ယနေ့တွေ့ဆုံပွဲတွင် KNU မှ ဗဟိုကော်မတီဝင် ပဒိုမန်းငြိမ်းမောင်၊ ပဒိုစောအားတိုး၊ ပဒိုစောသမိန်ထွန်း၊ ကရင် နယ်ခြားစောင့်တပ်မှ အကြံပေးပုဂ္ဂိုလ် ဒေါက်တာစောဌေးမြင့်၊ BGF အမှတ် ၁၀၂၂တပ်မှူး၊ ဗိုလ်မှူး မုတ်သုန်၊ DKBA ကိုယ်စားလှယ် ဗိုလ်မှူး စောဝိထူး၊ KNU/KNLA-PC ကိုယ်စားလှယ် ဗိုလ်ကြီး စောနေစိုးမြ စသည့် ကရင် လက်နက်ကိုင်အဖွဲ့အစည်းများမှ ကိုယ်စားလှယ်များက တက်ရောက်ခဲ့ကြသည်။
IMG_1338
၎င်းအပြင် ပဲခူးတိုင်း ကရင်တိုင်းရင်းသားရေးရာ ၀န်ကြီး စောဂျူးပလီစံလှ၊ မွန်ပြည်နယ် တိုင်းရင်းသားရေးရာ ၀န်ကြီး စောအောင်ကျော်မင်း၊ ကရင်ပြည်နယ်အစိုးရ သတ္တုတွင်းဝန်ကြီး စောဆာ့လော်လာ ဖလုံ-စဝေါ်ဒီမို ကရက်တီပါတီ ဒု-ဥက္ကဌ မန်းအောင်ပြည်စိုးတို့ ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ မြ၀တီ မဲဆန္ဒနယ်အမှတ် (၁) လွှတ်တော်အမတ် ဦးစောချစ်လှိုင် စသည့် ကရင်ဝန်ကြီးများနှင့် နိုင်ရေးပါတီခေါင်း ဆောင်တို့လည်း တက်ရောက်ခဲ့ကြသည်။
ကရင်အမျိုးသား အဖွဲ့အစည်းပေါင်းစုံပါဝင်သော KUPC ကို ပြီးခဲ့သည့် ၂၀၁၃ခုနှစ်၊ မတ်လ ၂၉-၃၀ရက်နေ့တွင် ကရင်ပြည်နယ်၊ ဘားအံမြို့၊ ဇွဲကပင်ခန်းမ၌ ကျင်းပပြုလုပ်သည့် ကရင်ရေးရာအစည်းအဝေးတွင် ကော်မတီဝင် ၃၇ဖြင့် စတင်ဖွဲ့စည်းခဲ့ပြီး ၂၀၁၃ခုနှစ် မေလ ၁၈-၁၉ရက်နေ့တွင် ရန်ကုန်မြို့ ရွှေသံလွင်ကွန်ဒို (Hope International) သင်တန်းခန်းမ၌ ထပ်မံ ကျင်းပပြုလုပ်သည့် အစည်းအဝေးတွင် အဖွဲ့ဝင် ၅၄ဦးဖြင့် တိုးချဲ့ဖွဲ့ စည်းခဲ့သည်။
ကရင်တစ်မျိုးသားလုံး စည်းလုံးညီညွတ်ရေး၊ ငြိမ်းချမ်းပျော်ရွှင်ရေးနှင့် ကရင့်အနာဂါတ် သာယာလှပရေးကို ရည်ရွယ်၍ ကျင်းပပြုလုပ်သည့် ကရင်စည်းလုံးရေးနှင့် ငြိမ်းချမ်းရေးဆိုင်ရာ လူထုတွေ့ဆုံပွဲကို လှိုင်းဘွဲမြို့နယ် ၊ ဘားအံမြို့နယ်၊ သထုံမြို့၊ ပဲခူးမြို့၊ ထားဝယ်မြို့နှင့် မြိတ်မြို့တို့တွင် ကျင်းပပြီးစီးခဲ့ပြီးဖြစ်သည်။

Continue Reading...

ကလေးများ၏ မျှော်လင့်ချက်ခေါင်း စဉ်ဖြင့်KSNG ပန်းချီပြပွဲပြုလုပ်

P1000569

အောက်တိုဘာ ၂၆ရက်၊ ၂၀၁၃ခုနှစ်။ စောခါးစူးညား

မြန်မာပြည်တွင်း၌ အကူအညီလိုအပ်သော ကရင်ဒေသအတွင်း ကလေးငယ်အချို့အား ကူညီထောက်ပံ့မှုပေးရန် ရည်ရွယ်၍ ကရင်ကျောင်းသားများကွန်ယက်အဖွဲ့(KSNG)မှ ရန်ပုံငွေရှာသည့်အနေဖြင့် ကလေးများ၏ မျှော်လင့်ချက်(Children’s Hope)အမည်ရှိ ပန်းချီပြပွဲတစ်ရပ်ကို ထိုင်းနိုင်ငံ မဲဆောက်မြို့တွင် ယမန်နေ့က ပြုလုပ်ကျင်းပခဲ့သည်။
မြန်မာပြည်တွင်းရှိ လက်ရှိကလေးများ၏ ကြုံတွေ့ခံစားနေရသော အခြေအနေများကို အများဆုံးပုံဖော်ထား သည့် ပန်းချီကားပေါင်း ၅၈ ချပ်ကို ချိတ်ဆွဲပြသထားပြီး ယင်းပန်းချီကားများမှာ တစ်ချပ်လျှင် ထိုင်းဘတ်ငွေ တန်ဖိုးဖြင့် ၁၀၀၀ ကျော်မှ ၄၀၀၀ အထိ ရောင်းချလျှက်ရှိကြောင်း သိရသည်။
KSNG ၏ ဒုဥက္ကဌ နော်ဗစ်တိုးရီးယားဘောက “ဒီပန်းချီပြပွဲကတော့ ကျမတို့ KSNG ရဲ့ လှုပ်ရှားမှု ဘယ်လိုရှိလဲ ဆိုတာ ပြသတာဖြစ်တယ်။ နောက်တခုက ဒီနှစ်အတွက် ပန်းချီပြပွဲအမည်ကို ကလေးများရဲ့ မျှော်လင့်ချက် ခေါင်းစဉ်နဲ့ ပေးရတာ ပြည်တွင်းမှာ လက်ရှိကလေးတွေ ကြုံတွေခံစားနေရတဲ့ ဘ၀တွေ ကို ကျမတို့ ပန်းချီနဲ့ ဖော်ထုတ်ပြသလိုက်တာ ဖြစ်ပါတယ်”ဟု ကေအိုင်စီသို့ ပြောသည်။
အဆိုပါ ပန်းချီပြပွဲ၌ ပြသချိတ်ဆွဲထားသည့် ပန်းချီးကားများမှာ KSNG အဖွဲ့ဝင်အပါအ၀င် ထိုင်း-မြန်မာနယ်စပ် ဒုက္ခသည်စခန်းများရှိ ကရင်လူငယ်ပန်းချီဆရာများနှင့် မဲဆောက်မြို့ရှိ ကချင်နှင့် ချင်း တိုင်းရင်းသားလူငယ် ပန်းချီဆရာ တစ်ဦးစီ ပါဝင်အားဖြည့်ကာ စုစုပေါင်း ပန်းချီဆရာ ၇ဦးဖြင့် ရေးဆွဲခဲ့ခြင်းဖြစ်သည်။
ပန်းချီပြပွဲတွင် ဦးဆောင်ပါဝင်ခဲ့သူ KSNG အဖွဲ့ဝင် စောကျောခယ်က “ဒီနှစ် ကျနော်တို့ ပန်းချီပြပွဲမှာ အခြား တိုင်းရင်းသားလူငယ်တွေလည်း ပါဝင်ရေးဆွဲတဲ့အတွက် ထူးခြားတယ်။ ကျနော်တို့ ဆွဲတဲ့ပန်းချီတွေကတော့ အထူးသဖြင့် မြန်မာပြည်တွင်းက အိုင်ဒီပီ(ပြည်တွင်းဌာနေမဲ့ဒုက္ခသည်)တွေရဲ့ ကလေးပုံတွေ ဓါတ်ပုံနဲ့ ရိုက်ယူ ပြီး ပန်းချီအဖြစ်နဲ့ ပြန်လည်ဆွဲယူတာဖြစ်ပါတယ်”ဟု ပြောဆိုသည်။
P1000564
ဆက်လက်၍ ပန်းချီပြပွဲတွင် ကိုယ်တိုင်ပါဝင်ရေးဆွဲခွင့်ရသူ ကချင်တိုင်းရင်သား လူငယ်တစ်ဦးဖြစ်သူ ကိုလဆမ် က “ဒီ KSNG ပန်းချီပြပွဲမှာ ပါဝင်ရေးဆွဲခွင့်ရတာ ပထမဆုံးအကြိမ်ပါ။ အခုလို ပါဝင်ရေးဆွဲခွင့်ရတဲ့အတွက် တိုင်းရင်းသားလူငယ်တွေ အချင်းချင်းကြားမှာ ရင်းနှီးမှုတွေ ပိုရလာတယ်။ အခွင့်အရေးရမယ်ဆိုရင် ကိုယ့်ကချင် ဒေသမှာလည်း ကိုယ်တတ်သလောက် ပန်းချီပညာနဲ့ ပြန်ဝေမျှနိုင်ဖို့ မျှော်လင့်တယ်”ဟု ပြောသည်။
KSNG သည် ပန်းချီပြပွဲကို တစ်နှစ်တစ်ကြိမ် ကျင်းပလာခဲ့ရာ ယခုအကြိမ်နှင့်ဆိုလျှင် လေးကြိမ်မြောက်ရှိပြီဖြစ် သော်လည်း ၎င်းတို့ပန်းချီပြပွဲတွင် အခြားတိုင်းရင်းသားလူငယ်များကို ပန်းချီရေးဆွဲရန် ဖိတ်ခေါ်သည်မှာ ပထမ ဆုံးအကြိမ်ဖြစ်ကြောင်း သိရသည်။
ယခုနှစ်အတွက် ပြုလုပ်သည့် KSNG ၏ ပန်းချီပြပွဲတွင် မဲဆောက်ရှိ ကရင်ကျောင်းသားလူငယ်များ၊ ကရင် လူမှုအသိုင်းအ၀ိုင်းများ၊ အစိုးရမဟုတ်သော အဖွဲ့(NGO)များ စုစုပေါင်း လူ ၅၀ ခန့် တက်ရောက်အားပေး ကြည့်ရှုခဲ့ကြသည်။
ထိုင်း-မြန်မာနယ်စပ်ရှိ ဒုက္ခသည်စခန်းများအပါအ၀င် ပြည်တွင်းနှင့် ပြည်ပတွင် နေထိုင်ကြသော ကရင်ကျောင်း သူကျောင်းသားများ တဖွဲ့နှင့်တဖွဲ့ဆက်သွယ်ကာ ၎င်းတို့၏ အတွေ့အကြုံ ဗဟုသုတများကို ဝေငှကြရန် ရည် ရွယ်၍ KSNG ကို ၁၉၉၆ ခုနှစ်၊ ဇူလိုင်လ ၆ရက်နေ့၌ မယ်လဒုက္ခသည်စခန်းတွင် စတင်ဖွဲ့စည်းခဲ့သည်။


Continue Reading...

အမျိုးသမီး အခွင့်အရေး အတွက် လှုပ်ရှားသူ ၃ဦး ဆုချီးမြှင့်ခံရ

နောက်ဆုံးရေးသားချိန် 25 October 2013, 12:01 AEST

အမျိုးသမီးအခွင့်အရေးတွေနဲ့ ​ဘ၀ရပ်တည်ချက် ​မြင့်မားလာဖို့အတွက် ​လုပ်ဆောင်ချက်တွေကို ​အသိအမှတ်ပြုတဲ့အနေနဲ့ ​မြန်မာ ​အမျိုးသမီးတစ်ဦးအပါအ၀င် ​အမျိုးသမီး ​၃ ​ဦးကို ​အမျိုးသမီးများ ​အတွက် ​ကမ္ဘာ့ ​ရံပုံငွေအဖွဲ့ ​ခေါ် ​Global ​Fund ​for ​Women’s ​ကနေ ​အောက်တိုဘာလ ​၃၀ရက်နေ့ကျရင် ​ဂုဏ်ပြုဆုချီးမြှင့်မယ်လို့ ​ဆိုပါတယ်။
Honoring ​the ​Extraordinary ​Leadership ​of ​our ​Grantee ​Partners ​လို့ခေါ်တဲ့ ​ကျွန်ုပ်တို့ ​ယုံကြည်ရတဲ့ ​လုပ်ဖော်ကိုင်ဖက်တွေရဲ့ ​ထူးခြားတဲ့ ​ခေါင်းဆောင်မှု ​ဂုဏ်ပြုဆုကို ​မြန်မာနိုင်ငံက ​အမျိုးသမီးခေါင်းဆောင်တစ်ဦး ​Colombia ​နိုင်ငံက ​အမျိုးသမီးခေါင်းဆောင်တစ်ဦးနဲ့ ​နိုင်ဂျီးရီးယား ​နိုင်ငံက ​အမျိုးခေါင်းဆောင်တစ်ဦး ​အားလုံး ​သုံးယောက်ကို ​ရွေးချယ်ပြီး ​ဆုချီးမြှင့်မှာဖြစ်ပါတယ်။
မြန်မာနိုင်ငံအမျိုးသမီးအနေနဲ့ ​ဆုရရှိတဲ့ ​ဒေါ်တင်တင်ညိုဟာ ​အမျိုးသမီးများအဖွဲ့ချူပ် ​(မြန်မာနိုင်ငံ) ​WLB ​အဖွဲ့က ​အထွေထွေ ​အတွင်းရေးမှူးဖြစ်ပါတယ်။
ဒီဂုဏ်ပြုဆုကို ​အမေရိကန်နိုင်ငံ ​San ​Fransisco ​မြို့မှာကျင်းပမှာဖြစ်ပြီးတော့ ​သူတို့အဖွဲ့ရဲ့ ​၂၅ ​ကြိမ်မြောက် ​နှစ်ပတ်လည်နေ့ဖြစ်တဲ့ ​25th ​Gala ​Anniversary ​အခမ်းအနားမှာ ​ပေးအပ်မှာဖြစ်တယ်လို့ ​ဂုဏ်ပြုဆုရွေးချယ်ခံခဲ့ရတဲ့ ​WLB ​က ​အထွေထွေ ​အတွင်းရေးမှူး ​ဒေါ်တင်တင်ညို ​က ​ပြောပါတယ်။
ဂုဏ်ပြုဆုသွားရောက်လက်ခံရယူဖို့အတွက် ​ထိုင်းနိုင်ငံကနေ ​အောက်တိုဘာ ​၂၈ ​ရက်နေ့မှာ ​ထွက်ခွါဖို့ ​စီစဉ်ထားပြီး ​အခုလိုဆုရရှိတဲ့အတွက် ​အမျိုးသမီးတွေအတွက် ​အားတစ်ခု ​ဖြစ်စေတယ်လို့လည်း ​ဒေါ်တင်တင်ညို ​က ​ဆက်ပြောပါတယ်။
Global ​Fund ​for ​Women’s ​အဖွဲ့ဟာ ​ထူးချွန်တဲ့ ​အမျိုးသမီးခေါင်းဆောင်တွေကို ​၅ ​နှစ်တစ်ကြိမ် ​ရွေးချယ်ပြီး ​ဂုဏ်ပြုဆုတွေပေးအပ်တဲ့အဖွဲ့ ​ဖြစ်တဲ့အကြောင်း ​ရေဒီယို ​သြစတြေးလျ ​သတင်းထောက် ​သန်းကျော်စိုးက ​သတင်းပေးပို့ထားတာဖြစ်ပါတယ်။
 http://www.radioaustralia.net.au/burmese/2013-10-25/1209936

Continue Reading...

ထိုင်းမြန်မာကြား ဗီဇာမလိုဘဲ ရက်တိုခရီးသွားခွင့်ပြု

ရေးသားချိန် 23 October 2013, 12:25 AEST

မြန်မာနဲ့ ​ထိုင်းနိုင်ငံတို့ကြား ​လေကြောင်းနဲ့ ​ခရီးသွားလာမယ့် ​ထိုင်းနဲ့မြန်မာနိုင်ငံသားတွေအနေနဲ့ ​ဗီဇာ ​မလိုအပ်တော့ဘူးလို့ ​သိရပါတယ်။
နှစ်နိုင်ငံ ​နိုင်ငံသားတွေအနေနဲ့ ​လေကြောင်းနဲ့ ​ခရီးသွားတဲ့အခါမှာ ​ဗီဇာမလိုအပ်ပဲနဲ့ ​၁၄ရက်ကြာ ​နေထိုင်ခွင့်ပေးသွားမှာဖြစ်တယ်လို့ ​ထိုင်းနိုင်ငံဝန်ကြီးအဖွဲ့က ​မနေ့ကပြုလုပ်တဲ့ ​ဆွေးနွေးပွဲမှာ ​သဘောတူညီမှုရခဲ့ကြတာဖြစ်ပါတယ်။
ဒီသဘောတူညီမှုဟာ ​နှစ်နိုင်ငံ ​အစိုးရအဖွဲ့က ​သက်ဆိုင်ရာဝန်ကြီးတွေ ​လက်မှတ်ထိုးပြီးရင်တော့ ​စတင် ​အသက်ဝင်လာမှာဖြစ်တယ်လို့ ​ဘန်ကောက်ပို့စ်သတင်းစာမှာ ​ဖော်ပြထားပါတယ်။ ​ဒါပေမယ့် ​လက်မှတ်ထိုးမယ့်ရက်ကိုတော့ ​သတ်မှတ်တာမရှိသေးဘူးလို့ ​ဆိုပါတယ်။
မြန်မာနဲ့ ​ထိုင်းနိုင်ငံသားတွေအနေနဲ့ ​ဗီဇာမလိုအပ်ပဲ ​၀င်ထွက်လို့ရတဲ့လမ်းကြောင်း ​၂၃ခုကို ​သတ်မှတ်ပေးထားတယ်လို့ ​ထိုင်းနိုင်ငံက ​အစိုးရပြောရေးဆိုခွင့်ရှိသူ ​Teerat ​Ratanasevi ​က ​ပြောပါတယ်။
အဲဒီ ​၀င်ထွက်လို့ရတဲ့ ​လမ်းကြောင်း ​၂၃ခုထဲမှာ ​Suvarnabhumi, ​Don ​Mueang, ​Mae ​Hong ​Son, ​Chiang ​Mai, ​Chiang ​Rai, ​Phuket, ​Mae ​Sot, ​Narathiwat ​နဲ့ ​Ranong ​လေဆိပ်တွေလည်း ​ပါဝင်ပါတယ်။
ဒီလို ​ဗီဇာမလိုအပ်ပဲ ​သွားလာခွင့်ပေးတာဟာ ​နယ်စပ်ဂိတ်ကနေဖြတ်ကျော်သွားလာနေတဲ့ ​ခရီးသည်တွေမပါဝင်ဘူးလို့ ​ဆိုပါတယ်။
အခုလို ​ဗီဇာ ​မလိုအပ်ပဲနဲ့ ​နှစ်နိုင်ငံ ​နိုင်ငံသားတွေကို ​လေကြောင်းခရီးက ​နေ ​ရက်တိုသွားလာခွင့်ပေးရတဲ့ ​အကြောင်းအရင်းကိုတော့ ​ထိုင်းနိုင်ငံအစိုးရအနေနဲ့ ​ပြောဆိုထားခြင်း ​မရှိဘူးလို့ ​သိရပါတယ်။
 http://www.radioaustralia.net.au/burmese/2013-10-23/1208736

Continue Reading...

တိုင်းရင်းသားဘာသာစာပေဖြင့် ၀တ္ထုတိုရေးနည်းအလုပ်ရုံ ဆွေးနွေးပွဲ ဖားအံတွင် ကျင်းပ

(Photo-KIC)  တိုင်းရင်းသားဘာသာစာပေဖြင့် ၀တ္ထုတိုရေးနည်း အလုပ်ရုံဆွေးနွေးပွဲမှတ်တမ်းပုံ
(Photo-KIC) တိုင်းရင်းသားဘာသာစာပေဖြင့် ၀တ္ထုတိုရေးနည်း အလုပ်ရုံဆွေးနွေးပွဲမှတ်တမ်းပုံ

အောက်တိုဘာ ၂၃ရက်၊၂၀၁၃ခုနှစ်။ စောညွှန့်သောင်း

တိုင်းရင်းသားဘာသာစာပေဖြင့် ၀တ္ထုတိုရေးသားနည်းအတွက် Hidden words Hidden world ခေါင်းစဉ် ဖြင့် အလုပ်ရုံဆွေးနွေးပွဲကို ကရင်ပြည်နယ်၊ ဖားအံမြို့ရှိ Millennium Centre တွင် အောက်တိုဘာ ၂၁ မှ ၂၅ ရက်နေ့အထိ ပြုလုပ်ကျင်းပသွားမည်ဖြစ်သည်။
မြို့ခံကရင်စာရေးဆရာများနှင့် ကရင်စာပေယဉ် ကျေးမှုအဖွဲ့တို့၏ ၀ိုင်းဝန်းကူညီပြီး British Council မှ ဦးစီး သည့် ယင်းအလုပ်ရုံဆွေးနွေးပွဲတွင် ဒေသခံတိုင်းရင်းသားစာပေများကို ဖော်ထုတ်နိုင်ရန် မိမိတို့စာပေယဉ်ကျေး မှုဖြင့် ၀တ္ထုတိုများကို စနစ်တကျကျွမ်းကျင်စွာ ရေးသားနိုင်ရန်၊ ဒေသခံတိုင်းရင်းသားစာရေးဆရာများ ပေါ်ထွက် လာရန်နှင့် တိုင်းရင်းသားစာပေဖြင့် ရေးသားထားသော အကြောင်းအရာများကို အင်္ဂလိပ်သို့ ဘာသာပြန်၍ နိုင်ငံတကာ ဖတ်ရှုနိုင်ရန် ရည်ရွယ်လုပ်ဆောင်ခြင်း ဖြစ်သည်ဟု British Council က ဆိုသည်။
British Council ၏ စာပေအကြံပေးတစ်ဦးဖြစ်သူ Lucas Stewart က “ဖားအံမှာ စာပေအမွေအနစ်တွေ ရှိတယ်။ ဒါကြောင့် အခုလိုမျိုးတိုင်းရင်းစာပေများကို ဒီထက်တိုးတက်လာအောင် လာရောက်မြှင့်တင်ပေးတယ်။ နိုင်ငံခြားသားတစ်ယောက်အနေနဲ့ အခြားစာပေးလေ့လာရတာကို စိတ်ဝင်စားပြီး အထူးကျေးနပ်မိပါတယ်”ဟု ကေအိုင်စီသို့ ပြောသည်။
အဆိုပါ အလုပ်ရုံဆွေးနွေးပွဲတွင် ၀တ္တု၊ ဆောင်းပါင်းနှင့် ကဗျာများများကို ကရင်နှင့် မြန်မာဘာသာနှစ်မျိုးလုံး ရေးသားသည့် ဖားအံမြို့ခံ စာရေးဆရာပေါက်စ၊ မျိုးဆက်သစ်လူငယ်စာရေးဆရာနှင့် ၀ါရစ်စာရေးဆရာကြီး စသည့် စာရေးဆရာပေါင်း (၂၀)ကျော် တက်ရောက်လေ့လာဆွေးနွေးခဲ့ခြင်းဖြစ်သည်ဟု သိရသည်။
အလုပ်ရုံဆွေးနွေးပွဲ တက်ရောက်ခဲ့သည့် စာရေးဆရာ ဦးနန္ဒကျော်က ကမ္ဘာတွင်ရှိနေကြသည့် ဘာသာစကား စာပေအချို့သည် ပျောက်ကွယ်သွားကြသဖြင့် အလွန်စိတ်မကောင်းဖြစ်မိပြီး မိမိတို့ကရင်စာပေနှင့် စကားများ လည်း ထိုနည်းတူ ပျောက်ကွယ်သွားမှာကို မလိုလားကြောင်း၊ စာပေဖွံ့ဖြိုးတိုးတက်ရန် လူကြီး၊ လူငယ်များ စုပေါင်းပြီး ကြိုးစားသွားကြရန်လိုကြောင်း ကေအိုင်စီသို့ ပြောသည်။
“ကိုယ့်အမျိုးသားစာပေတွေကို ထိန်းသိမ်းတဲ့အနေနဲ့ ဒီဆွေးနွေးပွဲတက်ရောက်ပြီး ရရှိတဲ့အကျိုးကို ကရင်စာပေ တွေ ကမ္ဘာကသိအောင် ရေးသားခွင့်ရလာမယ်လို့ မျှော်လင့်တယ်။ နောက်ပြီး ကရင်တွေအတွက်မကပဲ အခြား တိုင်းရင်းသားအတွက်ပါ အကျိုးရှိတဲ့ ပွဲတစ်ပွဲပါပဲလို့ ယုံကြည်ပါတယ်”ဟု ဦးနန္ဒကျော်က ပြောဆိုသည်။
ထို့အပြင် အလုပ်ရုံဆွေးနွေးပွဲဖြစ်မြောက်ရန်အတွက် ၀ိုင်းဝန်းကူညီသူ ပြည်နယ်ကရင်စာပေနှင့် ယဉ်ကျေးမှု အဖွဲ့အတွင်းရေးမှူးလည်းဖြစ်၊ ကရင်သီချင်းရေးစရာတစ်ဦးလည်းဖြစ်သည့် ဦးစောချစ်သန်းက “ဒီလို အလုပ် ရုံဆွေးနွေးပွဲမျိုး လုပ်ခြင်းအားဖြင့် တိုင်းရင်းသားဝတ္ထုတိုနဲ့ စာပေတွေကို ရေးသားဖော်ထုတ်နိုင်ရင် ပြည်သူတွေ ကော ကမ္ဘာကပါ ဖတ်ခွင့်ရလာမှာဖြစ်လို့ အများကြီး အကျိုးရှိတယ်လို့ မြင်ပါတယ်”ဟု ဦးစောချစ်သန်းက ပြောသည်။
ဆက်လက်၍ အလုပ်ဆွေးနွေးပွဲသို့ တက်ရောက်သော စာရေးဆရာများထံမှ ကရင်ဘာသာဖြင့် ရေးသားထား သော ၀တ္ထုတိုများအနက် အကောင်းဆုံး သုံးပုဒ်ကို British Council မှ ရွေးချယ်သွားမည်ဖြစ်သည်။ ကရင် ဘာသာဖြင့် ရွေးချယ်သွားမည့် ထိုဝတ္တုတိုသုံးပုဒ်ကို အခြားသောတိုင်းရင်းသားစာပေများနှင့်အတူ စုပေါင်းကာ အင်္ဂလိပ်သို့ ဘာသာပြန်ဆိုပြီး နိုင်ငံတကာ ဖတ်နိုင်အောင် စာအုပ်ထုတ်ဝေသွားရန်ရှိသည်ဟု သိရသည်။
ကရင်ပြည်နယ်၊ ဖားအံမြို့တွင် British Council မှ ဦးဆောင်၍ တိုင်းရင်းသားဘာသာစာပေဖြင့် ၀တ္ထုတိုရေး သားနည်းအတွက် ပြုလုပ်သည့် ယခုအလုပ်ရုံဆွေးနွေးပွဲမှာ ပထမဆုံးအကြိမ်ဖြစ်သည်။


Continue Reading...

ရင်အမျိုးသားများ သဟာယ အသင်းမှ ပထမအကြိမ် ကရင်လူငယ်များတွေ့ဆုံပွဲကျင်းပ

IMG_7181

အောက်တိုဘာ ၁၉ရက်၊ ၂၀၁၃ ခုနှစ်။ စောထွန်းလင်း

ကရင်အမျိုးသားများ သဟာယ အသင်းက ဦးဆောင်ကျင်းပသည့် ပထမအကြိမ် ရန်ကုန်တိုင်းဒေသကြီး ကရင် လူငယ်များတွေ့ဆုံပွဲအခမ်းအနားတစ်ရပ်ကို အောက်တိုဘာ ၁၉ ရက်နေ့တွင် မရမ်းကုန်မြို့ နယ်၊ (၂)ရပ်ကွက် (ခ၀ဲခြံ)၊ မခမမ ခန်းမ၌ ကျင်းပခဲ့သည်။
အနာဂတ် ကရင်မျိုးဆက်သစ်လူငယ်များ၊ ကရင်လူမူဘ၀နှင့် ကိုက်ညီ စစ်မှန်သည့် ကရင်ယဉ်ကျေးမှုကို မြတ်နိုးဖော်ထုတ်ထိန်းသိမ်းမြှင့်တင်လိုသည့် အသိစိတ်ဓာတ်များ ကိန်းအောင်းရှင်သန်ရန်၊ မျက်မှောက်ခေတ် ရေးရာအဖြာဖြာကို သိရှိနားလည်ပြီး ခေတ်နှင့်အညီ ပါဝင်လှုပ်ရှားကာ ဖွံ့ဖြိုးတိုးတတ်သော ကရင်လူမှုဘ၀ကို အတူတကွ လက်တွဲတည်ဆောက်ကြရန် ရည်ရွယ်၍ အခမ်းအနားကျင်းပရခြင်းဖြစ်သည်ဟု ကရင်အမျိုးသား သဟာယအသင်း၏ အတွင်းရေးမှူး စောစန်းဒိုက ပြောသည်။
“ဒီကနေ့  တွေ့ဆုံပွဲက ပထမခြေလှမ်း ပဏာမတွေ့ဆုံပွဲသဘောမျိုးဖြစ်တယ်။ လူငယ်တွေကို အစပျိုးပေးတဲ့ သဘောဖြစ်တယ်။ နောက်ပိုင်းလူငယ်တွေ အချင်းချင်း ချိတ်ဆက်ပြီး ကရင်လူငယ်ညီလာခံကြီး တစ်ခုပေါ်လာ တဲ့အထိ လုပ်သွားဖို့ ရည်ရွယ်ထားတယ် “ဟု စောစန်းဒိုက ကေအိုင်စီသို့ ပြောသည်။
တွေ့ဆုံပွဲအခမ်းအနားတွင် ရန်ကုန်တိုင်းဒေသကြီး ကရင်တိုင်းရင်းသား ရေးရာဝန်ကြီး စောထွန်းအောင်မြင့်၊ ကရင်အမျိုးသား သဟာယအသင်း ဥက္ကဌ အငြိမ်းစားသမိုင်းပါမေက္ခ စောထွန်းအောင်ချိန်တို့အပါအ၀င် မှော်ဘီ၊ ကော့မှူး၊ ကွမ်းခြံကုန်း၊ ထန်းတပင်၊ လှည်းကူး၊ အင်းစိန်နှင့် တွံ့တေးမြို့နယ်တို့ရှိ ကရင်လူငယ်များနှင့် ကရင်လူငယ်ကွန်ယက်အဖွဲ့ဝင်ကိုယ်စားလှယ်များ စုစုပေါင်း လူ ၁၀၀ ခန့် တတ်ရောက်ခဲ့ကြသည်။
ထိုတွေ့ဆုံပွဲသို့ တက်ရောက်ခဲ့သူ မှော်ဘီမြို့နယ်၊ တလုပ်ကုန်းကျေးရွာမှ နော်သောသောအယ်က “ဒီအခမ်း အနားကို လာတတ်တော့ ဗဟုသုတရတယ်။ ရွာမှာဆို ဘာမှသိရတာ မဟုတ်ဘူး။ ကရင်လူငယ်တွေ စည်းစည်း လုံးလုံးနဲ့ စုပေါင်းလုပ်ကြမယ်ဆို အားတစ်ခုတော့ဖြစ်လာမယ်”ဟု ကေအိုင်စီသို့ ပြေဆိုသည်။
ထို့အပြင် နံနက် ၉နာရီမှ ညနေ ၃နာရီအထိ တစ်ရက်တာကျင်းပသည့် ယင်းတွေ့ဆုံပွဲတွင် တတ်ရောက်လာ သည့် ကရင်လူငယ်များက စီးပွားရေး၊ ဥပဒေ ရေးရာ၊ ပညာရေး၊ စာပေယဉ်ကျေးမှုနှင့် လူမူပတ်ဝန်းကျင်ရေးရာ များကို အမြင်ဖလှယ်ဆွေးနွေးခဲ့ကြသည်။
ကရင်အမျိုးသားများ သဟာယ အသင်းက ဦးဆောင်ကျင်းပသည့် ပထမအကြိမ် ရန်ကုန်တိုင်းဒေသကြီး ကရင် လူငယ်များတွေ့ဆုံပွဲအခမ်းအနားပုံ
ကရင်အမျိုးသားများ သဟာယ အသင်းက ဦးဆောင်ကျင်းပသည့် ပထမအကြိမ် ရန်ကုန်တိုင်းဒေသကြီး ကရင် လူငယ်များတွေ့ဆုံပွဲအခမ်းအနားပုံ
တွေ့ဆုံပွဲအပြီးတွင် မြို့နယ်အလိုက် ကိုယ်စားလှယ် ၇ဦး များပါဝင်သည့် ရန်ကုန်တိုင်းဒေသကြီး ကရင်လူငယ် များဖွံ့ဖြိုးရေးလုပ်ငန်းကော်မတီတစ်ရပ်ကို ဖွဲ့စည်းနိုင်ခဲ့သည်။ ၎င်းကော်မတီသည် ယခုလကုန်ပိုင်းတွင် အစည်း အဝေးပြုလုပ်မည်ဖြစ်ပြီး ကော်မတီအဖွဲ့များတိုးချဲ့ဖွဲ့စည်းရန်၊ ရှေ့လုပ်ငန်းစဉ်များချမှတ်၍ ကျယ်ပြန့်သည့် တွေ့ဆုံပွဲများပြုလုပ်ရန် စသည့် ရှေ့လုပ်ငန်းစဉ်များ ဆက်လက်လုပ်ဆောင်သွားမည်ဟုလည်း သိရသည်။

Continue Reading...

ကရင်အမျိုးသားနှစ်သစ်ကူးပွဲတော် ငါးမြို့နယ်စုပေါင်းကျင်းပနိုင်ရေး ကော်မတီ ဖွဲ့စည်း

Meeting photo

အောက်တိုဘာလ ၁၆ရက်။ ၂၀၁၃ခုနှစ်။ စောသိန်းမြင့်

ကရင်သက္ကရာဇ် ၂၇၅၃ခုနှစ်အတွက် ကရင်အမျိုးသား နှစ်သစ်ကူးပွဲတော်ကို ကရင်ပြည်နယ်အတွင်း မြို့နယ် ၅မြို့နယ် စုပေါင်း ကျင်းပနိုင်ရန် ကရင်အဖွဲ့အစည်းပေါင်းစုံ ပါဝင်သော ကရင်အမျိုးသား နှစ်သစ်ကူးပွဲတော်ဖြစ်မြောက်ရေးကော်မတီတစ်ခုကို ယမန်နေ့က ဖွဲ့စည်းလိုက်သည်။
ကရင်နှစ်သစ်ကူးနေ့နှင့် ပတ်သက်ပြီး ကရင်ပြည်နယ်၊ မြ၀တီမြို့နယ်၊ ရွှေကုက္ကိုမြိုင်ရွာခမ်းမတွင် ယမန်နေ့ နံနက် ၉နာရီမှ ညနေ ၅နာရီကျော်အထိ အစည်းအဝေး ကျင်းပပြုလုပ်ခဲ့ရာ ကရင်လက်နက်အဖွဲ့အစည်းများမှ ခေါင်းဆောင်များ၊ ကရင်နိုင်ငံရေးပါတီ ခေါင်းဆောင်များနှင့် ဖားအံ၊ လှိုင်း ဘွဲ၊ ကော့ကရိတ်၊ ကြားအင်းဆိပ်ကြီး၊ မြ၀တီမြို့နယ်များမှ ရပ်မိရပ်ဖများက ကရင်အမျိုးသား နှစ်သစ်ကူးပွဲတော် စုပေါင်းကျင်းပနိုင်ရေးကို တွေ့ဆုံဆွေးနွေးပြီး ကော်မတီ ဖွဲ့စည်းလိုက်ခြင်း ဖြစ်သည်။
အဆိုပါကော်မတီတွင် ဥက္ကဋ္ဌအဖြစ် ကရင်နယ်ခြားစောင့်တပ် BGF (၁၀၁၈)တပ်ရင်းမှူး ဗိုလ်မှူးမောင်ဝင်း၊ ဒုဥက္ကဋ္ဌအဖြစ် ကေအဲန်ယူ စည်းရုံးရေးဌာနတာဝန်ခံ ပဒိုစောလှထွန်း၊ အတွင်းရေးမှူး ရွှေကုက္ကိုကျေးရွာ အုပ်ချုပ်ရေးမှူး မန်းအုန်းရွှေ၊ တွဲဘက်အ တွင်းရေးမှူး BGF အမှတ်(၃)တိုက်နယ်မှ ဗိုလ်မှူးတင်ဝင်း၊ BGF အမှတ် (၃)တိုက်နယ် အကြံပေးအရာရှိ မန်းပြည်အေးနှင့် စာရင်းစစ်အဖြစ် ဖားအံခရိုင် ဥက္ကဋ္ဌ ပဒိုစောအောင်မော်အေးတို့ အပါအ၀င် ကော်မတီဝင်ပေါင်း ၁၉ဦးဖြင့် ဖွဲ့စည်းထားသည်။
ထို့အပြင် ၎င်းကော်မတီကို ဦးဆောင်ညွှန်ကြားရန် ကေအဲန်ယူ စစ်ဦးစီးချုပ် ဗိုလ်ချုပ်ကြီးစောဂျော်နီ၊ KNU/KNLA ငြိမ်းချမ်းရေး ကောင်စီမှ ဗိုလ်ချုပ်ရင်နု၊ BGF ကွပ်ကဲရေးဥက္ကဋ္ဌ စောထွန်းလှိုင်နှင့် ထိုင်းနိုင်ငံ၊ မဲဆောက်မြို့မှ ခွဲကဘောင်အထက်တန်း ကျောင်းအုပ်ကြီး မန်းဗလရှင်တို့ကိုလည်း နာယကအဖြစ် ရွေးချယ်တင်မြှောက်ခဲ့သည်ဟု သိရသည်။
ကော်မတီဥက္ကဋ္ဌ ဗိုလ်မှူးမောင်ဝင်းက “ဒီနှစ် ကရင့်နှစ်သစ်ကူးပွဲတော်ကို မြို့နယ် ငါးမြို့နယ် စုပေါင်းကျင်းပဖို့ရယ်။ နောက်ပြီး ဒီ ကရင်နှစ်သစ်ကူးပွဲတော်ဟာ အနစ်သာရရှိရှိ ကျင်းပနိုင်ဖို့နဲ့ ကရင်အမျိုးသားရဲ့ စည်းလုံးညီညွတ်ရေး ကမ္ဘာကို ပြသဖို့အတွက် ဒီကော်မတီကို ဖွဲ့စည်းလိုက်တာဖြစ်တယ်။”ဟု ကေအိုင်စီသို့ ပြောသည်။
ထို့အပြင် ကရင်နှစ်သစ်ကူးပွဲတော် ဖြစ်မြောက်ရေးအတွက် မိမိတာဝန်ယူရမည့် အခန်းကဏ္ဍများကို လုပ်ဆောင်သွားရန် သက် ဆိုင်ရာ ဆပ်ကော်မတီများကိုလည်း ဖွဲ့စည်းခဲ့သည်ဟု ဗိုလ်မှူးမောင်ဝင်းက ဖြည့်စွက်ပြောဆိုသည်။
ယခုနှစ်ကျင်းပမည့် ကရင်အမျိုးသားနှစ်သစ်ကူး စုပေါင်းပွဲတော်မှာ ကျပ်သိန်း ၃၀၀၀ကျော် ကုန်ကျမည်ဟု ခန့်မှန်းထားပြီး ၎င်းကုန်ကျငွေများကို ကရင်အမျိုးသားများ၏ စည်းလုံးညီညွတ်ရေးကို လိုလားသော ပြည်တွင်း၊ ပြည်ပရှိ အလှူရှင်များထံမှ အလှူငွေများ ကောက်ခံသွားမည်ဖြစ်ကြောင်းလည်း ကော်မတီ၏ စာရင်းစစ်ဖြစ်သူ ကေအဲန်ယူ ဖားအံခရိုင် ဥက္ကဋ္ဌ ပဒိုစော အောင်မော်အေးက ပြောသည်။

Photo - KIC (ရွှေကုက္ကိုကျေးရွာ၌ ပြုလုပ်သည့် ကရင်နှစ်သစ်ကူးပွဲတော် အစည်းအဝေး)
Photo – KIC (ရွှေကုက္ကိုကျေးရွာ၌ ပြုလုပ်သည့် ကရင်နှစ်သစ်ကူးပွဲတော် အစည်းအဝေး)

ယခုနှစ် ကရင်အမျိုးသားနှစ်သစ်ကူးပွဲတော်ကို မြ၀တီမြို့နယ်၊ ရွှေကုက္ကိုကျေးရွာတွင် စုပေါင်းကျင်းပပြုလုပ်သွားရန် သဘောတူခဲ့ ကြပြီး ကရင်လူမျိုးများနေထိုင်ရာ အခြားဒေသများတွင်လည်း မိမိတို့နေရာအလိုက် ကျင်းပသွားနိုင်သည်ဟု ထိုအစည်းအဝေး တွင် ဆုံးဖြတ်ခဲ့ကြသည်။ ထိုစည်းဝေးပွဲသို့ တက်ရောက်ခဲ့သူ မြ၀တီမြို့နယ် ရပ်မိရပ်ဖိတစ်ဦးက “ကရင်တစ်မျိုးသားလုံး ညီညီညွှတ်ညွှတ်နဲ့ တစ်သံတည်း ဖြစ်လာအောင် ရည်ရွယ်ထားတဲ့အတွက်ကြောင့် ဖြစ်မြောက်အောင်မြင်မယ်ဆိုရင် အတိုင်းမသိ ၀မ်းသာစရာပဲ။ တစ်ဦးတစ်ဖွဲ့အ တွက် လုပ်တာမဟုတ်ပဲ။ တစ်မျိုးသားလုံးလုပ်တဲ့အတွက် သမိုင်းဝင်နေ့လည်း ဖြစ်သွားမယ်လေ။”ဟု ပြောသည်။
ယမန်နေ့ အစည်းအဝေးတွင် ကေအဲန်ယူဗဟိုမှ စစ်ဦးစီးချုပ် ဗိုလ်ချုပ်ကြီးစောဂျော်နီ၊ ပြည်ထဲရေးနှင့် သာသနာရေးဌာန တာဝန် ခံ ပဒိုစောအားတိုး၊ ပဒိုမန်းငြိမ်းမောင်၊ KNU/KNLA ငြိမ်းချမ်းရေးကောင်စီမှ ဗိုလ်ချုပ်ရင်နု၊ နယ်ခြားစောင့်တပ် (BGF) အမှတ်(၃) တိုက်နယ်မှူး ဗိုလ်မှူးကြီးစောချစ်သူ၊ သံတောင်အထူးဒေသ ကရင်ငြိမ်းချမ်းရေးအဖွဲ့ စသည့် ကရင်လက်နက်ကိုင် အဖွဲ့အစည်း ခေါင်းဆောင်များ၊သံဃာတော်များ ဖလုံ-စဝေါ် ဒီမိုကရက်တစ်ပါတီမှ ပြည်သူ့လွှတ်တော်ကိုယ်စားလှယ် နန်းစေအွာနှင့် ဒေသခံ ရပ်မိရပ်ဖများ အပါအ၀င် စုစုပေါင်း ၁၅၀ကျော် တက်ရောက်ဆွေးနွေးခဲ့ကြသည်။
ကရင်အမျိုးသားနှစ်သစ်ကူးပွဲတော် စုပေါင်းကျင်းပရေးနှင့် ပတ်သက်၍ ပြီးခဲ့သည့် စက်တင်ဘာလ ၂၅ရက်နေ့ကလည်း အဆိုပါ ရွှေကုက္ကိုကျေးရွာ၌ပင် ပထမအကြိမ် ကျင်းပပြုလုပ်ခဲ့ပြီး ယခုအစည်းအဝေးမှာ ဒုတိယအကြိမ်မြောက် ဖြစ်သည်။ ကရင်လူမျိုး များသည် ပြာသိုလဆန်း ၁ရက်နေ့ကို ကရင်နှစ်သစ်ကူးနေ့အဖြစ် တရားဝင် သတ်မှတ်ထားပြီး လာမည့် ၂၀၁၄ခုနှစ်၊ ဇန်န၀ါရီ လ ၁ရက်နေ့မှာ ကရင်သက္ကရာဇ် ၂၇၅၃ခုနှစ်၏ နှစ်သစ်ကူးနေ့ ဖြစ်သည်။

Continue Reading...

ဗဟိုဦးဆောင်မှုကို အပြည့်အ၀လိုက်နာကြောင်း KNU ဖာပွန်ခရိုင်ထုတ်ပြန်

Gler Doh

အောက်တိုဘာ ၁၇ရက်၊ ၂၀၁၃ခုနှစ်။ စောခါးစူးညား

လက်ရှိ မြန်မာအစိုးရနှင့် ယုံကြည်မှုတည်ဆောက်ရေးကို ထောက်ခံသလို ဗဟို၏ ဦးဆောင်မှုကို အပြည့်အ၀ လိုက်နာကြောင်း ကရင်အမျိုးသားအစည်းအရုံး(KNU)၊ မူတြော်(ဖာပွန်)ခရိုင်၊ တပ်မဟာ(၅)မှ ယနေ့ရက်စွဲဖြင့် ကြေညာချက်တစ်စောင် ထုတ်ပြန် လိုက်သည်။
လတ်တလောအချိန်တွင် KNU တပ်မဟာ(၅)သည် KNU ဗဟို၏ ဦးဆောင်မှုကို မလိုက်နာဘဲ သီးသန့်ရပ်တည်လိုသည်ဟု သတင်းများ ထွက်ပေါ်လာသည့်အပေါ် ယခုလို ကြေညာချက် ထုတ်ပြန်ရခြင်းဖြစ်ကြောင်း KNU တပ်မဟာ(၅) ရုံးထိုင်မှူး ပြောခွင့် ရသူ ဗိုလ်မှူးစောကလယ်ဒို့က ကေအိုင်စီသို့ ပြောသည်။
“ကျနော်တို့ တပ်မဟာ(၅)ဟာ ခေါင်းမာတယ်။ သီးသန့် ရပ်တည်လိုတယ်လို့ သတင်းထွက်ပေါ်နေတာ ကြားနေရတယ်။ ဒါ လုံးဝ မဟုတ်သလို လက်ရှိ အစိုးရတို့နှင့် ဖော်ဆောင်နေတဲ့ ငြိမ်းချမ်းရေးကိစ္စမှာ ဗဟိုရဲ့ ဦးဆောင်မှုအတိုင်း ကျနော်တို့ လိုက်နာပြီး သွားနေတာပါ။”ဟု ဗိုလ်မှူးစောကလယ်ဒို့က ပြောဆိုသည်။
KNU တပ်မဟာ(၅)၏ ထုတ်ပြန်ချက်တွင် အများပြည်သူများ လိုလားတောင့်တနေသော စစ်မှန်သည့် ငြိမ်းချမ်းရေး တည် ဆောက်ရေးအတွက် ကြိုးပမ်းနေသည့်ကာလအတွင်း အစိုးရနှင့် တိုင်းရင်းသား အဖွဲ့အစည်းများအကြား ဆွေးနွေးညှိနှိုင်းပြီး အပြန်အလှန် ယုံကြည်မှုတည်ဆောက်နေသည်ကို ၎င်းတို့အနေဖြင့် အပြည့်အ၀ ထောက်ခံခဲ့သည်သာမက တတ်စွမ်းသမျှ အဖက်ဖက်မှ ကူညီပံ့ပိုးမှုများ ပြုလုပ်နေသည်ဟု ဖော်ပြထားသည်။
ထို့အပြင် မြန်မာနိုင်ငံ၌ အဓွန့်ရှည်သော ငြိမ်းချမ်းရေးဖော်ဆောင်ရေးအတွက် ဆောင်ရွက်နေသည့် လုပ်ငန်းများကို တစုံတရာ နှောက်ယှက်ပျက်ပြားစေသည့်လုပ်ရပ်များ၊ အများပြည်သူ ထိခိုက်နာကျင်စေခြင်းများ၊ ထိတ်လန့်ကြောက်ရွံ့စေခြင်းများကို လုံးဝ ဆန့်ကျင်ကြောင်းလည်း ၎င်းကြေညာချက်တွင် ထည့်သွင်းပါရှိသည်။
အောက်တိုဘာ ၁၂ရက်နေ့က ရန်ကုန်တိုင်းဒေသကြီး အင်းစိန်မြို့နယ်၊ စော်ဘွားကြီးကုန်း အဝေးပြေး ကားဝင်းရှေ့ ကားမှတ်တိုင် အနီး ဗုံးပေါက်ကွဲမှု၊ အောက်တိုဘာ ၁၄ရက်နေ့က အလုံမြို့နယ်ရှိ Western Park 2 စားသောက်ဆိုင် ဗုံးခွဲမှုနှင့် ကျောက်တံတား မြို့နယ် ကုန်သည်ကြီးများဟိုတယ်အခန်း ဗုံးခွဲမှုတို့၌ သံသယရှိသူ စောမြင့်လွင် (ခ) မောထဆိုသူကို အစိုးရအာဏာပိုင်များက ဖမ်းဆီးထိန်းသိမ်းထားပြီး ၎င်းမှာ ဖာပွန်ဒေသတွင် KNU တပ်ဖွဲ့ဝင်ဖြစ်ဖူးကြောင်း အစိုးရရဲတာဝန်ရှိသူများက သတင်းဌာနများကို ပြောဆိုသည်။
ဗိုလ်မှူးစောကလယ်ဒို့က “သတင်းတွေမှာပြောတာက ဗုံးခွဲတယ်လို့ ဖမ်းဆီးခံထားရတဲ့ စောမြင့်လွင်ဟာ ဖာပွန်ခရိုင်မှာ KNU တပ်ဖွဲ့ဝင် ဖြစ်ခဲ့ဖူးတယ်လို့ ဖော်ပြထားတယ်။ ဒါပေမယ့် ဒီလူနာမည်နဲ့ ကျနော်တို့ တပ်ဖွဲ့ဝင်စာရင်းထဲမှာ ပြန်ရှာမတွေ့ဘူး။ နောက် ပြည်သူတွေကို တိုက်ခိုက်ပြီး ဒီလိုအောက်တန်းကျတဲ့ လုပ်ရပ်တွေ ကျနော်တို့ လုပ်စရာ အကြောင်းမရှိဘူး။”ဟု ထပ်မံ ပြောဆိုသည်။
KNU ဒုဥက္ကဌ ပဒိုနော်စီဖိုးရာစိန်က “အခုထုတ်ပြန်ချက်ဟာ KNU ဖာပွန်ခရိုင်ရဲ့ စစ်မှန်တဲ့ သဘောထားတွေပါ။ သူတို့ဟာ ဗဟိုရဲ့ ဦးဆောင်မှု၊ ညွှန်ကြားမှုအောက်မှာ ရှိတယ်ဆိုတာ ငြင်းလို့မရသလို အစိုးရနဲ့ လက်ရှိ ယုံကြည်မှု တည်ဆောက်နေတာကို အပြည့်အ၀ ထောက်ခံတာဖြစ်ပါတယ်။”ဟု ကေအိုင်စီသို့ ပြောသည်။
မြန်မာနိုင်ငံတွင် အများပြည်သူများ လိုလားတောင်းတနေသော စစ်မှန်သော ငြိမ်းချမ်းရေး ပေါ်ပေါက်လာသည်အထိ ၎င်းတို့ KNU ဖာပွန်ခရိုင်၊ တပ်မဟာ(၅)အနေဖြင့် ဗဟိုဌာနချုပ်၏ ဦးဆောင်မှုအတိုင်း လိုက်နာဆောင်ရွက်သွားမည်ဟု ၎င်းထုတ်ပြန် ကြေညာချက်အဆုံးတွင် ဖော်ပြထားသည်။

Continue Reading...

အပစ်ရပ်စဉ် နယ်မြေသတ်မှတ်သင့်ကြောင်း ဖမ်းဆီးခံခဲ့ရသူ KNLA တပ်သား ၂ဦး ပြောဆို

Saw Ag Ko Latt-Saw Nay Blue images

အောက်တိုဘာ ၁၇ရက်၊ ၂၀၁၃ခုနှစ်။ (ကေအိုင်စီ)

အပစ်အခတ် ရပ်စဲချိန်အတွင်း နယ်မြေပိုင်းခြား သတ်မှတ်ထားသင့်ကြောင်း အစိုးရစစ်တပ်၏ ဖမ်းဆီးခြင်းမှ ပြန်လည်လွတ် မြောက်လာခဲ့သူ ကရင်အမျိုးသားအစည်းအရုံး(ကေအဲန်ယူ) တောင်ငူခရိုင်၊ တပ်မဟာ(၂)မှ တပ်သားနှစ်ဦးက ပြောဆိုလိုက် သည်။
ဖမ်းဆီးခံရခြင်းမှ ပြန်လည် လွတ်မြောက်လာသူ စောနေဘလုက “အခုလို အပစ်ခတ်ရပ်ထားချိန်မှာ တိကျတဲ့နယ်မြေ ပိုင်းခြား သတ်မှတ်ပေးပြီး ကျနော်တို့နယ်မြေထဲမှာ အုပ်ချုပ်ရေးလုပ်ငန်းတွေ အစိုးရဘက်က ၀င်ရောက်နှောက်ယှက်တာ မလုပ်ဖို့ ကျနော်တို့ ခေါင်းဆောင်တွေကို အလေးထား ဆွေးနွေးစေချင်ပါတယ်။”ဟု ပြောသည်။
အောက်တိုဘာ ၁ရက်နေ့က သံတောင်မြို့နယ် KNU ထိန်းချုပ်နယ်မြေ၏ ယာယီ အခွန်ကောက်ဂိတ် ထားရှိသည့်နေရာတွင် တာဝန်ယူနေသူ KNLA တပ်မဟာ(၂)၊ တပ်ရင်း(၅)မှ တပ်သား စောအောင်ကိုလတ်နှင့် စောနေဘလူးတို့ကို မြန်မာအစိုးရ၏ တောင်ပိုင်းတိုင်းစစ်ဌာနချုပ် လက်အောက်ခံ ခြေမြန်တပ်ရင်း(ခမရ-၄၄၀) စစ်ကြောင်းမှ ဖမ်းဆီးကာ တောင်ငူမြို့ အမှတ်(၃) ရဲခစန်းသို့ ပို့ဆောင်ခဲ့သည်။
၎င်းတို့နှစ်ဦး တောင်ငူ အမှတ်(၃)ရဲစခန်းသို့ ပို့ဆောင်ခံရချိန်တွင် တောင်ပိုင်းတိုင်း စစ်ဌာနချုပ်(တပခ) စစ်ဗျူဟာ လိပ်သိုအခြေ စိုက်စခန်းရှိ ဗိုလ်ကြီးခိုင်သင်းထွန်းမှ တရားလိုပြုလုပ်ကာ လုယက်မှု၊ ဓါးပြမှုနှင့် စပ်လျဉ်းသည့် ပြစ်မှုဆိုင်ရာ ပုဒ်မ-၃၈၂ဖြင့် အမှု ဖွင့် တိုင်ကြားခဲ့သည်ဟု သိရသည်။ ယင်းသို့ ဖမ်းဆီးခံရပြီး နောက်တစ်ရက်တွင် KNU တပ်မဟာ(၂)က ၎င်းတို့၏စစ်ဦးစီးချုပ်ထံ အကြောင်းကြားခဲ့ပြီးနောက် ၉ရက်ကြာ အောက်တိုဘာ ၁၀ရက်နေ့တွင် ချုပ်နှောင်ခံရခြင်းမှ ပြန်လည်လွတ်မြောက်လာခဲ့သည်။
ဖမ်းဆီးခံရသူများကို KNU သံတောင်မြို့နယ် ဥက္ကဌ ပဒိုစောသဲဒယ်ထံ ပြန်လည်လွဲပြောင်းအပ်နှံခဲ့ရာတွင် မြန်မာစစ်တပ်မှ ပူးတွဲ ပေးပို့လာသည့် တရားခံ လွှဲပြောင်းလက်ခံဆောင်ရွက်ခြင်းစာအရ သံတောင်ကြီးမြို့နယ်၊ လိပ်သိုမြို့နယ်ခွဲ၊ သာမိုးတောင်ကျေးရွာ အုပ်စု၊ မီးခတ်ချောင်းတံတားထိပ်တွင် မော်တော်ယာဉ်၊ မော်တော်ဆိုင်ကယ်များကို ၀ါးမောင်းတံဖြင့် တားဆီးပြီး ခြောက်လှန့်ငွေ တောင်းခံနေသည်ဟု ဖော်ပြထားသည်။
ထိုကိစ္စနှင့် ပတ်သက်၍ စောအောင်ကိုလတ်က “ကျနော်တို့က အဖွဲ့အစည်းရဲ့ အုပ်ချုပ်ရေးဆိုင်ရာ လုပ်ငန်းတွေကို လုပ်ပေးတာ ပါ။ ဒီအတွက် ဂိတ်ဆောက်ပြီး ဒေသတွင်းက ထွက်ကုန်တွေအတွက် အခွန်ကောက်ဖို့ပါ။ နောက်ပြီး ဒေသတွင်း မူးယစ်ဆေးဝါး တွေ မ၀င်လာရေး ကြိုတင်ကာကွယ်ဖို့ အစီအစဉ်လုပ်ပြီး ရှာဖွေသွားဖို့ ကျနော်တို့ မြို့နယ်၊ ခရိုင်ရဲ့ ဆုံးဖြတ်ချက်နဲ့ လုပ်တာပါ။” ဟု ဆိုသည်။
အစိုးရ၏ လွဲပြောင်းစာပါ အကြောင်းအရာများအပေါ် KNU တောင်ငူခရိုင် ဥက္ကဌ ပဒိုစောအယ်ဝါးက ၎င်းတို့အဖွဲ့အတွင်း လိုအပ် ချက်များ ဖြည့်ဆည်းပေးနိုင်ရေးအတွက် KNU ၏ အခွန်ပေါ်လစီအရ ငွေကောက်ခံခြင်း မပြုလုပ်မီ တပ်မဟာ(၂) စစ်ဆင်ရေးမှူး က အစိုးရ၏ တောင်ပိုင်းတိုင်းစစ်ဌာနချုပ်၊ သစ်တောဌာနနှင့် သက်ဆိုင်ရာ အုပ်ချုပ်ရေးဌာနများထံသို့ သြဂုတ်လက ကြိုတင်အ ကြောင်းကြားခဲ့ကြောင်းနှင့် လူထုကိုလည်း အသိပေး ညှိနှိုင်းထားပြီးဖြစ်ကြောင်း ပြောသည်။
“တကယ်ဆိုရင် ကျနော်တို့ ပေါ်လစီအရ လုပ်နေတဲ့အလုပ်ကို သူတို့ဝင်ပြီး တားမြစ်စရာ အကြောင်းမရှိဘူး။ တကယ်လို့ ရှင်းရှင်း လင်းလင်း ဖြစ်ချင်တယ်ဆိုရင် သူ့နယ်မြေ၊ ကိုယ့်နယ်မြေဆိုပြီး သတ်မှတ်မှုလုပ်နိုင်ရင် ပိုကောင်းမယ်။”ဟု ပဒိုစောအယ်ဝါးက ကေအိုင်စီသို့ ပြောဆိုသည်။
ပြန်လည်လွတ်မြောက်လာသူ တပ်သားနှစ်ဦးက ယခုလို အပစ်အခတ်ရပ်စဲထားချိန်တွင် KNU ၏ အုပ်ချုပ်ရေးနယ်မြေအတွင်း ၀င်ရောက်၍ တရားခံအဖြစ် စွပ်စွဲဖမ်းဆီးကာ ချုပ်နှောင်ထားခြင်းမျိုး မလုပ်သင့်ကြောင်း၊ အစိုးရမှ သဘောထား မှန်ကန်စွာနှင့် အပစ်ရပ်အဖွဲ့များကို တန်းတူဆက်ဆံသင့်သလို ကေအဲန်ယူခေါင်းဆောင်များအနေဖြင့်လည်း အစိုးရနှင့် တွေ့ဆုံဆွေးနွေးရာတွင် နှစ်ဖက်တပ်များ လိုက်နာရမည့် ကျင့်ဝတ်ဆိုင်ရာစည်းကမ်းများနှင့် အုပ်ချုပ်ရေးဆိုင်ရာများ ၀င်ရောက်နှောက်ယှက်ခြင်းမပြုရန် အလေးထား ဆွေးနွေးစေလိုကြောင်း တောင်းဆိုခဲ့သည်။

Continue Reading...

ကေအဲန်ယူ ဒုဥက္ကဌ ပဒိုနော်စီဖိုးရာစိန် နှင့် တွေ့ဆုံမေးမြန်းခန်း


DSC_0023

“ကျမတို့ တောင်းဆိုတဲ့ ‘စစ်တပ်တွေ ပြန်လည်ဆုတ်ခွာပေးဖို့’ ဆိုတာက တစ်ဖက်နဲ့တစ်ဖက် ယုံကြည်မှု တည်ဆောက်ဖို့အတွက်ပဲ ဖြစ်တယ်။” ဆိုတဲ့
ကရင်အမျိုးသားအစည်းအရုံး (ကေအဲန်ယူ) ဒုဥက္ကဌ ပဒိုနော်စီဖိုးရာစိန်ရဲ့  တနိုင်ငံလုံး အပစ်အခတ်ရပ်စဲရေးအပေါ် အမြင်

အစိုးရဘက်က တောင်းဆိုနေတဲ့ တနိုင်ငံလုံးအပစ်အခတ်ရပ်စဲရေး (Nationwide Ceasefire) နှင့် ပတ်သက်ပြီးတော့ ကျမတစ် ယောက်အမြင်နဲ့ဆိုရင် ကျမတို့ သေချာ စဉ်းစားဖို့ လိုအပ်ပါတယ်။ ဘာဖြစ်လို့လဲဆိုတော့ တနိုင်ငံလုံး အတိုင်းအတာ အပစ်အ ခတ်ရပ်စဲရေးဟာ ပထမဦးဆုံး ကျမတို့ ကေအဲန်ယူနဲ့ တိုင်းရင်းသားတွေက ဆွေးနွေးဖို့အတွက် စတင် တောင်းဆိုတဲ့အထဲမှာ ပါဝင်နေပါတယ်။ ကျမတို့ လိုလားတောင်းဆိုတာက အစိုးရအနေနဲ့ တနိုင်ငံလုံး အပစ်အခတ်ရပ်စဲကြောင်း ကြေညာဖို့အတွက်နဲ့ တိုင်းရင်းသားဒေသတွေမှာ ဖြစ်ပွားနေတဲ့ ပစ်ခတ်မှုတွေကို ရပ်ဆိုင်းဖို့ပါ။
သို့ပေမယ့် အခု အစိုးရ တောင်းဆိုနေတဲ့ တနိုင်ငံလုံး အပစ်အခတ်ရပ်စဲရေးဟာ တိုင်းရင်းသားတွေအားလုံး သွားရောက်လက် မှတ်ရေးထိုးဖို့အတွက် ဖြစ်နေတယ်။ အပစ်အခတ်ရပ်စဲရေးကို ပြည်နယ်အဆင့် လက်မှတ်ထိုးထားတဲ့ တိုင်းရင်းသားအဖွဲ့တွေက နေပြည်တော်မှာ အောက်တိုဘာလအတွင်း လက်မှတ်သွားထိုးရမှာ ဖြစ်တယ်။ အရင် ပြည်နယ်အဆင့် လက်မှတ်ရေးထိုးတုန်း က လုပ်ဆောင်ရမယ့် စစ်ဘက်ဆိုင်ရာလိုက်နာရမည် ကျင့်ဝတ်စည်းကမ်းတွေကို ကျမတို့ မလိုက်နာသေးတာ အများကြီး ရှိပါ သေးတယ်။ စစ်ဘက်ဆိုင်ရာနဲ့ တိုက်ရိုက်သက်ဆိုင်တဲ့ တပ်နေရာပြန်လည်ချထားရေး၊ တပ်နေရာ သတ်မှတ်ရေး စတာတွေဟာ ကျမတို့ ဘာမှမလုပ်ရသေးဘူး။ ဒါကြောင့် တနိုင်ငံလုံး အပစ်အခတ်ရပ်စဲရေးလုပ်ဖို့အတွက် ကျမတို့ ပထမအဆင့် သဘောတူ ညီပြီး လက်မှတ်ရေးထိုးထားတဲ့ ကိစ္စရပ်တွေကို အကောင်အထည်ဖော်ဆောင်ဖို့ အရင် လိုအပ်တယ်လို့ ကျမ မြင်ပါတယ်။
ပြင်ဆင်မှုဆိုင်ရာ
သူတို့(အစိုးရစစ်တပ်)ရဲ့ ကြိုတင်ပြင်ဆင်မှုတွေနဲ့ ပတ်သက်ပြီး မပြည့်စုံသေးဘူးလို့ ကျမမြင်တယ်။ ဘာကြောင့်လဲဆိုတော့ ပြီးခဲ့ တဲ့ ဇူလိုင်လအတွင်းမှာ ကျမတို့ (Technical Team)က အပစ်အခတ်ရပ်စဲရေးဆိုင်ရာ လိုက်နာရမယ့် စည်းမျဉ်းစည်းကမ်း (Code of Conduct)နဲ့ ပတ်သက်ပြီး သွားရောက်တွေ့ဆုံရာမှာ အစိုးရဘက်က အကြမ်းရေးဆွဲထားတာရှိတယ်လို့ ပြောတယ်။ ဒါပေမယ့်လည်း မပြီးသေးတဲ့အတွက် ချမပြနိုင်သေးဘဲ ရေးဆွဲလို့ ပြီးစီးခဲ့တဲ့အခါကျမှ ထုတ်ပြမယ်လို့ ပြောပေမယ့် အခုချိန်ထိ ထုတ်ဖော်ပြသတာ မရှိသေးပါဘူး။ ဒီကိစ္စကို ရေးဆွဲဖို့အတွက် ကျမတို့ ကေအဲန်ယူက အချိန်တွေ အများကြီး အကုန်ခံခဲ့ပြီး ထပ်တလဲလဲ အကြမ်းရေးဆွဲ၊ တင်ပြထားပြီးပါပြီ။
ဒါ့အပြင် သြဂုတ်လက ကေအဲန်ယူ ဥက္ကဌနဲ့ အထွေထွေ အတွင်းရေးမှူးတို့ ဗိုလ်ချုပ်မှူးကြီးမင်းအောင်လှိုင် (တပ်မတော်ကာ ကွယ်ရေးဦးစီးချုပ်)ကို သွားရောက်တွေ့ဆုံရာမှာ မပြီးသေးဘူးလို့ တင်ပြခဲ့ပြန်တယ်။ သူတို့က ဗိုလ်ချုပ်သက်နိုင်ဝင်းကို ဆွဲခိုင်း ထားတဲ့ အကြမ်းတစ်ခုလည်း မပြီးသေးဘူးလို့ ပြောတယ်။ ဒါ့ကြောင့် အစိုးရအနေနဲ့ တနိုင်ငံလုံး အတိုင်းအတာနဲ့ အပစ်အခတ် ရပ်စဲရေး လုပ်ဆောင်ဖို့ ကြိုတင်ပြင်ဆင်မှုက လုံလောက်မှု မရှိသေးတာ ပေါ်လွင်နေပါတယ်။ ကျမတို့ဖက်က အမှန်တကယ် ကြို တင်ပြင်ဆင်မှုတွေ လုပ်ဆောင်နေသလို ပြန်လည်ပြင်ဆင်မှုတွေလည်း အကြိမ်ကြိမ် လုပ်ဆောင်ခဲ့ပြီးပြီမို့ အခု သူတို့ဘက်က ကြိုတင်ပြင်ဆင်မှုကို စောင့်နေရတဲ့ အခြေအနေမှာ ရှိနေပါတယ်။
KNLA နဲ့ အစိုးရတပ် သဘောထား
တနိုင်ငံလုံး အတိုင်းအတာ အပစ်အခတ်ရပ်စဲရေးအပေါ် ကျမတို့ရဲ့ KNLA ဘက်က အမြင်သဘောထားတွေကတော့ ပြီးခဲ့တဲ့ စက်တင်ဘာလက စစ်ဘက်ဆိုင်ရာ အစည်းအဝေးမှာ ဆုံးဖြတ်ချက် ၈ချက် ဆုံးဖြတ်ထားပြီးဖြစ်တယ်။ အဲဒီဆုံးဖြတ်ချက်တွေ ထဲမှာ အထူးသဖြင့် စစ်တပ်ရဲ့ နေရာ၊ စစ်တပ်နေရာ ပြန်လည်ချထားရေးကိစ္စကို လက်မှတ်မရေးထိုးသေးခင်မှာ အရင်ဆုံး လုပ်ရ မယ်၊ အရင်ဆုံး သဘောတူညီရမယ်။ အဲဒါက (၈)ချက်ထဲက တစ်ချက်ပါပဲ။ ဒါကို ကျမတို့ တင်ပြရမှာ ဖြစ်သလို လုပ်လည်းလုပ် ဆောင်ရမှာ ဖြစ်ပါတယ်။
ကျမပြောခဲ့တဲ့ စစ်တပ်ရဲ့ အခန်းကဏ္ဍနဲ့ပတ်သက်ပြီး အစိုးရဘက်က ဘယ်လိုပဲ သဘောထားရှိပါစေ၊ အချိန်အတိုင်းအတာတစ် ခုအနေနဲ့ သတ်မှတ်ပြီး ပြီးအောင်လုပ်မယ်လို့ ပြောပေမယ့်လည်း ဗိုလ်ချုပ်မှူးကြီးမင်းအောင်လှိုင်ရဲ့ တင်ပြချက်အရ စစ်တပ် လိုက်နာရမယ့် ကျင့်ဝတ်စည်းကမ်းများ (Code of Conduct)ကို သူတို့ရေးဆွဲလို့ မပြီးသေးတဲ့အပေါ်မှာ သူတို့ရဲ့ ကြိုတင်ပြင်ဆင် မှု အဆင်သင့် မဖြစ်သေးတာတွေက ကျမတို့ အလေးထား စဉ်းစားရမယ့်ကိစ္စတစ်ခု ဖြစ်ပါတယ်။
အဲဒါကြောင့် အခြေအနေတစ်ခုလုံးကို ပြန်ကြည့်မယ်ဆိုရင် ကျမတို့ လုပ်ဆောင်ခဲ့တဲ့အရာတွေ၊ ကျမတို့ နှစ်ဘက် သဘောတူ ထားတဲ့ ကတိက၀တ်အချို့ကို အစိုးရဘက်က လိုက်နာဆောင်ရွက်မှု မရှိသေးတာရှိတယ်။ ပြီးစီးအောင် လုပ်ဆောင်ရမယ့်ဟာကို မလုပ်ဆောင်ဘဲနဲ့ တနိုင်ငံလုံးအတိုင်းအတာ အပစ်အခတ်ရပ်စဲရေးအတွက် သွားရောက်လက်မှတ်ရေးထိုးမယ်ဆိုရင် အရင်က ကျမတို့ လက်မှတ်ရေးထိုးခဲ့တာဟာ အာမခံချက် ဘယ်လောက်ရှိပြီလဲဆိုတာကလည်း ကျမတို့ ကေအဲန်ယူအတွက်ဖြစ်စေ၊ တိုင်းရင်းသားတွေအတွက်ဖြစ်စေ စဉ်းစားချက်တစ်ခုလည်း ဖြစ်ပါတယ်။
ဖြစ်လာနိုင်သော စိုးရိမ်မှု
နောက်တစ်ခုက လောလောဆယ်မှာ တိုက်ပွဲတွေ မရပ်တန့်သေးပါဘူး။ အထူးသဖြင့် ကချင်ပြည်နယ်မှာ နေ့တိုင်းလိုလို ပစ်ခတ် မှုတွေ ဖြစ်ပွားနေသလို စစ်ပြေးဒုက္ခသည်တွေလည်း နေ့စဉ်လိုလို ပြေးလွှားနေရဆဲဆိုတာကို ကြည့်ခြင်းအားဖြင့် တိုက်ပွဲတွေ ရှိနေတုန်းပဲဆိုတာ ကျမတို့ ပြောလို့ရတယ်။ ခိုင်မာတဲ့ အပစ်အခတ် ရပ်စဲရေးဆိုင်ရာ ကျင့်ဝတ်တွေကို မလုပ်နိုင်သေးတဲ့အတွက် ကျမတို့ ကေအဲန်ယူနယ်မြေအတွင်းမှာလည်း အလားတူ ဖြစ်ပွားမှုတွေရှိသေးသလို မလိုက်နာမှုတွေလည်း ရှိပါတယ်။ ဒါကြောင့် ကချင်ပြည်နယ်ဘက် တိုက်ပွဲတွေ ဖြစ်ပွားနေဆဲအချိန်မှာ ကေအဲန်ယူတစ်ဖွဲ့တည်းဖြစ်စေ၊ ကေအဲန်ယူနှင့် အခြားအဖွဲ့တွေဖြစ်စေ သွားရောက် လက်မှတ်ရေးထိုးမယ်ဆိုရင် ကြီးမားတဲ့ စိုးရိမ်မှုတွေ ဖြစ်လာစေနိုင်ပါတယ်။ ဘာဖြစ်လို့လဲဆိုတော့ အရင်တုန်းက ကြုံတွေ့ခဲ့ရတဲ့ အဖြစ်အပျက်တွေအရ ကျမတို့ တိုင်းရင်းသားတွေကို တစ်ဖွဲ့ပြီးတစ်ဖွဲ့ အကွဲအပြဲဖြစ်အောင် လုပ်ဆောင်ခဲ့တာကို ကြည့်ခြင်းအားဖြင့် ဒီပုံစံအတိုင်းသာ ဆက်ပြီးဖြစ်မယ်ဆိုလို့ရှိရင် ကျမတို့ တိုင်းရင်းသားတွေအကြားမှာ အမြင်မတူညီတာတွေနဲ့ အကွဲအပြဲတွေ ဖြစ်လာစေပြီး တစ်ဖက်နဲ့တစ်ဖက် အမြင်မှားတာတွေလည်း ဖြစ်ပေါ်လာနိုင်ပါတယ်။
တိုင်းရင်းသားအဖွဲ့ အနည်းငယ်သာ သွားရောက်လက်မှတ်ရေးထိုးမယ်ဆိုရင် တနိုင်ငံလုံးအတွက် ငြိမ်းချမ်းရေးမဟုတ်သလို အပစ်အခတ် ရပ်စဲရေးအတွက်လည်း မဟုတ်သေးဘူးလို့ ကျမမြင်ပါတယ်။ ဒါကြောင့် တနိုင်ငံလုံး အပစ်အခတ်ရပ်စဲရေးကို ကျမတို့ သွားရောက်လက်မှတ်ရေးထိုးဖို့ ဆိုတာက တိုင်းရင်းသားအဖွဲ့တွေ အကုန်လုံး မပါဝင်သေးတာမို့ အခုအခြေအနေမှာ မဖြစ်နိုင်သေးသလို၊ ဖြစ်လည်းမဖြစ်သင့်သေးပါဘူး။ ဒါကြောင့် အားလုံးအကျိုးကျေးဇူးနဲ့ တိုင်းရင်းသားတွေ အကျိူးကျေးဇူးအ တွက် ကျမတို့ တိုင်းရင်းသားတွေအားလုံး အခြေအနေ အစစ်အမှန်ကို စောင့်ကြည့်ဖို့က သင့်တော်တဲ့ လမ်းကြောင်းတစ်ခုပဲလို့ ကျမအနေနဲ့ မြင်ပါတယ်။ အပစ်အခတ် ရပ်စဲရေးရယ်လို့ ကျမတို့ ပြောနေပြီဆိုရင် တနိုင်ငံလုံးမှာ အပစ်အခတ်တွေ အကုန်လုံး ရပ်စဲသွားမယ်။ ပြီးတော့ တနိုင်ငံလုံး သေနတ်သံတွေလည်း အကုန်လုံး တိတ်ဆိတ်နေရမှာ ဖြစ်ပါတယ်။ တနိုင်ငံလုံး အပစ်အ ခတ်ရပ်စဲရေးဖြစ်စေ၊ တနိုင်ငံလုံး ငြိမ်းချမ်းရေး တည်ဆောက်မှုမှာဖြစ်စေ၊ ကျမတို့ဘက်က စိတ်ရင်းစေတနာ အရင်းခံနဲ့ အားကြိုး မာန်တက် ကြိုးပမ်းလုပ်ဆောင်နေပါတယ်။ ဒါကြောင့် အခုကျမတို့ သွားနေတဲ့လမ်းကြောင်းကို အလဟဿ မဖြစ်စေချင်ဘူး။ ဘယ်အချိန် လုပ်ဆောင်ရမလဲ၊ ဘယ်အချိန်ပြီးစီးအောင် လုပ်ရမလဲဆိုတာကလည်း အချိန်အကန့်အသတ်နဲ့ သတ်မှတ်ထားတာ မရှိပါဘူး။ တိုင်းရင်းသားတွေအကုန်လုံး ပါဝင်ပြီး တနိုင်ငံလုံး အတိုင်းအတာကို တစ်ခါတည်း လက်မှတ်ထိုးသွားမှသာ တိုင်းရင်း သားတွေ အားလုံးအတွက် အာမခံချက်ဖြစ်သလို တနိုင်ငံလုံးအတွက်လည်း ဖြစ်ပါတယ်။
ကျမတို့ အမှန်တကယ် လိုလားတောင်းတနေတာက စစ်မှန်တဲ့ ငြိမ်းချမ်းရေးတည်ဆောက်နိုင်ဖို့။ ဒါကြောင့် အခု ခိုင်မာတဲ့ အပစ် အခတ်ရပ်စဲရေးကို ကျမတို့ တိတိကျကျနဲ့ တစ်ဆင့်ပြီးတစ်ဆင့် လျှောက်လှမ်းလုပ်ဆောင်သွားချင်ပါတယ်။ ဒါမှ ကျမတို့သွားနေ တဲ့လမ်းကြောင်းဟာ အကျိုးကျေးဇူးရှိပြီး ပြည်သူလူထုတွေအတွက် ယုံကြည်မှုတွေ သယ်ဆောင်လာနိုင်မှာ ဖြစ်ပါတယ်။ ကျမ တို့ အခု လုပ်ဆောင်နေတဲ့ အပစ်အခတ်ရပ်စဲရေးကို ပြည်သူတွေအတွက် ဘယ်လောက်အကျိုးကျေးဇူးရသလဲဆိုတာကို ကျမ တို့အနေနဲ့ အလေးထားစဉ်းစားဖို့ လိုအပ်လာပါတယ်။
အခု အစိုးရတောင်းဆိုတဲ့ နောက်တစ်ဆင့်တက်လှမ်းဖို့ ဆက်သွားမယ်ဆိုလို့ရှိရင် အရင်လုပ်ထားတဲ့ ပြည်နယ်အဆင့်၊ ပြည်ထောင်စုအဆင့် လက်မှတ်ရေးထိုးထားတာတဲ့ ကိစ္စရပ်တွေကို ပြီးစလွယ် လုပ်ဆောင်သလို ဖြစ်သွားမယ်။ အရင်က အစိုးရ နဲ့ သဘောတူညီထားတဲ့ ကတိက၀တ်တွေကို အခုထက်ထိ ဘာမှမလုပ်ရသေးဘဲ နောက်တဆင့် ဆက်သွားမယ်ဆိုရင် ကျမတို့ လုပ်ထားခဲ့တာတွေဟာ ဘာအကျိုးကျေးဇူးမှမရှိဘဲ အလဟဿ ဖြစ်သွားတာနဲ့ တူပါတယ်။ အဲဒါကြောင့် အခုအချိန်မှာ ကျမတို့ အဓိကထားပြီး စဉ်းစားလုပ်ဆောင်ရမှာ ဖြစ်ပါတယ်။
ကျင့်ဝတ်များကို လိုက်နာဆောင်ရွက်သင့်
အပစ်အခတ်ရပ်စဲရေး ကာလအတွင်း စစ်တပ်တွေ လိုက်နာရမယ့် ကျင့်ဝတ်စည်းကမ်းတွေကို လုပ်ဆောင်ဖို့ ကျမတို့ သဘော တူညီခဲ့တာကို မလုပ်ရသေးဘဲ နောက်တစ်ဆင့် တက်လှမ်းဖို့ မသင့်သေးပါဘူး။ ဥပမာ ပြန်ကြည့်မယ်ဆိုရင် ပထမအဆင့် ကျမ တို့ အပစ်အခတ်ရပ်စဲရေးတုန်းက ဆွေးနွေးခဲ့ရာမှာ တစ်ဖက်နဲ့တစ်ဖက် ယုံကြည်မှု တည်ဆောက်နိုင်ရေးအတွက် ကျမတို့ ကေအဲန်ယူနယ်မြေ ခရိုင်၊ တပ်မဟာတွေမှာ ၀င်ရောက်နေရာယူ လှုပ်ရှားနေတဲ့ အစိုးရစစ်တပ်တွေ ပြန်လည်နောက်ဆုတ်ပေးဖို့ တွေဟာ စစ်ရေးလှုပ်ရှားမှုရှိတဲ့နေရာတွေပဲ ဖြစ်တယ်။ စခန်းအသေ လာချထားတဲ့ စစ်တပ်တွေ မဟုတ်ဘူး။ ရှေ့တန်းစစ်မျက်နှာ ပြင်မှာ လာရောက်လှုပ်ရှားပြီး နယ်မြေလာရောက် တိုးချဲ့တဲ့အဖွဲ့နဲ့ စစ်တပ်စခန်းငယ်လေးတွေကို ဆိုလိုတာပါ။ ကျမတို့ တောင်း ဆိုတဲ့ “စစ်တပ်တွေ ပြန်လည်ဆုတ်ခွာပေးဖို့” ဆိုတာက တစ်ဖက်နဲ့တစ်ဖက် ယုံကြည်မှု တည်ဆောက်ဖို့အတွက်ပဲ ဖြစ်တယ်။
အဲဒီနေရာတွေဟာ ပြည်သူတွေ နေထိုင်ရာ၊ လုပ်ကိုင်စားသောက်တဲ့နေရာ၊ ကျေးရွာတွေ တည်ရှိတဲ့နေရာနဲ့ အများပြည်သူ ကိုး ကွယ်ယုံကြည်သက်ဝင်တဲ့ ဘာသာရေးအဆောက်အအုံတွေ ရှိတဲ့နေရာတွေဖြစ်တယ်။ ဒီကိစ္စတွေကို ၂၀၁၂ခုနှစ်၊ စက်တင်ဘာ လတုန်းက သူတို့ဆီကို ကျမတို့ အသေအချာ တင်ပြတောင်းဆိုခဲ့ပါတယ်။ ဒါကို အစိုးရဘက်က တစုံတရာ လုပ်ဆောင်တာ အခု ထိ မတွေ့ရသေးတာမို့ ဒီကိစ္စကို အရင်ပြီးအောင် ဆောင်ရွက်ဖို့ လိုပါတယ်။ ခိုင်မာတဲ့ အပစ်အခတ်ရပ်စဲရေးအတွက် အပစ်ရပ် နေစဉ်ကာလအတွင်း စစ်ဘက်ဆိုင်ရာ လိုက်နာရမယ့် ကျင့်ဝတ်စည်းကမ်းတွေကို စစ်တပ်အနေနဲ့ လိုက်နာဆောင်ရွက်ဖို့က အလွန် အရေးကြီးပါတယ်။

ပဒိုနော်စီဖိုးရာစိန်သည် ၂၀၀၈ခုနှစ်တွင် ကျင်းပခဲ့သည့် ၁၄ကြိမ်မြောက် ကေအဲန်ယူ ရွေးကောက်ပွဲတွင် အထွေထွေ အတွင်းရေးမှူးအဖြစ် ရွေးကောက်ခံရပြီး ၂၀၁၂ခုနှစ်၊ ဧပြီလနှင့် စက်တင်ဘာလအတွင်း အစိုးရနှင့် တွေ့ဆုံဆွေးနွေးရာ၌ ဦးဆောင်ပါဝင်ခဲ့သည်။ ၎င်းနောက် ၂၀၁၂ခု နှစ် ၁၅ကြိမ်မြောက် ကေအဲန်ယူ ရွေးကောက်ပွဲအပြီးတွင် ဒုဥက္ကဌအဖြစ် ထပ်မံ ရွေးကောက်ခံရသူ အမျိုးသမီးခေါင်းဆောင်တစ်ဦးဖြစ်သည်။


Continue Reading...

ကရင်စာပေတစ်ခုတည်းဖြစ်လာရန် မလွယ်သေးဟု ကရင်စာပေနှင့် ယဉ်ကျေးမှု ပြော


DSC03239-1

အောက်တိုဘာ ၁၁ရက်၊ ၂၀၁၃ခုနှစ်။ စောညွှန့်သောင်း

စည်းလုံးညီညွှတ်ရေးကို ရှေးရှုပြီး ကရင်အမျိုးသားတစ်ရပ်လုံးအတွက် တစ်ခုတည်းသော ကရင်အမျိုးသား စာပေ ဖြစ်ပေါ်လာရန် မလွယ်ကူသေးကြောင်း ကရင်ပြည်နယ် ကရင်စာပေနှင့် ယဉ်ကျေးမှုကော်မတီ ဥက္ကဌ စောအေးမြတ်က ယမန်နေ့က ပြောကြား လိုက်သည်။
ဖားအံမြို့နယ်၊ ကြာအင်းပေါ်တော်မူ ဘုန်းတော်ကြီးကျောင်းတွင် အောက်တိုဘာ ၁၀ရက်နေ့က ဆရာတော်အရှင်ဆန္ဒသာရ ဦးစီး ပြုလုပ်သော ဒုတိယအကြိမ် စကောကရင် စာပေနှင့် ယဉ်ကျေးမှု အကြိုသင်တန်းဆင်းပွဲအခမ်းအနား စောအေးမြတ်က ထိုသို့ ပြောကြားခဲ့ခြင်းဖြစ်သည်။
“တစ်ခုတည်းသော စာပေဖြစ်ဖို့ ကရင်လူထုတွေက ဆန္ဒရှိကြပါတယ်။ ဒါပေမယ့် ကရင်အမျိုးသားတွေကြားမှာ သာဘာစကားနဲ့ ကိုးကွယ်တဲ့ ဘာသာတွေ ကွဲပြားခြားနာမှု အများကြီးရှိတယ်။ နောက် လက်ရှိ ကရင်မျိုးနွယ်စုတွေဟာ ဒေသအလိုက် သူ့နည်း သူ့ဟန်နဲ့ စာပေတွေရှိတဲ့အတွက် တစ်ခုတည်းဖြစ်အောင် လုပ်ဖို့ မလွယ်သေးပါဘူး”ဟု စောအေးမြတ်က ကေအိုင်စီသို့ ပြော သည်။
တစ်မျိုးသားလုံး လက်ခံနိုင်မည့် ကရင်စာပေကို တီထွင်ရန်ဖြစ်စေ၊ ရှိနှင့်ပြီး ကရင်စာပေတစ်ခုခုကို အတည်ပြုရန်ဖြစ်စေ အခက် အခဲရှိကြောင်းနှင့် လုပ်ဆောင်မည်ဆိုပါကလည်း ကရင်ဒေသအားလုံးသို့ ကွင်းဆင်းကာ လူထု၏ ဆန္ဒသဘောထားများကို ကောက်ခံရမည်ဖြစ်သလို သက်ဆိုင်ရာ ကရင်စာပေခေါင်းဆောင်များနှင့်လည်း တွေ့ဆုံညှိနှိုင်းရမည်ဖြစ်၍ အချိန်ယူဦးမည်ဖြစ် ကြောင်း သူက ဆက်ပြောသည်။
တစ်ခုတည်းသော ကရင်စာပေဖြစ်ပေါ်လာနိုင်ရေးနှင့် ပတ်သက်၍ ၎င်းစကောကရင်စာပေနှင့် ယဉ်ကျေးမှု အကြိုသင်တန်းမှ သင်တန်းမှူးတစ်ဦးဖြစ်သူ စောဆာ့စပေါ်က “ကရင်စာပေကို တစ်ခုတည်း အတည်ထားဖို့ဆိုရင် အင်မတန်ကောင်းတဲ့ အရာပါ။ လောလောဆယ် အဲဒါတွေ မလုပ်နိုင်သေးခင်မှာ ကရင်စာပေတစ်ခုခုတော့ တတ်သင့်တယ်။ ဒါကြောင့် ဒီသင်တန်းကို ဖွင့်ရတာ ပါ”ဟု ကေအိုင်စီသို့ ပြောသည်။
ထိုစကောကရင် စာပေနှင့် ယဉ်ကျေးမှု အကြိုသင်တန်းဆင်းပွဲတွင် ပြည်နယ်လွှတ်တော်ကိုယ်စားလှယ်နှင့် ကရင်စာပေနှင့် ယဉ်ကျေးမှုအဖွဲ့၊ သံဃာတော်များ၊ သင်တန်းသူ သင်တန်းသားများ အပါအ၀င် ဒေသခံစုစုပေါင်း လူ ၃၀၀ကျော် တက်ရောက်ခဲ့ ကြသည်။
မွန်ပြည်နယ်၊ ကျိုက်ထိုမြို့နယ်မှ ကရင်စာပေ၊ ယဉ်ကျေးမှုသင်တန်းကို တက်ရောက်သင်ကြားသည့် စောသန်းထွေးက “ကျနော် က မွန်ပြည်နယ်မှာနေတော့ ကရင်အကြောင်းအရာတွေကို ဒီသင်တန်းတက်ရောက်မှပဲ သိရတယ်။ ပထမဦးဆုံးအကြိမ် ကရင် စာကို သင်ကြားခွင့်ရတာပါ။ ကရင်စာပေတစ်ခုတည်း ဖြစ်ပေါ်လာနိုင်ရင်တော့ ပိုကောင်းတယ်”ဟု စောသန်းထွေးကပြောသည်။
DSC03234
ဒုတိယအကြိမ် စကောကရင် စာပေနှင့်ယဉ်ကျေးမှု အကြိုသင်တန်းတွင် မွန်ပြည်နယ် ဘီးလင်မြို့နယ်၊ ကျိုက်ထုံမြို့နယ်၊ ပေါင်မြို့ နယ်နှင့် ကရင်ပြည်နယ် လှိုင်းဘွဲ့မြို့နယ်၊ ဖားအံမြို့နယ်များရှိ ရွာပေါင်း ၄၆ရွာမှ ကရင်လူငယ်မောင်မယ် ၄၉ဦး တက်ရောက်သင် ကြားခဲ့ကြသည်။
ယခုပြုလုပ်သည့် စကောကရင် စာပေနှင့်ယဉ်ကျေးမှု အကြိုသင်တန်းမှာ ကရင်စာပေနှင့် ဘာသာစကားများ မပျောက်ပျက်ရန် ရည်ရွယ်ဖွင့်လှစ်ခဲ့ခြင်းဖြစ်ပြီး တစ်လသင်၊ တစ်လနားဖြင့်သင်ကြားကာ လာမည့်လများ၌ ဆက်လက်ဖွင့်လှစ်သွားမည့် သင်တန်း တွင် ယခင်ထက် ပိုမိုတက်ရောက်သင်ကြားနိုင်ရန် လုပ်ဆောင်သွားမည်ဟု သင်တန်းမှူး စောဆာ့စပေါ်က ပြောသည်။

Continue Reading...

ရေဘေးသင့်ကရင်ပြည်သူ ရာနှင့်ချီ အိုးအိမ်မဲ့နေဆဲဟု FBR ထုတ်ပြန်

  
Photo-KNU (ရေကြီးစဉ်က ကြာအင်းဆိပ်ကြီးမြို့နယ်မြင်ကွင်း)
Photo-KNU (ရေကြီးစဉ်က ကြာအင်းဆိပ်ကြီးမြို့နယ်မြင်ကွင်း)

အာက်တိုဘာ ၉ရက်၊၂၀၁၃ခုနှစ်။ စောသိန်းမြင့်

ကရင်ပြည်နယ် ကော့ကရိတ်မြို့နယ်နှင့် ကြာအင်းဆိပ်ကြီးမြို့နယ်များတွင် ယခုနှစ် မိုးတွင်းကာလအတွင်း မိုးသည်းထန်စွာ ရွာသွန်းသဖြင့် ရေကြီးမှုဖြစ်ပွားခဲ့ရာ ဒေသခံပြည်သူ ရာနှင့်ချီ၍ အိုးမဲ့အိမ်မဲ့ဖြစ်ခဲ့ရသည်ဟု မြန်မာပြည်လွတ်မြောက်ရေးအဖွဲ့ (Free Burma Ranger-FBR)က ယမန်နေ့က သတင်းထုတ်ပြန်လိုက်သည်။
ဇူလိုင်လကုန်ပိုင်းမှ သြဂုတ်လဆန်းပိုင်းအထိ ဖြစ်ပွားခဲ့သည့် ၎င်းရေကြီးမှုတွင် ကြာအင်းဆိပ်ကြီးမြို့နယ်၌ ကျေးရွာပေါင်း ၆၂ရွာ မှ ဒေသခံရွာသားများသည် နေအိမ်နှင့် လယ်ယာ၊ စိုက်ပျိုးခြံများ ပျက်စီးခဲ့ရသလို လွတ်မြောက်ရာသို့ တိမ်းရှောင်ခိုလှုံကြရပြီး ကော့ကရိတ်မြို့နယ်၌လည်း ဒေသခံ ၈၀၀ဦးခန့်မှာ ဆိုးရွားသည့် ရေဘေးဒဏ်ခံခဲ့ကြရသည်ဟု FBR က ဆိုသည်။
ထို့အပြင် မြ၀တီမြို့ အပါအ၀င် ဝေါ်လေဒေသရှိ ထီးသဲလယ်၊ ကွီးလော်ရှူး၊ ဖလူးဒေသရှိ မင်းလက်ပံကျေးရွာများသည်လည်း ရေဘေးဒဏ်ကို ဆိုးရွားစွာ ခံစားရပြီး လူနေအိမ်များ ပျက်စီးသွားသဖြင့် ဘုန်းကြီးကျောင်းများ၌ သွားရောက်ခိုလှုံခဲ့ရသည်ဟု FBR ၏ ထုတ်ပြန်ချက်တွင် ဖော်ပြထားသည်။
“အခု ထုတ်ပြန်လိုက်တဲ့အထဲမှာ ကျနော်တို့ နီးစပ်ရာ ဒေသခံ တာဝန်ရှိသူတွေနဲ့ ပေါင်းပြီး ကောက်ခံလို့ရတဲ့ အချက်အလက် လောက်ပါပဲ။ ပြည့်စုံတယ်လို့တော့ မဆိုလိုဘူး။ ကျနော်တို့ ကောက်လို့ရတဲ့ ဒေသနဲ့ ကောက်လို့ရတဲ့ဒေသ ထက်ဝက်စီ ရှိမယ်” ဟု FBR ဆက်သွယ်ရေးတာဝန်ခံ စောထူးထူးအဲ့က ကေအိုင်စီသို့ ပြောသည်။
ရေဘေးဒဏ်ခံရခဲ့သော အဆိုပါဒေသများရှိ ပြည်သူများသည် ပျက်စီးသွားသည့် ၎င်းတို့၏ နေအိမ်နှင့် အဆောက်အဦးများကို ကိုယ်ထူကိုယ်ထစနစ်ဖြင့်ပင် ပြန်လည်ထူထောင်ရေးများ လုပ်နေကြရသည်ဟု စောထူးထူးအဲ့က ဆက်ပြောသည်။
ထိုရေကြီးမှုများကြောင့် ဒေသခံပြည်သူအများစုသည် ၎င်းတို့သိုလှောင်ထားသည့် ဆန်ရိက္ခာများနှင့် လယ်ယာ၊ စိုက်ပျိုးခြံများ ပျက်စီးကုန်သဖြင့် လက်ရှိအခြေအနေတွင် စားဝတ်နေရေး အခက်အခဲ ကြီးမားလာသလို စာသင်ကျောင်းများမှ ကျောင်းဆရာ၊ ဆရာမများကို လုံလောက်စွာ မထောက်ပံ့နိုင်တော့သဖြင့် ကလေးများ၏ ပညာရေး ထိခိုက်နေရသည်ဟု FBR ထုတ်ပြန်ချက်၌ ပါရှိသည်။
(Photo-FBR ရေကြီး၍ ပျက်စီးသွားသည့် လူနေအိမ်)
(Photo-FBR ရေကြီး၍ ပျက်စီးသွားသည့် လူနေအိမ်)
FBR အပါအ၀င် ထိုင်း-မြန်မာနယ်စပ်အခြေစိုက် လူမှုအဖွဲ့အစည်းများဖြင့် ဖွဲ့စည်းထားသည့် Emergency Assistance and Relief Team – EART အဖွဲ့မှ ရေဘေးဒဏ် ဆိုးဆိုးဝါးဝါးခံခဲ့ရသည့် ရေဘေးသင့်ဒေသများသို့ ဆေးဝါး၊ ဆန်နှင့် အိုးခွက်ပန်းကန် များကို အရေးပေါ် ထောက်ပံ့ကူညီပေးခဲ့သော်လည်း ၎င်းကြာအင်းဆိပ်ကြီးမြို့နယ်အတွင်းမှ ရေဘေးသင့် ပြည်သူ ၆၀၀ကျော်မှာ ယခုအချိန်ထိ ခိုလှုံစရာနေရာ၊ အစားအစာနှင့် ကျန်းမာရေးစောင့်ရှောက်မှု အကူအညီများ လိုအပ်နေဆဲဖြစ်သည်ဟု သိရသည်။
IMG_1044
EART မှ လက်ထောက်တာဝန်ခံ ကိုမိုးနိုင်က “အခုလောလောဆယ် အရေးပေါ် ကျန်းမာရေးအဖွဲ့တွေကို ရေဘေးသင့်ခံခဲ့ရတဲ့ ဒေသတွေကိုလွှတ်ပြီး ကျနော်တို့ ဆန်တွေအနည်းငယ် သွားဝေတာရှိတယ်။ အဲဒီက ထွက်လာတဲ့ results (အဖြေ)ကို ကြည့်ပြီး တော့ ဘာတွေ ဆက်လုပ်ရမလဲဆိုတာ ပြန်ကြည့်ရမယ်။”ဟု ကေအိုင်စီသို့ ပြောသည်။
ယခုနှစ် ဇူလိုင်လနှင့် သြဂုတ်လအတွင်း မြန်မာနိုင်ငံ နေရာတော်တော်များများ၌ မြစ်ရေကြီးမှုနှင့် ရေလွှမ်းမိုးမှု ဖြစ်ပွားခဲ့သလို ကရင်ပြည်နယ်အတွင်း၌လည်း ဖားအံ၊ ကော့ကရိတ်၊ ကြာအင်းဆိပ်ကြီး၊ လှိုင်းဘွဲ၊ ပိုင်ကျုံနှင့် မြ၀တီ စသည့်မြို့နယ်များတွင် ရေကြီးမှုကြောင့် လယ်ယာ၊ ခြံမြေ များစွာ ပျက်စီးသွားခဲ့ပြီး လူပေါင်း ရာနှင့်ချီ သေဆုံးခဲ့သည်ဟု ရေဘေးသင့်ပြည်သူများကို လိုက်လံအကူအညီပေးနေသည့် လူမှုကယ်ဆယ်ရေးအဖွဲ့အစည်းများက ခန့်မှန်းပြောဆိုနေကြသည်။

Continue Reading...

အစိုးရ တပ်ပြောင်းရွှေ့ရေး KNU နှင့် အောက်တိုဘာလကုန် တွင် ဆွေးနွေးမည်


Photo-KIC(၂၀၁၂ စက်တင်ဘာ ၄ရက်က ကေအဲန်ယူနှင့် အစိုးရ တပ်ပြောင်းရွှေ့ရေး ဆွေးနွေးစဉ်)
Photo-KIC(၂၀၁၂ စက်တင်ဘာ ၄ရက်က ကေအဲန်ယူနှင့် အစိုးရ တပ်ပြောင်းရွှေ့ရေး ဆွေးနွေးစဉ်)
အောက်တိုဘာ ၉ရက်၊ ၂၀၁၃ခုနှစ်။ (ကေအိုင်စီ)
ကရင်အမျိုးသားအစည်းအရုံး(KNU) ထိန်းချုပ်နယ်မြေအတွင်း မြန်မာအစိုးရ၏ တပ်နေရာပြောင်းရွှေ့ရေးကိစ္စ အကောင်အထည် ဖော်သွားရန် ယခုအောက်တိုဘာလ ၂၈ရက်နေ့တွင် KNU နှင့် တွေ့ဆုံဆွေးနွေးကြရန် ယမန်နေ့က ကရင်ပြည်နယ်၊ ဖားအံမြို့တွင် နှစ်ဖက် အလွတ်သဘော ဆွေးနွေးခဲ့ကြသည်။
KNU ၏ စစ်ဦးစီးချုပ် ဗိုလ်ချုပ်ကြီးစောဂျော်နီ ဦးဆောင်သော အဖွဲ့ဝင် ၆ဦးသည် အစိုးရ၏ အရှေ့တောင်တိုင်း စစ်ဌာနချုပ်-ရတခ တိုင်းမှူး ဗိုလ်ချုပ်တင်မောင်ဝင်း၊ G-1 ဒုဗိုလ်မှူးကြီးဘုန်းအောင်မြင့်၊ တပ်မ(၂၂)ဗျူဟာမှူး ဗိုလ်မှူးကြီးကံမောင်ဦးတို့နှင့် ဖားအံမြို့ရှိ တပ်မ(၂၂) ခမ်းမဆောင်၌ ယမန်နေ့ညက တစ်နာရီကျော် တွေ့ဆုံဆွေးနွေးခဲ့ကြခြင်းဖြစ်သည်။
ဗိုလ်ချုပ်ကြီးစောဂျော်နီက “ဘာဆုံးဖြတ်ချက်မှ ချတာမရှိဘူး။ အလွတ်သဘောပဲလေ။ အစိုးရဘက်က သူတို့တပ် ပြောင်းရွှေ့ဖို့ ကိစ္စကို မနှစ်ကတည်းက ကျနော်တို့ တင်ပြထားပြီးပြီ။ လုပ်ဆောင်ဖို့က သူတို့ တပ်ချုပ်ကပဲ ညွှန်ကြားစီစဉ်ရမှာမို့ ဒါကို တိုင်းမှူးနဲ့ အလွတ်ဆွေးနွေးတာပါ။ အောက်တိုဘာလ ၂၈ရက်မှာ ဆွေးနွေးသွားမဲ့သဘော သူတို့ပြောတယ်။”ဟု ကေအိုင်စီသို့ ပြောသည်။
DSC00231
အဆိုပါတွေ့ဆုံမှုအပြီးတွင် KNU စစ်ဦးစီးချုပ်နှင့်အဖွဲ့သည် ယနေ့မနက်တွင် ကရင်ပြည်နယ် ၀န်ကြီးချုပ် ဦးဇော်မင်းနှင့် ခေတ္တ သွားရောက်တွေ့ဆုံကာ နယ်စပ်သို့ ပြန်ရောက်လာခဲ့ပြီး ယင်းသို့ အလွတ်သဘော ဆွေးနွေးလာသည်များကို ဗဟိုခေါင်းဆောင် များထံ တင်ပြသွားမည်ဖြစ်ကြောင်း ဗိုလ်ချုပ်ကြီးစောဂျော်နီက ဆက်လက်ပြောဆိုသည်။
အစိုးရစစ်တပ်၏ တပ်မ(၂၂)တာဝန်ရှိသူများနှင့် တွေ့ဆုံခဲ့သည့် KNU အဖွဲ့တွင် ဗိုလ်ချုပ်ကြီးစောဂျော်နီနှင့်အတူ G-3 ဗိုလ်မှူးစော တာမလာသော၊ ဗိုလ်မှူးကြီးစောဖောဒို၊ တပ်မဟာ(၃)မှူး ဗိုလ်မှူးချုပ်စောအဲ့ကလူသိန်း၊ တပ်မဟာ(၂) ဗျူဟာမှူး ဗိုလ်မှူးကြီးစောဒဲ ဖိုးနှင့် ဗိုလ်မှူးစောဒီးကွယ်တို့ဖြစ်သည်။
KNU ဥက္ကဌ ဗိုလ်ချုပ်ကြီးမူတူးစေးဖိုးနှင့် အဖွဲ့သည် ပြီးခဲ့သည့် စက်တင်ဘာလ ၂၈ရက်နေ့က နေပြည်တော်သို့ သွားရောက်ကာ အစိုးရအဖွဲ့နှင့် တပ်အကြီးအကဲများကို တွေ့ဆုံခဲ့ပြီး တနိုင်ငံလုံး အပစ်အခတ် ရပ်စဲရေးအပြင် တပ်နေရာပြောင်းရွှေ့ထားရေးကိုပါ ဆွေးနွေးခဲ့ရာ မြန်မာအစိုးရ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တစ်လအတွင်း စီစဉ်လုပ်ဆောင်ပေးသွား မည်ဟု တုန့်ပြန်ပြောဆိုခဲ့ကြောင်း ဗိုလ်ချုပ်ကြီးစောဂျော်နီက ပြောသည်။
၂၀၁၂ခုနှစ်၊ စက်တင်ဘာလက ဘားအံမြို့တွင် ကေအဲန်ယူနှင့် အစိုးရတို့ တတိယအကြိမ် တွေ့ဆုံဆွေးနွေးခဲ့ရာ၌ ကေအဲန်ယူ၏ တပ်ဖက်ဆိုင်ရာ ကိုယ်စားလှယ်များက ၎င်းတို့နယ်မြေအတွင်း အစိုးရတပ်များကို ပြောင်းရွှေ့နေရာချသွားရန် တင်ပြဆွေးနွေးခဲ့ သည်။

Continue Reading...

မြ၀တီမြို့နယ်ရှိ ရွာ ၁၀ရွာကို လမ်းစဉ်နှင့် လက်ရှိနိုင် ငံရေး ကေအဲန်ယူ ချပြဆွေးနွေး

စက်တင်ဘာ ၂၄ရက်၊ ၂၀၁၃ခုနှစ်။ စောခါးစူးညား photo1ကရင်ပြည်နယ်၊ မြ၀တီမြို့နယ်ရှိ ကရင်အမျိုးသားအစည်းအရုံး(ကေအဲန်ယူ) ထိန်းချုပ်နယ်မြေ မောခီးကျေးရွာအုပ်စုရှိ ရွာ ၁၀ရွာ ကို ကေအဲန်ယူက ၎င်းတို့၏ လမ်းစဉ်နှင့် လက်ရှိ နိုင်ငံရေးအခြေအနေများကို စက်တင်ဘာလ တတိယပတ်အတွင်း ရှင်းလင်းချပြ ဆွေးနွေးသည်ဟု သိရသည်။
ကေအဲန်ယူ တပ်ရင်း(၂၀၁)မှ ဒုဗိုလ်မှူးကြီးစောဘူးဖော ဦးစီး၍ မောခီးကျေးရွာအုပ်စုအတွင်းရှိ ကနဲလေး၊ လယ်ခေါ်၊ အူးဖူးထာ့၊ ထီးဆဲလယ်၊ မောခီး၊ မောဖိုးကလိုး၊ ကော်ဆဲ၊ ကလော်ဝေါ်၊ ဖောဘူးလာ့ထာ့နှင့် ကွီးချဲဖော စသည့်ရွာများမှ ရွာသူရွာသားများကို စက်တင်ဘာလ ၂၂ရက်နေ့မှစတင်ကာ အလုပ်ရုံဆွေးနွေးပွဲပုံစံဖြင့် ခြောက်ရက်ကြာ ပြုလုပ်သွားမည်ဖြစ်သည်။
ဒုဗိုလ်မှူးကြီးစောဘူးဖောက “ကျနော်တို့ လူထုအများစုဟာ ကေအဲန်ယူ သွားနေတဲ့လမ်းစဉ် သေချာမသိကြဘူး။ ကေအဲန်ယူ ဟာ လက်နက်ကိုင်နေတာ တစ်ခုတည်းမဟုတ်ဘဲ လူထုတွေကို နိုင်ငံရေးမှာ ဦးဆောင်တယ်ဆိုတာ သူတို့သိအောင် ရှင်းပြ တယ်။ နောက် အခုလုပ်နေတဲ့ ငြိမ်းချမ်းရေးဖြစ်စဉ်မှာ ဘယ်အဆင့်ထိ ရောက်နေပြီလဲဆိုတာ လူထုကို ရှင်းပြတယ်”ဟု ပြော သည်။
အဆိုပါ အလုပ်ရုံဆွေးနွေးပွဲတွင် မောခီးကျေးရွာအုပ်စုအတွင်း လှုပ်ရှားနေသည့် ကေအဲန်ယူ အုပ်ချုပ်ရေးနှင့် တပ်ပိုင်းဆိုင်ရာ တာဝန်ရှိသူများ၊ တပ်သားများ အပါအ၀င် (ကေ၀ိုင်အို)ကရင်လူငယ်အစည်းအရုံး၊ (ကေဒဗလျူအို) ကရင်အမျိုးသမီးအစည်းအ ရုံး အဖွဲ့ဝင်များနှင့် ဒေသခံ ကျေးရွာလူထုပေါင်း ၂၀၀ကျော် တက်ရောက်ခဲ့ကြသည်။
အလုပ်ရုံဆွေးနွေးပွဲ တက်ရောက်သည့် ဖောဘူးလာ့ထာ့ရွာသူ နော်လားတူးက “ကျမတို့က ကေအဲန်ယူရဲ့ လမ်းစဉ်နဲ့ အခု သူတို့ သွားနေတဲ့ ငြိမ်းချမ်းရေးဖြစ်စဉ်မှာ ဘယ်အခြေအနေရှိလဲဆိုတာ သိချင်တာရယ်၊ ဘယ်လိုအပိုင်းမှာ ပံ့ပေးနိုင်မလဲဆိုတဲ့အပိုင်းမှာ ဒီဆွေးနွေးပွဲကို လာတက်တာဖြစ်ပါတယ်”ဟု ကေအိုင်စီသို့ ပြောသည်။
မောခီးကျေးရွာအုပ်စုတွင် ကေအဲန်ယူအနေဖြင့် ယခင်က လွတ်လွတ်လပ်လပ် သွားလာမရသည့်အချိန်က လူထုအတွက် အလုပ်ရုံဆွေးနွေးပွဲများ လာရောက်ပြုလုပ်မှု မရှိခဲ့သော်လည်း ယခုလို အချိန်မျိုးတွင် လာရောက်နိုင်သည့်အပေါ် များစွာ အကျိုး ရှိကြောင်း သူမက ဆက်ပြောသည်။
ကေအဲန်ယူသည် မြန်မာအစိုးရနှင့် အပစ်အခတ်ရပ်စဲရေး မပြုလုပ်မီက လူထုအား လွတ်လပ်စွာ ပြောဆိုခွင့် မရရှိသော်လည်း ယခုလို သွားလာလှုပ်ရှားနေချိန်တွင် ကရင်ဒေသခံလူထုများ အမြင်ကျယ်လာပြီး နိုင်ငံရေးအတွေးအခေါ် မြင့်မားလာစေရေးအ တွက် လုပ်နိုင်သည့် အတိုင်းအတာဖြင့် လူထုစည်းရုံးရေးများ ဆောင်ရွက်နေခြင်းဖြစ်သလို အလားတူ ဆွေးနွေးပွဲကို ရှေ့ဆက် လုပ်ဆောင်သွားနိုင်ရန် ကြိုးပမ်းဆောင်ရွက်သွားမည်ဟု ကေအဲန်ယူဘက်က ပြောဆိုသည်။
Continue Reading...